දිවයින කතුවැකිය
යටත් වූ කොටින්ට වෙඩි තබන ලෙස විශ්‍රාමික ජෙනරාල් තුමා විහිළුවට මෙන් කියන ලද කතාව යුද රහස්‌ හෙළිකිරීමේ වැඩපිළිවෙලක්‌ බව ආරක්‍ෂක ලේකම් ගෝඨාභය රාජපක්‍ෂ කියයි. තමා එසේ නො කියන ලද බව විශ්‍රාමික ජෙනරාල් පසුව කියුවත් එය ලියූ පුවත්පත් කලාවේදිනිය තම ප්‍රවෘත්තිය වෙනුවෙන් පෙනී සිටීමෙන් අවුල් සහගත තත්ත්වයක්‌ හටගෙන ඇත. ජෙනරාල් වෙනුවෙන් කතා ලියන්නා හෝ ඔහු වෙනුවෙන් සිතන්නා ජෙනරාල් ප්‍රසිද්ධ සභාවල කතා කිරීමේදී හා පුවත්පත්වලට ප්‍රකාශ නිකුත් කිරීමේදී ඔහු ආරක්‍ෂා කර ගත යුතු ය.
නැතහොත් මේ කීර්තිමත් යුද වීරයා ඉතිහාසයේ වනාන්තරයේ අතරමං වනවා ඇත. පුලිදේවන්, ශංකර්, නඩේසන්, පොට්‌ටුඅම්මන්, ප්‍රභාකරන්, චාල්ස්‌ ඇන්තනී වැනි අපරාධකාරයන් වෙඩි තබා මැරිය යුතුම ය. ගෝඨාභය එවැනි නියෝගයක්‌ නො දුන්නේ නම් ගෝZඨාභයට වෙඩි තැබිය යුතු ය. විශේෂයෙන් පුවත්පත් කලාවේදීන් සමඟ නිල මට්‌ටමින් කතා කිරීමේදී මේ දෙදෙනාම ඉතා පරෙස්‌සම් විය යුතු ය. මන්ද යත් දෙදෙනාටම යුද්ධය මිස සිවිල් ලෝකය ගැන එතරම් පළපුරුද්දක්‌ ඇති බව පෙනෙන්නට නො තිබීම ය.
කෙසේ වුව ද හඬ ඔබේය වැඩ මගේය යනුවෙන් කියන්නාක්‌ මෙන් කාගේ හෝ සිතුවිල්ලකට අනුව (නැතහොත් තමන්ගේම සිතුවිල්ලට අනුව) ජෙනරාල්තුමා කී කතාව නිසා විදේශික ප්‍රජාව පත්තු වී සිටින බව පෙනෙන්නට තිබේ. ඇත්තම කතාව නම් ඊළඟ ජනාධිපතිවරණයේදී විදේශික ප්‍රජාවගේ සුරතල් තෝරාගැනීම වන්නේ ජනාධිපති මහින්ද රාජපක්‍ෂ හෝ ජෙනරාල් නොව වෙනත් පුද්ගලයකු වීම ය. මේ නිසා මේ දෙදෙනාගෙන්ම සෑහීමකට පත් නොවී ශ්‍රී ලංකාව දිගටම ඉලක්‌කයක්‌ කරගෙන සිටින ජාත්‍යන්තර ප්‍රජාවේ පල්හොරු රැළ සහ එම සොර කණ්‌ඩායම සමඟ අත්වැල් බැඳගෙන සිටින දෙමළ ඩයස්‌පෝරාව ජෙනරාල්ගේ කතාව පාවිච්චි කරමින් එක්‌සත් ජාතීන්ගේ සංවිධානය වැනි කණ්‌ඩායම් උසි ගන්වනු දැකිය හැකි ය. මේ අනුව සී.එන්.එන්. රූපවාහිනියේ ක්‍රිස්‌ටියානා අමාන්දාර් (මෙතුමිය හිටපු බ්‍රිතාන්‍ය විදේශ ලේකම් රොබින් කුක්‌ගේ බිරිඳ ය.) එක්‌සත් ජාතීන්ගේ මානුෂීය සම්බන්ධතා පිළිබඳ කොමසාරිස්‌ ජෝන් හෝම්ස්‌ගෙන් මේ කාරණය විමසා ඇත. එවිට ඔහු පිළිතුරු දෙකක්‌ දී තිබේ. එනම්
1. යුද්ධයේ අවසාන කොටස නිරීක්‍ෂණය කිරීමට එක්‌සත් ජාතීන්ගේ සංවිධානය අවසර ඉල්ලූ නමුත් රජය ඊට ඉඩ නොදුන් බව.
2. යුද්ධයේ අවසාන කොටස ඉතා කඩිනමින් සිදු වූ බැවින් ඊට මැදිහත් වීමට එක්‌සත් ජාතීන්ගේ කොමසාරිස්‌වරුන්ට කාලයක්‌ නො ලැබුණ බව.
සාමාන්‍යයෙන් යුද්ධ භූමියක සිsටින්නේ සටනේ නියෑලෙන පාර්ශ්ව පමණි. ඊට අමතරව යුද්ධයට මැදි වන සිවිල් ජනයා ද රතුකුරුස සංවිධානය ද යුද්ධ භූමියක දැකිය හැකිය. ප්‍රවෘත්ති කලාවේදීන්ට පවා යුද්ධ භූමියක ගමන් කළ හැක්‌කේ එක්‌තරා සීමාවන්ට යටත්ව ය. මීට අමතරව රටකජුකාරයන්, අයිස්‌ක්‍රීම්කාරයන්, ලොතරැයි වෙළෙඳුන් යනාදීන් යුද බිමක දැකිය නො හැක. එක්‌සත් ජාතීන්ගේ නියෝජිතයන් යුද ප්‍රදේශය තුළට යැම රජය විසින් වළක්‌වන ලද්දේ අපගේ තක්‌සේරුවට අනුව ආරක්‍ෂක හේතූන් මත ය. හදිසියකදී එවැනි එක මහතකුට හෝ ත්‍රස්‌තවාදියකු වෙඩි තැබුවොත් ඒ මහතා බිම වැටෙන ගමන් ම කීමට ඉඩ ඇත්තේ "හමුදාව මට වෙඩි තැබුවා ය" යනුවෙනි. මේ අත්දැකීම් තිස්‌ අවුරුදු බෙඳුම්වාදී යුද්ධය තුළ ශ්‍රී ලංකාවට ඉතා හොඳින් පුරුදු ය. සටන් විරාම ගිවිසුම පැවැති කාලයේදී නැගෙනහිර පළාතේ සිටි සටන් විරාම නිරීක්‍ෂකයන් දෙදෙනකු පැහැර ගත් කොටි ඔවුන්ගේ ඉල ඇදී පිට නිල්වන තුරු පහර දුන්හ. එහෙත් මේ නිරීක්‍ෂකයන් එකෙක්‌වත් කොටින්ට විරුද්ධව කට ඇරියේ නැත. මෙය කළේ රජයේ හමුදාව නම් මේ වන විටත් ශ්‍රී ලංකාවට එරෙහිව සම්බාධක පනවා ඉවර ය.
කෙසේ වුවද අප මෙහිදී කියන්නේ ජෙනරාල්ගේ කතාවෙන් ශ්‍රී ලංකාව තුළ ප්‍රයෝජනයක්‌ ගැනීමට කාටවත් නො හැකි වුවත්, විදේශ බලවේග එයින් ප්‍රයෝජන ගත් බවය. ජාත්‍යන්තර ප්‍රජාවෙන් වැඩි දෙනා අදත් මවාගෙන සිටින චිත්‍රය වන්නේ ප්‍රභාකරන් සිය ත්‍රස්‌ත මිතුරු කැල සමඟ ආණ්‌ඩුවට යටත් වූ බවත්, රජය ඔවුන් මැරූ බවත් ය. ප්‍රේමදාස ජනාධිපතිතුමාගේ කාලයේදී නැගෙනහිර පළාතේදී කොටින්ට යටත් වූ පොලිස්‌ නිලධාරීන් 700 ක්‌ ත්‍රස්‌තවාදීන් විසින් අමු අමුවේ මරා වළ දමනු ලැබීම ගැන කාටවත් මතක නැත. මෙයට එරෙහිව ජාත්‍යන්තර ප්‍රජාව වචනයක්‌වත් කීවේ ද? එබැවින් අපගේ වැටහීම වන්නේ "මට පෙර රට" යන උධෘතය සහිතව ඡන්දයට එන ජෙනරාල්තුමා එය එසේම රැකිය යුතු බව ය. සමහර විට ජෙනරාල්තුමා පාවිච්චි කරමින් ඉහළට යැමට තැත් කරන, ජනතාවගෙන් ප්‍රතික්‍ෂේප වූ කණ්‌ඩායම් මෙවැනි සිදුවීම්වලින් සතුටු වනවා ඇති. ඔවුනට අවශ්‍යත් එයම ය. "හැමටම පෙර රට" යන්න මේ පුවත්පතේ උධෘතය වූයේ 1981 දී පටන් ය. මෙතැනදී තවත් ඉදිරියට යමින් හැමටම පෙර "ඒකීය රටක්‌" යන උධෘතය අනුව මේ පුවත්පත කටයුතු කළේ ය. ඒකීය රටක්‌ සඳහා සිදු කෙරෙන මෙහෙයුම යුද්ධයක්‌ ද, ශීල ව්‍යාපාරයක්‌ ද, ඒ දෙකටම මේ පුවත්පත අදටත් පක්‍ෂ ය. ජාත්‍යන්තර ප්‍රජාව ඉදිරිපිටදී මේ දෙකම කළ හැක්‌කේ කට පරෙස්‌සම් කරගත් තරමට ය. රටට පෙර කට යනුවෙන් මේ තීරුව අද නම් කළේ ඒ නිසා ය.
Subscribe to:
Post Comments (Atom)
Now the General has made it more complicated.
ReplyDelete1.I did not sy that.
2.I will take the responsibility for anything happened at the last days of war.That is why I am claiming the full credit.(But no responsibity for what I said.)
3.Gota has asked to kill them all.(We did not have the courage.Also Gota is the culprit .)
3.Paper-version is wrong.
4.Misquoted.
5.Wrong interpretation by the readres/government.
All are contradictory.