Sri Lanka Presidential Elections 2010

‘හයිකෝප්’ වංචා සිද්ධියේ තෙවැනි සැකකරු ෆොන්සේකා 23දා අධිකරණයේ පෙනී සිටින ලෙසට නියෝග

2010-06-17T03:54:00.000+05:30

කුමුදු හෙට්ටිආරච්චි

විශ්‍රාමික ජෙනරාල් සරත් ෆොන්සේකා, ‘හයිකෝප්’ මුදල් වංචා සිද්ධියේ තුන්වැනි සැකකරු ලෙස නම් කළ කොළඹ කොටුව මහේස්ත්‍රාත් ලංකා ජයරත්න මෙනෙවිය සැකකාර සරත් ෆොන්සේකා ලබන 23 වැනිදා කොටුව මහේස්ත්‍රාත් අධිකරණයට ඉදිරිපත් කරන්නැයි යුද හමුදා පොලිසියට ඊයේ (16) නියෝග කළාය.‘හයිකෝප්’ මුදල් වංචා සිද්ධියේ දී ඉදිරිපත් වූ සාක්කි අනුව විශ්‍රාමික ජෙනරාල් සරත් ෆොන්සේකා එම සිද්ධියේ සැකකරුවෙකු ලෙස නම් කරන්නැයි නීතිපතිවරයා ලබාදුන් උපදෙස් මත මහේස්ත්‍රාත්වරිය විසින් විශ්‍රාමික ජෙනරාල් සරත් ෆොන්සේකා ඊයේ (16) එසේ සැකකරුවකු ලෙස නම් කරනු ලැබුවා ය.

‘හයිකෝප්’ මුදල් වංචා සිද්ධියට අදාළ ප්‍රශ්නගත ටෙන්ඩර් හතර ලබාදීම සඳහා පවත්වන ලද ප්‍රසම්පාදක කමිටු හතරේම සභාපතිවරයා ලෙස විශ්‍රාමික ජෙනරාල් සරත් ෆොන්සේකා කටයුතු කැර ඇත.

ශශ්‍රී ලංකා යුද හමුදාපති වශයෙන් වූ නිල තත්ත්වය මත යුද හමුදා ප්‍රසම්පාදක කමිටුවේ සභාපති ලෙස කටයුතු කරමින් අදාළ භාණ්ඩ සැපයීම සඳහා ‘බ්‍රිටිෂ් බෝර්නියෝ ඩිෆෙන්ස්’ නමැති ලියාපදිංචි සැපයුම්කාර සමාගම විසින් ඉදිරිපත් කැර ඇති බවට දැක්වෙන ලංසු එම සමාගම විසින් ඉදිරිපත් නොකළ බව දක්වමින් විශ්‍රාමික ජෙනරාල් සරත් ෆොන්සේකා එම ලංසු අනුමත කැර ඇති බව රහස් පොලිසිය ඊයේ (16) වැඩිදුර වාර්තාවක් මගින් අධිකරණයට දන්වා සිටියේ ය.

තවද තම බෑණා වන මෙම සිද්ධියේ දෙවැනි සැකකරු ධනුන තිලකරත්නට අයත් ඔහුගේ පාලනයේ පවතින බවට දන්නා ‘හයිකෝප්’ සමාගම වෙත අවිධිමත් ලෙස රජයේ මුදල් බැර කිරීම සඳහා ශ්‍රී ලංකා යුද හමුදාවේ ප්‍රසම්පාදන කටයුතු බාරව සිටින නිලධාරීන් රැවටීම සඳහා විශ්‍රාමික ජෙනරාල් සරත් ෆොන්සේකා ආධාර අනුබල දීම සිදුකැර ඇති බවත් රහස් පොලිසිය සිය වැඩිදුර වාර්තාවෙන් අධිකරණයට දන්වා සිටියේ ය.

”කොතරම් වතුර ගැලුවත් මැඩියාගේ කරවටලු” කිව්වා සේ විපක්ෂ නායක ධූරයේ කල්ප කාලාන්තරයක් වුවද සිටීමට වික්‍රමසිංහ මහතාගේ අකමැත්තක් නොමැත

2010-05-30T18:51:00.002+05:30

මේධා- සිළුමිණ
එක්සත් ජාතික පක්ෂය නැවත පුවත් මවන්නට පටන් ගෙන ඇත. ඒ නායකත්වය පිළිබඳවයි. එ.ජා.ප.යේ වර්තමාන නායකත්වයට එරෙහිව ප්‍රසිද්ධියේ එල්ලවෙන දෙවන කැරැල්ලයි මේ.
තවත් විදියකින් පැවසුවහොත් මෙය පළමු කැරැල්ලේම කාබන් කොපියකි. පළමු කැරැල්ලේ ඇතැම් ජවනිකා මේ වන විටත් රඟ දැක්වී හමාරය. තවත් ජවනිකා රඟදැක්වෙමින් පවතින අතර ඉදිරියේදී රඟදැක්වීමට ද නියමිතය.

දෙදාස් දෙක වසරේදී චන්ද්‍රිකා කුමාරතුංගගේ ආණ්ඩුව ගෙදර යවා රනිල් වික්‍රමසිංහ අගමැති තනතුරට පත්වූයේ එතුමියගේම විධායකය යටතේය. ගැහැනියක පිරිමියකු කිරීමටත් පිරිමියකු ගැහැනියක කිරීමටත් පමණක් නොහැකි ජේ.ආර්. ගේ ව්‍යවස්ථාවේ විධායකය රනිල්ගේ අගමැතිකමත් ආණ්ඩුවත් වසර දෙකකින් ගෙදර හැරියේය. නැවත බිහිවූයේ ශ්‍රී.ල.නි.ප. ප්‍රමුඛ ආණ්ඩුවකි. ඊළඟට පැවැති ජනාධිපතිවරණය ද වික්‍රමසිංහ මහතා විපක්ෂ නායක ධූරයට ම හිර කළේය.

සිය වෙලාව එනතුරු විපක්ෂ නායක ධූරයේ කල්ප කාලාන්තරයක් වුවද සිටීමට වික්‍රමසිංහ මහතාගේ අකමැත්තක් නොමැත.
”කොතරම් වතුර ගැලුවත් මැඩියාගේ කරවටලු” කිව්වා සේ ඒ වන විට මැතිවරණ 14 ක් පරාජය වී තිබුණ ද එය සතේකට මායිම් කළේ වික්‍රමසිංහ මහතා නොවේ. පරාජයන් කිසිවක් තමන්ගේ වැරැද්දෙන් වූවා යැයි ඔහු කිසිවිටෙක සිතුවේ නැත. එබැවින් විපක්ෂ නායක ධූරයේ කොතරම් කාලයක් සිටින්නට සිදු වුවද රනිල්ට එය ලැජ්ජාවට කරුණක් නොවීය.
එහෙත් තවදුරටත් විපක්ෂයේ මන්ත්‍රීවරුම වී සිටින්නට පක්ෂයේ ඇතැම් කොටසක් කැමැති වූයේ නැත. කෙටියෙන්ම කියතොත් දිගින් දිගටම විපක්ෂය නියෝජනය කරන පක්ෂයක නියෝජ්‍ය නායකයා වී සිටීමට කරු ජයසූරිය කැමැති වූයේ ද නැත. එබැවින් පෙරළිකාර විකල්ප කණ්ඩායමේ නායකත්වය දැරුවේ ද එ.ජා.ප.යේ නියෝජ්‍ය නායකත්වයයි.
”එ.ජා.ප.යේ සිටින ප්‍රබලම මන්ත්‍රීවරුන් සිටින්නේ කරු පිල සමඟයි. අනික මිනිස්සුත් කරුට ආදරෙයි. ඒ නිසා කරු පිලේ අභියෝගය ලෙහෙසියෙන් පරදින්නෙ නැහැ”
මේ එදා කරු පිල ගැන සමහරු කියූ කථාවකි.
”මේ සැරේ ලොක්කා බෙල්ලට ම හිරවෙලා ඉන්නේ. අපේ ප්‍රතිසංවිධාන යෝජනා ක්‍රියාත්මක කරන්න එයාට සිද්ධ වෙනවා.”

”අපේ ගමන දුෂ්කරයි. ඉන්නෙ සුළුතරයයි. ඒත් අපි පක්ෂයේ අරටුවයි. ජනතාව ඉන්නේ අපි සමඟයි. ඒ නිසා අපි මේ සටන දිනනවාමයි.”යනාදී කථා කරු පිල තමන් ගැනම එවැනි කථා කියා ගත්තේය.

එදා කරු පිල සිය සටන අරඹන විට සිය නායකත්වය පරාජය වී තිබුණේ මැතිවරණ දාහතරකි. මේ වනවිට ඔහු පැරදුණ මැතිවරණ ගණන දහඅටකි. ළඟදීම දහනවවෙනි පරාජයත් ඔහුට උරුම වන්නේ පළාත් පාලන මැතිවරණය නිසාය.

”පළාත් පාලනයෙන් නම් කම් නැත. ඒත් ඊළඟ මහ මැතිවරණයෙන් එ.ජා.ප.ය ආණ්ඩුවක් පිහිටුවිය යුතුය. “දැන් නම් ලොක්කාගේ කෙරුවාව ඉවසුවා හොඳටෝම ඇතිය. පක්ෂය වහා ප්‍රතිසංවිධානය කළ යුතුය. පක්ෂ නායකත්වය වෙනස් විය යුතු අතර පක්ෂයේ ප්‍රජාතන්ත්‍රවාදය ද තහවුරු කළ යුතුය. ප්‍රධාන නිලතල ඡන්දයකින් පත් කළ යුතුයි”

කරු පිල සටන් කරන විට ද ඉවසීමේ ගුණාංගය ප්‍රගුණ කළ සජිත් පිල දැන් මෙසේ කියන්නේ ඉවසීමේ සීමාව හමාර වී ඇති නිසා විය යුතුය. එදා කරු පිල වෙනුවට අද සජිත් පිල කරළියට ඇවිත් සිටින්නේ තවදුරටත් විපක්ෂයට වී සිටිය නොහැකි නිසා විය යුතුය. එදා නායකත්වය රනිල්ගෙන් කරුට විතැන් විය යුතුª යැයි කියූ අය අද පවසන්නේ නායකත්වය රනිල්ගෙන් සජිත්ට විතැන් විය යුතු බවය.

”පක්ෂයේ වැඩ පෙන්වන වැඩ කළ හැකි ජනපි‍්‍රය චරිතයකට නායකත්වය හිමිවිය යුතුය. ඒකට සුදුස්සා සජිත්ය.”

එදා කරු අද සජිත්

එදා කරු ගැන අභිමානයෙන් කථා කළ ඇතැමෙකු අද සජිත් ගැන කථා කරන්නේ එලෙසය.
එදා රනිල්ට විරුද්ධ වූ කරු පක්ෂයේ අරටුවත් රැගෙන ආණ්ඩු පක්ෂයට ගියේය. එහෙත් ඔහු නැවත ආවේ අරටුව ආණ්ඩු පක්ෂයේ තබා තනිවමය. කරුගේ පක්ෂ ප්‍රජාතන්ත්‍රවාද ඇති කිරීමේ සටන කෙළවර වූයේ එලෙසය. අද කරු ද සජිත් ද දෙදෙනාම සිටින්නේ එ.ජා.ප.යේ ය. එහෙත් සජිත් පිල සමඟ සන්ධානගත වීමට කරුට වුවමනාවක් නැති සේය. සැබැවින්ම රෑ වැටුණ වලේ දවල් ද වැටෙන්නට කරුට වුවමනාවක් නැත. එබැවින් රනිල් රකින ජ්‍යෙෂ්ඨයන්ට ම හේත්තුව දාගෙන හෝ ස්වාධීනව සිටීම අත්දැකීමෙන් පරිණත වී සිටින කරුගේ ඇඟට ගුණය. නැවත වරක් කළු ගලේ ඔළුව ගසා ගන්නට කරුට ඕනෑ නැත.
”එ.ජා.ප.යේ. නායකත්වය සමඟ ගැටුණු හැමෝම විනාශ වුණා. අතීතයේ ලලිත් ගාමිණී සිදුවීම ඒකට කදිම උදාහරණයක්.” ඒ බව එදා ප්‍රකාශ කළේ මහමැතිවරණයෙන් වීසිවී ගිය හිටපු පාර්ලිමේන්තු මන්ත්‍රී වජිර අබේවර්ධනය. ඊට හැරෙන තැපෑලෙන් උත්තර දුන්නේ අද ආණ්ඩුවේ ඇමැති ධූරයක් දරන රාජිත සේනාරත්න මහතාය.

බණ්ඩාරනායක මහත්තයා එවැනි සුබවාදී උදාහරණයක් බව ඔහු කියා සිටියේය. එහෙත් බණ්ඩාරනායක මහතාට මෙන් මැතිවරණ ජයග්‍රහණ තබා පක්ෂ නායකත්වය වෙනස් කිරීමට තබා ප්‍රතිසංවිධාන කටයුතු කිසිවක් කිරීමට ඔහුට හෝ කරු පිලට නොහැකි විය.
2006 නොවැම්බර් මාසයේ 19දා එ.ජා.ප.යේ 51 වැනි සම්මේලනය පැවැත්විණි. එහිදී ප්‍රතිසංවිධාන ඇතිකර නායකත්වයේ බල සිඳින්නට කරු පිල සිතා සිටියේය. එහෙත් සිදුවූයේ පක්ෂයේ එතෙක් ඔවුන්ට හිමි තනතුරු ද අහිමි වීමය. කරුට සිය නියෝජ්‍ය නායක ධූරය ද අහිමි විය. නියෝජ්‍ය නායක නිල නිවසෙන් සිය ලට්ට ලොට්ට කරගහගෙන එළියට බහින්නට කරු ජයසූරියට සිදුවිය.

එදා රනිල්ගේ හැසිරීම
එදා කරු පිල සටනට අවතීර්ණ වන විට රනිල් මුලින් ම හැසිරුණේ සුබවාදී ලෙසය. ඔහු කරු පිල සªටු වෙන අන්දමේ පොරොන්දු දිනෙන් දින අලුත්වැඩියා කළේය.
”එයා අපිට හැමදාම පොරොන්දු දෙනවා. බාලගිරි දෝසේ අද නොවේ හෙට වගේ තමයි. අපි දැන් එයාගෙ කල්දීම ගැනවත්, පොරොන්දු ගැනවත් විශ්වාසයක් නැහැ”
2006 වසරේ සිළුමිණේ දේශපාලන ලිපියට (දේශපාලන හතර මායිම) කරු පිලේ ප්‍රබලයෙක් කැරැල්ල අවසන් කාලයේ පැවසූ දෙයකි ඒ.
මේ වසරේ ජනාධිපතිවරණයත් මහ මැතිවරණයත් හමාර වී තවම මාස කීපයකි. මහමැතිවරණය හමාර වී මාස දෙකක් හෝ ගෙවී ගොස් නැත. සජිත්ගේ කැරැල්ල මාස දෙකෙන් ඉවර කරන්නට රනිල් ක්‍රියාත්මක වී ඇති හැඩකි.
කැරැල්ල ආරම්භයේදීම පෙර පරිදි සුබවාදී ආකල්පයක් දක්වන්නට රනිල් පසුබට නොවීය. අවශ්‍ය නම් තම නායකත්වයෙන් ඉවත්වීමට වුවද සූදානම් යැයි රනිල් පවසා තිබිණි. එහෙත් ඒ රනිල්ගේ විහිළුවක් බව තේරුම් ගන්නට සජිත් පිලට වැඩි කල් ගියේ නැත. පක්ෂ නායකත්වයෙන් ඉවත්වීමට තමා සූදානම් යැයි ප්‍රසිද්ධියේ පැවසූ රනිල් තම පණිවුඩකරුවන් හරහා සජිත්ට දැන්වූයේ රුක්මන් සේනානායකගෙන් පුරප්පාඩු වූ උපනායක ධූරය පිළිගන්නා ලෙසය.

සජීත්ගේ ජාතික ජීවය

ඒත් සජිත් පවසා තිබුණේ ප්‍රජාතන්ත්‍රවාදී ලෙස නොලැබෙන කිසිදු තනතුරක් තමා බාර නොගන්නා බවය.
කරු පිල රනිල්ගේ් පොරොන්දු පිළි නොගන්නා තත්ත්වයට පත්වූයේ අවුරුද්දක අවෑමෙන්ය. සජිත් මාසයක් ඇවෑමෙන් ඒ තත්ත්වය තේරුම් ගෙන ඇති සේය. ඔහු සිය “ජාතික ජීවය” වැඩසටහන ගැන කියා තිබූ කථාවෙන් එය අවබෝධ කර ගැනීම අපහසු නැත.
මම මේ වැඩසටහන අරගෙන ලංකාව පුරා යනවා. මම මේක නවත්තන්නෙ නැහැ. මම බලාපොරොත්තු වන්නෙ තාත්තා කළ විදියටම එ.ජා.ප ය දැවැන්ත ශක්තිමත් පක්ෂයක් කිරීමට. අනික කිසිවෙකු පක්ෂයෙන් එළැවීමට හෝ පක්ෂයේ අර්බුද ගැන මේ වේදිකාවල කථා කෙරෙන්නෙ නැහැ.
තව වසර හයකින් මහ මැතිවරණය එනවා. දැන්ම තියා ඊට සූදානම් විය යුතුයි. මේකෙ ප්‍රතිලාභ කවුරු ගත්තත් මට කමක් නැහැ. මට ඕනෙ පක්ෂය ගොඩ ගන්න.
සජිත්ගෙ නායකත්වයෙන් යුතු කැරැල්ල මෙවර කුමක් හෝ පෙරළියක් කරාවියැයි බලාගෙන සිටි පාක්ෂිකයන් සජිත්ගෙ මේ කථාවෙන් “රනිල්ගෙ හදිසි නික්මයාම” ගැන අදහස අත හරින්නට ඇත. සජිත්ගේ කැරැල්ල මාස දෙකෙන් අවසන් වීමට තවත් හේතුවක් ඇත. රටේ ජාතික ගැටලුව මේ වන විට විසැඳී තිබීම එක් හේතුවකි. කරු පිල සටනට පිවිසියේ නායකත්වයට පක්ෂ ප්‍රජාතන්ත්‍රවාදයට ”ජාතික ගැටලුවට එ.ජා.ප. යේ සහයෝගය” යන බරැති තේමාවක් ඉස්සර කර ගෙනය.
ඒ යටතේ ”අවබෝධතා ගිවිසුමකට” රනිල් මෙහෙයවන්න කරු පිල සැරසුණේය. කරු පිල රනිල්ට ලණු දෙද්දී රනිල් කරු පිලට ලණු දුන්නේය. ඔහු ද ඒ යෝජනා පිළිගත්තේය. ඒ අනුව ජාතික ගැටලුව ගැන අවබෝධතා ගිවිසුම ඇතිවිය. රනිල් - මහින්ද සාකච්ඡා ඇති විය. මේ හරහා හෝ සභාග ආණ්ඩුවක සිහිනය කරු පිල දුටු අතර රනිල් වෑයම් කළේ තම කැරළිකාර කණ්ඩායමේ නික්ම යාම ප්‍රමාද කර ගැනීමටය. එහෙත් රනිල්ගේ ලණු කෑම අතැර දැමූ විකල්ප කණ්ඩායම ආණ්ඩුවට එකතු විය.
සජිත් ද මේ වන විට පක්ෂ ප්‍රතිසංවිධාන ප්‍රජාතන්ත්‍රවාදය යන පෙරැළි කිරීම හිතෙන් අත්හැර තිබෙන්නට පුළුවන. එහෙත් කරු පිල මෙන් ඔහු ආණ්ඩුවට එකතු වෙතැයි ද සිතන්නට නොහැක. මන්ද යත් නායකත්වය ගැන කරුට වඩා අධිෂ්ඨානයක් සජිත්ට තිබෙන නිසාය. ඒ අධිෂ්ඨානය ඔහුට සිය පියාගෙන් ඔහුට උරුම වූ දෙයක් විය හැකිය.
අනෙක් පැත්තෙන් ආණ්ඩුව සමඟ අවබෝධතා ගිවිසුම්වලට එළැඹීමට සජිත්ට හැකියාවක් ද නැත. මන්දයත් ඒ සඳහා තිබූ ප්‍රධාන අර්බුදය මහින්ද රාජපක්ෂ ජනාධිපතිතුමා විසින් විසඳා අවසන් කරනු ලැබ ඇති හෙයිනි.
අවබෝධතා ගිවිසුම වෙනුවට සජිත් අද ස්වාධීන සටනක නිරත වී සිටියි. ඒ සටන මෙහෙය වෙන්නේ “ජාතික ජීවය” වැඩසටහන හරහාය. කෙසේ වෙතත් කරු පිලේ සටනේ කළ කී දේ එලෙසම සජිත් පිලේ සටනේදී ද අසන්නට දකින්නට පුළුවන.
”අපි බෙදිලා නැහැ. මෙතැන පිල් දෙකක් නැහැ. ඉන්නෙ එකම පිලයි. ඒ කියන්නෙ පක්ෂය ගොඩ දැමිය යුතුයි කියන පිලේ තමයි අපි හැමෝම ඉන්නෙ.”
මේ කථාව එදා කිව්වෙ රාජිත සේනාරත්න මහතාය. අද පවසන්නේ ගයන්ත කරුණාතිලක මහතාය. එහෙත් එදත් අදත් පක්ෂය දෙකට නොව තුනකට ම කැඩී ගොසිනි. ඍජුවම නායකත්වයේ පැත්ත ගත් පිරිස් සිටි අතර ඍජුවම කරු පිලේ පැත්ත ගත් අයත් සිටි අතර එදා ස්වාධීනව ඉන්න උත්සහ දැරුවේ අද කැරළිකාර පිලේ සජිත්ලා, දයාසිරිලා වැනි අයය. අද ද සජිත්ලා දයාසිරිලා සටනට අවතීර්ණ වී ඇති අතර ජ්‍යෙෂ්ඨයො රනිල් ආරක්ෂා කර ගැනීමේ සටනේ නිරත වෙති. එදා කැරළිකාර පිළේ නායකත්වය අද වෙසෙන්නේ ස්වාධීනවය. ඒ අනුව පක්ෂ ප්‍රතිසංවිධානය ඉල්ලන එකම පිළක් ලෙස ගයන්න එ.ජා.ප. ය හැඳින් වුවද පක්ෂය දෙකට තුනට කැඩී හමාරය. පක්ෂයේ මහලේකම් තිස්ස අත්තනායක මහතා ද පවසා තිබුණේ කණ්ඩායම් දෙකක් සිටින බවය. ඔවුන් එකිනෙකාට ප්‍රතිවිරුද්ධ දේ කියා ගනිමින් සිටින බවද ඔහුගේ අදහසය.
කරු පිල සටන මෙහෙයවන යුගයේ දෙපාර්ශවය ලිපි ද ලියා ගත්හ. කරු මෙන්ම ගාමිණී ලොකුගේද, වජිර අබේවර්ධන ද මේ ලිපි සංග්‍රාමයට මැදිහත් වූහ. මේ සැරේ සජිත් ප්‍රේමදාස කෘත්‍යාධිකාරි මණ්ඩල රැස්වීමකදී එවැන්නක් ගැන සිය සාමාජිකයන් දැනුම්වත් කළේය.
හැබැයි ඒ ලිපි ගැන නම් නොවේ. තමන්ට විරුද්ධව කැලෑ පත්තරයක් සූදානම් වෙමින් පවතින බවක්ය. ඔහු කියූ කැලෑ පත්තරය නම් ගම් ලිපින හා දුරකථන අංක ද සඳහන් ලිපියක් ලෙසින් කෘත්‍යාධිකාරි මණ්ඩලයට ලැබිණි. ඒ ලිපිය එවා තිබුණේ එ.ජා.ප. යේ හම්බන්තොට දිස්ත්‍රික් උපදේශක සරත් අබේසිංහ විසිනි. ඔහු සිය ලිපියෙන් සජිත් ප්‍රේමදාස දැඩි ලෙස විවේචනයට ලක්කර තිබිණි.
”හදිසි තාවකාලික සුවයක් නොව දීර්ඝ කාලීන බලයක් වෙනුවෙන්” යැයි එම ලිපිය ආරම්භයේදීම ලියා තිබුණි. ඔහු කියා සිටින්නේ සජිත් ආ දිනයේ සිට හම්බන්තොට ඡන්ද ප්‍රතිශතය අඩු වූ බවය. ප්‍රස්ථාර වගු සටහන් වලින්ද ඔහු සිය මතය සනාථ කරන්නට වෙර දරා ඇත.
මේ විදියේ ලිපි කරු පිලට විරුද්ධව ද ලියැවිණි. එදත් රනිල්ට මෙන්ම රනිල් ප්‍රතිවාදීන්ට හිතැති අය පක්ෂයේ සිටියහ. ඒ තත්ත්වය අදටත් එලෙසය. නායකත්වය එළවා දැමීම තම අරමුණ නොවන බව එදා කරු පිල ද පැවසූ කථාවකි. අද දයාසිරිලා, සජිත්ලා පවසන්නේ ද ඒ කථාවය. ඒත් හැබෑවටම මේ පිල් දෙකේම හැබෑ වුවමනාව වූයේ “ලොක්කා” එළවීමය. සමහරු ප්‍රසිද්ධියෙ කිව නොහැකි නිසා එසේ කීවද ඇතැමුන් නම් ප්‍රසිද්ධියේ එසේ කීවා අපට මතකය. ගියවර විකල්ප පිලේ මහින්ද විජේසේකර කෘත්‍යාධිකාරි මණ්ඩලයෙන් ඉවත් විය. එසේ ඉවත් වූ මහින්ද විජේසේකර පවසා සිටියේ, “ඔව් අපේ වෑයම ලොක්කා එළැවීම තමයි. කෘත්‍යාධිකාරි මණ්ඩලයේ හිඳිමින් ඕක කියන්න බැහැනෙ. මං ඒකයි අයින් වුණේ.”
රනිල් එළැවීම තම අභිමතය නොවන බව දයාසිරි ජයසේකර පවසා තිබුණද ඔහු ඊළඟට පවසා තිබුණේ අවුරුද්දක් හෝ අවුරුදු දෙක තුනක් රනිල් නායක ධුරයේ සිටියට කම්නැති බවය. ඉන් අදහස් වන්නේ ඊළඟ මහ මැතිවරණවලට මෙන් ම ජනාධිපතිවරණයට වෙනත් නායකයකු අවශ්‍ය බවය. කෙළින් ම කියනවා මේ සටනේ අරමුණද රනිල් එළවීමය.

රනිල් නොසැලී ඉදිරියට

කෙසේ වෙතත් ගිය වර මෙන්ම මෙවර ද එ.ජා.ප. යේ කෙතරම් කැළඹිලි ඇති වුවත් වේරම්භ වාතයටවත් නොසැලෙන සේ රනිල් මෙවර ද නොසෙල් වී සිටි බව පෙනේ. ගියවර මෙන්ම සැහැල්ලුවෙන් මෙවර කැළඹීමට මුහුණ දුන් රනිල් මේ ප්‍රතිසංවිධාන ගැන නොපමාව කටයුතු කරන ලෙස මහලේකම්වරයාට දැනුම් දී ඉන්දියාවේ සංචාරයකට ද ගියේය.
කෙසේ හෝ යම් තරමක් ප්‍රමාද වී හෝ ප්‍රතිසංවිධාන වාර්තාව ඉදිරිපත් කිරීමට ප්‍රතිසංවිධාන කමිටුව පියවර ගෙන තිබිණි. ඒ වාර්තාව තවදුරටත් සජිත්ලා අන්දවා ඇති බව වැටහුණු විට සජිත් මාධ්‍ය සාකච්ඡාවද වර්ජනය කර ආපසු හැරී ගියේය. සජිත්ගේ මාධ්‍ය සාකච්ඡා වර්ජනය සිහි ගන්වන්නේ කරු පිළේ 51 වෙනි පක්ෂයේ මහා සම්මේලන වර්ජනයයි.
ප්‍රතිසංවිධධාන කමිටු වාර්තාව 17 වෙනි ව්‍යවස්ථා සංශෝධනය ද ආදර්ශයට ගනිමින් සැකසූ බවට සජිත් පිලේ ප්‍රබලයෙක් අප හා පැවසීය. ඒ අනුව ඉතා දියුණු මට්ටමේ ප්‍රතිසංවිධාන රැසක් ඉදිරියේදී ගනු ඇතැයි ඔහු කීය. එහෙත් සිදු වූයේ 95 පක්ෂ ව්‍යවස්ථාවෙන් රනිල් සිය නායකත්වය රැක ගැනීමට ගත් පියවර මේ යෝජනා වලින් තවත් හොඳින් තහවුරු කර ගැනීම පමණය.
මේ වාර්තාව ගැන කෘත්‍යාධිකාරි මණ්ඩලය දීර්ඝ ලෙස සාකච්ඡා කිරීමෙන් පසුව ගත් තීරණය මුලින් ම මාධ්‍යයට දැනුම් දුන්නේ මෙලෙසය. “පක්ෂයේ නායක, නියෝජ්‍ය නායක, උප නායක හා ජාතික සංවිධායක, මහ ලේකම් යන තනතුරු ඡන්දයකින් පත් කිරීමට තීරණය කළ බවය. ඡන්දයකින් පත් කර ගන්නා නායකයා මහ ලේකම්වරයා පත් කර ගත යුත්තේ කෘත්‍යාධිකාරි මණ්ඩලය සමඟ සාකච්ඡා කිරීමෙන්ය.
මොකක්ද මේ එකඟතාව?
මේ තතනතුරු සඳහා ඡන්ද ක්‍රමවේදයක් ගැන ද ඉදිරියේදී සාකච්ඡා කර තීරණ ගැනීමට නියමිතය. එහෙත් මේ කුමන දේ සම්මත වුවත් පක්ෂයේ ඉහළ තනතුරු පත් කර ගැනීම සඳහා ඡන්දයකට යන්නේ එකඟතාවයෙන් තනතුරු පත් කර ගැනීමට නොහැකි වුවහොත් පමණි. ගොනා කැරකී ඇත්තේ සෙක්කුව වටේ බව රනිල් දෙවන වරටත් තම ප්‍රතිවාදීන්ට පසක් කර දී ඇත. ඊළඟට ගෙන ඇති ප්‍රතිසංවිධාන යෝජනාවෙන් ද එය අපූරුවට තහවුරු කර ඇත. එනම් කෘත්‍යාධිකාරි මණ්ඩලය තෝරා පත් කර ගන්නේ නායක, නියෝජ්‍ය නායක, උප නායක, ජාතික සංවිධායක හා මහ ලේකම්වරයාගෙන් සමන්විත වූ උපදේශක මණ්ඩලයකිනි. ඒ මණ්ඩලයේ වෙන කව්රුත් නැත. නැවත එහිදී තහවුරු වන්නේ නායකයාගේම බලයයි.
කරු පිලේ සටනෙන් පසුව පැවැත්වූ මහ සම්මේලනයෙන් ද ඔවුන්ගේ ප්‍රතිසංවිධාන යෝජනා සම්මත කර ගැනීමට ද නායකයාගේ බලය කප්පාදු කිරීමට ද දත මැද සිටි බව අමතක නැත. අන්තිමේට සිදු වුණේ මහ සම්මේලනයෙන් කරුගෙ තිබුණ බලයටද තට්ටුවීමය.

මහ සම්මේලනයේදි මොකද වෙන්නේ?

ඊළඟ මහ සම්මේලනයේදී ලොක්කා කුමක් කරාවිද යන්න පසුගිය කෘත්‍යාධිකාරි මණ්ඩලයේදී ගත් තීරණම ප්‍රමාණවත්ය. වෙලාවට සජිත්ට දැන් විශේෂ නිලයක් නැත. එහෙත් සජිත්ට කෘත්‍යාධිකාරි මණ්ඩලයේ සාමාජිකත්වය ද සමහර විට මේ සම්මේලනයේදී නැති වෙන පොටකට වැඩ සිදුවීමට පුළුවන. මන්ද කෘත්‍යාධිකාරී මණ්ඩලය තෝරන්නේ ද ලොක්කා ඇතුළු ලොක්කාම තෝරා ගනු ලැබූ නිලධරයන් විසින්ය.
කෙසේ වෙතත් සජිත් සිය තාත්තා ආදර්ශයට ගෙන පක්ෂය ගොඩ ගන්න හිතුවාට වරදක් නැත. මොකද ශක්තිමත් විපක්ෂයක් තිබීම ආණ්ඩුවටත් රටටත් හොඳය. ඒත් නායකත්වයට යන ගමනේදී නම් ඔහු මහින්ද රාජපක්ෂ ජනපතිගේ චරිතය ආදර්ශයට ගත්තාට කම් නැත. මන්දයත් පක්ෂ නායකත්වයට එන ගමනේදී පෙර එවකට මෙන් පක්ෂ නායකත්වයේ ම කෙණෙහිලිකම් විඳින්නට මහින්ද රාජපක්ෂ මහතාට සිදුවිය.
මීට වසර ගණනාවකට පෙර එතුමා ධීවර ඇමැතිව සිටි යුගයේ මේ ලියුම්කාරිණියම එතුමා සමඟ ඉරිදා ලක්බිම පුවත්පතට කළ සම්මුඛ සාකච්ඡාවක් සිහියට නැඟේ. ඒ සාකච්ඡාව සිදුවූයේ එතුමා කම්කරු ඇමැති ධුරයෙන් ධීවර ඇමැති ධුරයට මාරු කළ අලුතය. කම්කරු ප්‍රඥප්තිය එළි දැක්වීමට ඔන්න මෙන්න කියා තිබියදී එතුමාට ධීවර ඇමැතිධුරය බාර ගන්නට සිදුවිය. එහිදී අප එතුමාගෙන් විමැසුවේ මේවා කෙණෙහිලිකම් කියා සිතෙන්නේ නැද්ද යනුවෙනුයි.
”ඔව්. මේවා කෙණෙහිලිකම් තමයි. .... හැබැයි ශ්‍රී.ල.නි.ප. ය ගොඩ නගන්න මගේ තාත්තාත් හුඟක් මහන්සි වුණා.”පිළිතුර වූයේ එයයි.

තාත්තා ගොඩ නගන්න වෙර දැරූ පක්ෂයේ වර්තමාන නායකයා ඒ මහින්ද රාජපක්ෂ ජනාධිපතිතුමාය. පක්ෂයේ නොව රටේ ද නායකයා එතුමාය. සියලු කෙණෙහිලිකම් මැද්දේ එතුමාගේ ඉතා ඉවසිලිවන්ත ගමන එතුමාගේ නායකත්වයේ ප්‍රධාන ඉණිමඟ විය. සජිත්ට ද ඇත්තේ එවැනි පසුබිමකි. සජිත් ද කියන්නෙ තම පක්ෂය ගොඩ නැගීමට තම පියා වෙහෙස වූ බවය. ඒ ලෙසම තමාද වෙහෙස වෙන බවය.
පක්ෂය ගොඩ ගන්න විපක්ෂයේ සිටින යුගයේ මහින්ද රාජපක්ෂ ජනාධිපතිතුමාද දැරූ වෙහෙස නැවත මතක් කළ යුතු නැත. පාද යාත්‍රා, ජන ඝෝෂා ඉන් ප්‍රධාන පියවර කීපයකි. මේ සියල්ල කෙරුණේ ද සජිත්ගේ පියා රටේ නායකයා ලෙස සිටින කාලයේය. ඒ පියවර වැරදී නැති බව අද සජිත්ට වුවද පෙනෙන්නට ඇති දෙයකි.
මේධා

සිය තැනක සැඟවුණු මාමාගේ බෑණා

2010-05-30T18:42:00.000+05:30

කේ.සී.ජේ.රත්නායක-සිළුමිණ
1963 අගෝස්තු 08 දා එංගලන්තයේ සිදු වූ මහා දුම්රිය කොල්ලය ඉතිහාසගත ය. එහි මහ මොළකරු රොනි බිග්ස් හිරෙන් පැන ගොස් වසර තිහකට අධික කාලයක් සැඟවී සිටියේ ය. දුම්රිය කොල්ලයටත් වඩා ප්‍රකට වූයේ රොනී බිග්ස්් ගේ පලා යෑම සහ සැඟවී සිටීම ය. එවැනි තවත් ‘වැඩකාරයෙක්’ ශ්‍රී ලංකාවෙන් ද මතු වෙමින් සිටී. ඔහු නමින් දනූන තිලකරත්න ය. කවුරුත් දන්නා ලෙස කීවොත් සරත් ෆොන්සේකා ගේ බෑණා ය. ඉතා කෙටි කාලයකදී සියයකට වැඩි ස්ථාන ගණනක සැඟවී සිටි දනූන; නීතියට හා රහස් පොලිසියේ ඇසට වැලි ගසමින් කට්ටි පනින්නේ වෙස් වලා ගෙන බවත් අසන්නට ලැබේ. එක් අවස්ථාවක කුරුණෑගල ප්‍රදේශයේ දේශපාලනඥයකුගේ නිවසේ සැඟවෙන මොහු තවත් විටෙක අනුරාධපුර පැත්තේ පන්සලක චීවර ධාරියකු බවට වෙස් මාරු කර ගනී. රහස් පොලිසිය එහි ළඟා වන විට සිවුරු ගළවා එතැනින් පැන යන මොහු නැවත මතු වන්නේ ඇල්ල ප්‍රදේශයේ සංචාරක හෝටලයකිනි. මේ වනවිට දනූන තිලකරත්න, තවත් ‘අත්තනායක’ කෙනකු මෙන් උලපනේ පැත්තේ බංගලාවක සැපෙන් කල් ගෙවන්නේ ද? නැතහොත්; රටින් පැන ගොස් තිබේද යනු විවෘත ප්‍රශ්නයකි.

අපට දැන ගන්නට ලැබී ඇති පරිදි දනූන සොයමින් රහස් පොලිසියේ කණ්ඩායම් දහයක් පමණ රටපුරා සෝදිසියක නිරතව සිටිති. එසේ තිබියදී තනි පුද්ගලයකුට තැන් සිය ගණනකට මාරු වෙමින් සැඟවී සිටීමට හැකියාවක් නැත. නොම්මර එකේ පාතාලයකුට වුවත් මේ කට්ටි පැනීම වැඩි කල් කළ නොහැක.
එසේ නම් දනූන හෙවත් සරත් ෆොන්සේකා වරෙක කී පරිදි ;සල්ලම් වයසේ ළමයෙකු “ලිට්ල් රොනි බිග්ස්” කෙනෙකු වෙමින් සිටින්නේ කෙසේද? දනූන තිලකරත්න ගෙදරින් පැන යන කොලු පැංචෙක් නොව, ඔහු සමඟ මෙවැනි වැඩවලටම පළපුරුදු අපරාධකරුවන් ගෙන් සමන්විත රහසිගත ජාලයක් ක්‍රියාත්මක වෙමින් තිබෙන බව වටහා ගැනීමට අමුතු විශේෂඥ දැනුමක් අවශ්‍ය නොවනු ඇත. රහස් පොලිසිය පවසන අන්දමට දනූන තිලකරත්න ‘රෝමින්’ පහසුකම් සහිත ජංගම දුරකථනයක් ද භාවිතා කරයි.
එවැනි දුරකථනයකින් ලංකාවේ සිටියදී ලංකාවේ කෙනෙකුට ඇමතුමක් ගත්තද එය දිස්වන්නේ විදේශ රටක සිට පැමිණෙන ඇමතුමක් ලෙසිනි. ඇත්තටම දනූන තිලකරත්න තවමත් ශ්‍රී ලංකාවේ කොතැනක හෝ සැඟවී සිටිමින් ‘රෝමින්’ ප්‍රයෝගය භාවිතා කරමින් සිටින්නේ නම්; ඔහු කවර නම් සූර කපටියෙක් ද යන්න එයින් ම වටහාගත හැකි ය. දනූනට මේ ප්‍රයෝග උගන්වන්නේ කවුද? මේ සියල්ලටත් වඩා කුහුල දනවන ප්‍රශ්නය වන්නේ දනූන තිලකරත්න මෙසේ පලා යන්නේ ඇයි? යන කාරණය යි.
රට හරහා විනෝදයට ඇවිදින සංචාරකයකුට ද ඒ වෙනුවෙන් දිනපතා සැලකිය යුතු මුදලක් වැය කරන්නට සිදුවෙයි. සැඟ වී දවසින් දවස තැනින් තැනට පලා යන පුද්ගලයකුට ඊට වඩා කිහිප ගුණයක මුදලක් දිනපතා අවශ්‍ය වෙයි. අනෙක් අතින් මුදලට හෝ වෙනත් අප්‍රකට කාරණයක් නිසා හෝ ඔහුට රැකවරණ සලසන පුද්ගලයන් එය කරන්නේ ද නෛතික අවදානමකට මුහුණ දෙමිනි.
දනූන තිලකරත්න ගරිල්ලා භටයකු නොවන හෙයින් අති දුෂ්කර කැළෑවක තනිවම යැපෙමින් සැඟවී සිටීමේ හැකියාව ද ඔහුට නැත. එහෙයින් ඔහු ගේ සාර්ථකත්වයට හේතු වී තිබෙන්නේ එක්කෝ මුදල් ය. නැතහොත් සංවිධානාත්මක රහසිගත ජාලයක රැකවරණය ලැබීම හෝ ඉහත කී කාරණා දෙකම වන්නටත් පුළුවන.
මේ ආකාරයෙන් විශාල මුදලක් වැය කරමින් දනුන සැඟවෙන්නේ හෝ ඔහු සඟවා තැබීමට හෝ කිසියම් අයෙක් උත්සාහ දරන්නේ ඇයි? ඒ නිසැකයෙන් ම සඟවා ගතයුතු ඉතා වටිනා රහසක් ඇති නිසා ය. දනූන නීතිය හමුවට ගියහොත්; තමන් ද හෙළිදරවු වේ යැයි මෙතෙක් අප්‍රකට පුද්ගලයන් කිහිප දෙනෙක් බියෙන් පසුවනවා වන්නට ද පුළුවන. එසේ නැත්නම් සිහි මොළේ ඇති කිසිවකු මෙවැනි හොරා පොලිස් සෙල්ලම්වල නිකමට යෙදෙන්නේ නැත.
ජනාධිපතිවරණය අවසන් වීමත් සමඟම දනූන තිලකරත්න ගේ මව වන අශෝකා තිලකරත්න මහත්මිය නීති විරෝධී ලෙස පෞද්ගලික බැංකුවක සේප්පු හතරක සඟවා තිබූ විශාල මුදල් සම්භාරයක් එළියට පැන්නේ ය. ඒ මුදලේ වටිනාකම දළ වශයෙන් රුපියල් ලක්ෂ 800 කට ආසන්නය.
ඉනුත් තරමක අභිරහසක් මතු කෙරුණේ හා මෙතෙක් අනාවරණය නොවූයේ අලුත් ම ඇමෙරිකන් ඩොලර් ලක්ෂ පහකට අධික මුදල් නෝට්ටු තොගයයි. මෙතරම් විශාල විදේශ මුදල් නෝට්ටු තොගයක් ළඟ තබා ගැනීම විනිමය නීති අනුව බලවත් වරදකි.
දෙවැන්න මෙතරම් ඩොලර් නෝට්ටු මෙරටට පැමිණියේ කෙසේද? ඒ ඩොලර් නෝට්ටුවල අනුක්‍රමික අංක එක පිළිවෙළට ගැලපෙන බවත් සොයා ගැනිණ. මෙතෙක් භාවිතයට නොගැණුනු අලුත්ම ඩොලර් මිටි දුන්නේ කවුද? කුමන කාරණයකට ද? යන මෙතරම් මුදලක් හොර රහසේ රටට ගෙනාවේ කෙසේද? යන ප්‍රශ්නවලට මෙතෙක් නිසි පිළිතුරු ලැබී නැත. ඩොලර් මිටි පමණක් නොව රුපියල් ශත පවා ගිණුමට මිස බැංකුවක සේප්පුවක තැන්පත් කිරීම නීති විරෝධීය.
එසේ තිබියදී දනුනගේ මව තවත් රුපියල් කෝටි ගණනක් සඟවා ගෙන සිටියේ ඇයි? මෙයින් කිසියම් මුදල් තොගයක් සරත් ෆොන්සේකා ගේ දේශපාලන කාර්යාලයේ තිබී ජනාධිපතිවරණයෙන් දින දෙකකට පසු අශෝකා තිලකරත්න මහත්මිය ගේ නිවෙසට රැගෙන විත් තිබුණු බැව් අනාවරණය විය.
මෙසේ එළියට පැන්න මුදල් මලු වෙන්ව මෙතෙක් අනාවරණය නොවූ තවත් මුදල් මලු තවත් තැන්වල තිබේ ද? මේ ප්‍රශ්නවලට නිසි පිළිතුරු දන්නා එක් පුද්ගලයෙකි දනූන තිලකරත්න.
ඔහු නීතිය ඉදිරියට නොපැමිණෙන තෙක් මේ රහස් අබිරහස් බවට පත්වෙයි. පුංචි දනූන ‘ලිට්ල් රොනි බිග්ස්’ කෙනෙකු බවට පත්වන්නේ මෙවැනි අහු කොන් රැසක් මැද්දේ ය.
ෆොන්සේකා හා තිලකරත්න පවුලේ අනාවරණය වූ සහ වඩාත් කතා බහට ලක් වූ තවත් ගනු දෙනුවක් වූයේ කුප්‍රකට හයිකොප් අවි ජාවාරම ය. මේ සම්බන්ධයෙනුත් අධිකරණමය කටයුතු සිදුවන හෙයින් කරුණු සඳහන් කරන්නට සිදුවන්නේ මෙතෙක් අධිකරණය හමුවේ අනාවරණය වූ තොරතුරු සීමාවට යටත්වය.
සරත් ෆොන්සේකා මහතා යුද හමුදාපති ධූරයට පත් වීමත් සමඟම ඔහු යුද හමුදාවේ මිල දී ගැනීම් තීන්දු කරන ටෙන්ඩර් මණ්ඩලයේ ප්‍රධානියා බවට පත්වෙයි. ඊට සමාන්තරව ‘හයිකොප්’ යනු වෙන් සමාගමක් ද ලියාපදිංචි කෙරේ. පසුව අනාවරණය වන්නේ හයිකොප් සමාගමේ නියම හිමිකරු ෆොන්සේකා මහතාගේ බෑණා වන දනූන තිලකරත්න බවයි.
ශ්‍රී ලංකා රජය වෙනුවෙන් ශ්‍රී ලංකා යුද හමුදාවට එක්තරා සීමාවකට අනුව ආයුධ හා උපකරණ මිලට ගැනීමේ හැකියාව තිබේ. එහෙත් ඒ මිලදී ගැනීම් කළ යුත්තේ පිළිගත් සමාගම්වලින් කරනු ලබන ටෙන්ඩර් කැඳවීමක් මඟිනි. ශ්‍රී ලංකාවේ ලියාපදිංචි කරන ලද හයිකොප් ප්‍රයිවට් ලිමිටඩ් එවැනි පිළිගත් සමාගමක් නොවේ.
රහස් පොලිසිය අධිකරණයට කරුණු ඉදිරිපත් කරමින් කියා සිටියේ ව්‍යාජ ලේඛන ඉදිරිපත් කොට හයිකොප් සමාගම ශ්‍රී ලංකා යුද හමුදාවට ටෙන්ඩර් හතරකින් ඇමෙරිකන් ඩොලර් ලක්ෂ තුනක මුදලක් වංචා කොට ඇති බවයි.
ඔස්ට්‍රේලියාවේ බ්‍රිටිෂ් බෝනියෝ ඩිෆෙන්ස් නම් පිළිගත් සමාගමේ බලයලත් නියෝජිතයකු ලෙස ව්‍යාජ ලෙස පෙනී සිටිමින් දනූන තිලකරත්න ඩොලර් ලක්ෂ තුනක මුදලක් තම ගිණුමට බැර කරගෙන ඇති බවත්, මේ සඳහා අශෝකා තිලකරත්න මහත්මියගේ සම්බන්ධයක් පවතින බවත් අධිකරණයට කීවේය. කෙසේ වෙතත් මේ සම්බන්ධයෙන් එක් සැකකරුවකු අත්අඩංගුවේ පසුවන අතර නඩුව තවමත් විභාග වෙමින් පවතී.
හයිකොප් අවි මගඩිය පිළිබඳව ජනාධිපතිවරණ සමයේදී නොයෙකුත් වාද- විවාද හට ගත්තේය. මෙය සම්පූර්ණ බොරුවක් බව ෆොන්සේකා මහතා මුලින්ම කීවේය. ඊළඟට ඔහු පැවසූයේ ඇමෙරිකාවේ හයිකොප් සමාගම ළමයින් ගේ සෙල්ලම් වැඩක් බවයි. එක් අවස්ථාවක සජීවී රූපවාහිනී සංවාදයක් පැවැත්වීමට තීරණය වූ අතර ඒ දෙස මුළු රටම බලා සිටියේය. ෆොන්සේකා මහතා වෙනුවෙන් දයාසිරි ජයසේකර මහතා පැමිණිය ද ඔහු විවාදය මඟහැර පැනගියේය. මේ සම්බන්ධයෙන් ප්‍රකාශයක් ලබාදීමට දනූන තිලකරත්න මහතාට රහස් පොලීසියෙන් කැඳවීමක් ලැබිණ.
තම බෑණා රහස් පොලීසියට ගියමුත් අසන්නට දෙයක් නැති බව කියමින් ඔහු නැවත එවූ බව කී ෆොන්සේකා මහතා; මෙය තමන්ට එරෙහි දේශපාලන එදිරිවාදීකමක් බව දැන් ලෝකයටම පෙන්නුම් කළ බවත් ප්‍රසිද්ධියේ කීවේය. ඊට දින දෙකකට පසුව රහස් පොලීසිය බාර අධ්‍යක්ෂවරයා ජනමාධ්‍ය ඔස්සේ පෙනීසිටිමින් කියා සිටියේ ෆොන්සේකා මහතා කරන ප්‍රකාශය අසත්‍යයක් බවත් දනූන තිලකරත්න මහතා ඡන්දෙන් පසුව පැමිණ ප්‍රකාශයක් දෙන බවට පොරොන්දු වී පිටවී ගිය බවත්ය. එහෙත් ජනාධිපතිවරණය අවසන් වීමත් සමඟම දනූන තිලකරත්න උන්හිටි තැන් නැතිව අතුරුදන්විය. සැඟවී සිටිමින් ඔහු අධිකරණයට අපේක්ෂිත ඇප අයදුම්පතක් ඉදිරිපත් කෙළේය. කරුණු සළකා බැලූ අධිකරණය විසින් එකී ඉල්ලීම ප්‍රතික්ෂේප කරනු ලැබීය.
තීන්දුව ප්‍රකාශයට පත් කළ කොටුව මහෙස්ත්‍රාත් හා කොළඹ අතිරේක දිසා විනිසුරු ලංකා ජයරත්න මෙනෙවිය මෙසේ සඳහන් කර තිබිණ.
”...සාමාන්‍ය පුද්ගලයින් අතර උපකරණ හුවමාරු වන ගනු දෙනුවක් මෙන් නොව ශ්‍රී ලංකාවේ ප්‍රධාන ආරක්ෂක අංශයක් වන ශ්‍රී ලංකා යුද හමුදාව වෙත ව්‍යාජ ලේඛන ඉදිරිපත් කොට මුදල් ලබාගැනීම සුළුපටු වරදක් නොවේ. මේ සිද්ධිය මුළු රටවැසියන්ටම කළ අපරාධයකි”

එම තීන්දුවේ එන තවත් උධෘතයකින් දැක්වුණේ; “...පෙත්සම්කරු තමාට ඇති වරදේ ස්වභාවය පිළිබඳව දැන දැනම නියම කරුණු සඟවා නීතියෙන් සහනයක් පතා ඇති බව පෙත්සම්කරුගේ ඉල්ලීම හා ඉදිරිපත් වූ කරුණු අනුව පෙනෙන්නේය” යනුවෙනි.
අපේක්ෂිත ඇප අයදුම්පත්‍රය අධිකරණයෙන් ප්‍රතික්ෂේප වීමෙන් පසුව දනූන තිලකරත්න අධිකරණය හමුවේ පෙනී සිටිය යුතුව තිබිණැයි විවිධ මත පළ විය. එහෙත් සිදුවුණේ ඔහු පිළිබඳව තොරතුරු නැතිව ම අතුරුදන්වීමය. රහස් පොලීසිය ජනමාධ්‍ය ඔස්සේ හා ප්‍රචාරක පත්‍රිකා මඟින් දනූන තිලකරත්න පිළිබඳ තොරතුරක් සපයන අයකුට රුපියල් ලක්ෂ 10ක තෑග්ගක් දෙන බව දැනුම් දුන්න ද පලක් නොවිණ.

නැවත රටපුරා පොලිස් සෝදිසියක් කෙරෙන බවට වාර්තා පළ වුවද දනූන ආගිය අතක් සොයාගත නොහැකි විය. ඔහු අපරාධ නීතියේ 60 වැනි වගන්තිය අනුව ප්‍රකාශිත පුද්ගලයකු බවට පත්කරන්නැයි රහස් පොලීසිය අධිකරණයෙන් ඉල්ලීමක් කළ ද මුල් අවස්ථාවේ එය ප්‍රතික්ෂේප කෙරිණ.
දනූන සොයන සෝදිසිය තවත් දැඩි කළ බවට නැවත පුවත් වාර්තා වන්නට ගත්තේය. එහෙත් පෙර මෙන්ම මෙවර ද ඔහුගේ මයිලක්වත් සොයාගත නොහැකි වූ බැව් කියැවිණි. තත්ත්වය මෙසේ පවතින අතර රහස් පොලීසිය නැවත කළ ඉල්ලීමක් හා ඉදිරිපත් කළ කරුණු සළකා බැලීමෙන් පසුව අධිකරණයෙන් ඉකුත් 26 දා නියෝගයක් නිකුත් කෙරිණ.
ඒ අනුව දනූන තිලකරත්න ප්‍රකාශිත පුද්ගලයකු බවට නම් කෙරිණ. දැන් සාමාන්‍ය කෙනෙකුට වුවද දනූන දුටු තැන අත්අඩංගුවට ගෙන නීතිය ඉදිරියට පැමිණවිය හැකිය. දින 30 ක් ඇතුළත අධිකරණය හමුවේ පෙනී නොසිටිය හොත් ඔහුගේ දේපළ රාජසන්තක වීමේ අවදානමක් ද පවතී.
මෙවරවත් අධිකරණ තීන්දුවට ගරු කරමින් දනූන ඉදිරිපත් විය යුතු බවට යළිත් මත පැතිරෙමින් තිබේ. කුමන ප්‍රයෝග යොදමින් සිටිය ද රොනී බිග්ස්ටත් මෑතකදී වසර තිස් ගණනකට පසුව නැවත බන්ධනාගාරගත වන්නට සිදුවිය. අසන්නට ලැබෙන පරිදි ශ්‍රී ලංකා අධිකරණ ඉතිහාසයේ ප්‍රකාශිත පුද්ගලයකු බවට නම් කළ පළමුවැන්නා දනූන තිලකරත්නය. ඔහු අධිකරණය මඟහැර සිටීමෙන් ඇතිකර තිබෙන තත්ත්වය සුළුපටු නොවන බව එයින් මොනවට පෙනෙයි.
බොහෝ දෙනකු අපේක්ෂා කරන පරිදි දනූන අධිකරණයට බාර වෙයිද? නො එසේ නම් තවත් කෙටි කලක් වත් වෙස්වලාගෙන කට්ටි පනිමින් සිටීද? එසේ වුවහොත් ඊළඟට සිදුවන්නේ කුමක්ද? මේ සියල්ල තීන්දු කරනු ඇත්තේ අධිකරණයය. කෙසේ වෙතත් එක් දෙයක් නම් ඉඳුරාම පැහැදිලි වෙමින් තිබේ. එනම් දනූන තිලකරත්න සැඟවී සිටින්නේ තමා වෙනුවෙන්ම පමණක් නොවන බවයි. ඔහු අධිකරණයට අත්‍යවශ්‍ය පුද්ගලයකු බවට පත්ව සිටින අතරම ඔහු අධිකරණය හමුවට යෑම වළක්වන තවත් නාඳුනන පිරිසක් සිටිනවා වන්නට පුළුවන. කෙනකුගේ නීතිගරුක බව, විනීත බව හා සදාචාරය පටන්ගත යුත්තේ තම ගෙදරින් ම බැව් නිතර කෙරෙන කියමනකි.
එසේ නොකරන ඇත්තන් ලෝකෙට පරකාසේ - ගෙදරට මරගාතේ යනුවෙන් ද පිරුළක් ඇත. මෙවැනි මරගාතවලට නීතියෙන් කළ හැකි යමක් තිබේදැයි අපි නොදනිමු. ඒ කෙසේ වෙතත් කුමන වේශයෙන් පෙනී සිටියද මරගාත වනාහී සමාජ විරෝධී පිළිලයන් බව තේරුම් ගැනීම පවා වැදගත්වනු ඇත.
සරත් ෆොන්සේකා මහතා ඡන්ද ව්‍යාපාරයේදී යහපාලනය ගැන බරට කතා කෙළේය.
දැන් අනාවරණය වන තොරතුරුවලින් පෙනී යන්නේ ඔහු ගේ මැතිවරණ ව්‍යාපාරයේ ඉදිරියෙන්ම සිටි ඇතැම් පුද්ගලයන් පල්හොරුන් හා හිරේ විලංගුවේ පවා වැටුණු අපරාධකාරයින් බවයි. සේනක ද සිල්වා නම් පුද්ගලයා ඒ අතරින් එක් අයෙකි. ඔහු පුද්ගලයන් පැහැරගෙන යන බව කියමින් කප්පම් ලබාගෙන වසර හතක බරපතළ හිරදඬුවම් ලැබූ අයෙකි.
ඉන් නොනැවතී ඉන්ටපෝල් හරහා බෙල්ජියමට ද අවශ්‍යව සිටින අපරාධකාරයෙකි.
දනූන තිලකරත්න දැන් එක දිගට නීතියෙන් පලා යමින් සිටින්නේ සරත් ෆොන්සේකාගේ යහපාලන ව්‍යාපෘතියේ තවත් අතුරු ඵලයක් හැටියටය.
දනූන සිටිය ද නොසිටිය ද සරත් ෆොන්සේකා ගේ මැතිවරණ ව්‍යාපාරයට අභිරහස් ඩොලර් මලු ලැබුණේ කෙසේද? ඒ මුදල් මෙරට එවුනේ කුමන අරමුණකටද? යන්න දැනගැනීමට ඡන්දය දුන් නොදුන් සියල්ලන්ට අයිතිය ඇත. අද දනූන තිලකරත්න සැඟවී සිටින්නේ කිසියම් රහසිගත පාතාලයක අනුග්‍රහයෙන් නම් දනූන පමණක් නොව ඔහුට රැකවරණ සැපයූ පාතාල ජාලය අනාවරණය කර ගැනීම ද මෙරට නීතිය හා සාමය ආරක්ෂා කිරීමේ ක්‍රියාවලියට ඉතා වැදගත් වනු ඇත.
දවසකට දෙකකට යන්තමින් මාධ්‍යවේදීන් ලෙස ලේබල් ගසාගත් හොර රංචුවක් දැනටත් විදේශ රටවල දේශපාලන රැකවරණ ලබාගෙන ඇත.
තවත් සමහරුන් මාධ්‍යවේදීන් ලෙස පෙනී සිටිමින් විශාල මුදලක් වංචා කොට රටින් පැන ගොස් ඇත. හෙට අනිද්දා දනූන තිලකරත්න වෙනුවෙන් ඇමිනෙෂ්ටිය වැනි සංවිධානත් පෙනී සිටින්නට ගතහොත් එය ද පුදුම වීමට හේතුවක් නැත.

අවසර මහා රජතුමණි,.......................................!

2010-05-30T18:33:00.000+05:30

චන්ද්‍රසේන පණ්ඩිතගේ විසිනි.
අවසර මහා රජතුමණි, මම වර්තමාණයේ ජීවත් වන අයෙක්මි. ඔබතුමාව බැහැදැකීමට ලැබීමම මා ලැබූ මහාපුණ්‍ය කර්මයක මහිමයක් සේ දැනෙනවා. ඔබ වහන්සේට දීර්ඝායු ප්‍රාර්තනා කරනවා.
මම ඔබටත් එසේම පතනවා! ඒ වගේම වර්තමානයෙන් පුද්ගලයකු හමුවීමත් වාසනාවක්. ඉතින් වර්තමානය කෙසේද?
ස්වාමීනි, ජයග්‍රාහී යුගයක්. එවන් යුගයක ජීවත් වෙන අපත් සැබෑ ලෙසම වාසනාවන්ත බවක් හැගෙනවා.

ඔව්, ඔබ කියන කථාවේ අරුත ඉතාම පැහැදිලියි. නමුත් වර්තමානයට තව දිගු ගමනක් තියෙනවා. ඒකට සූදානම්වීම හා රට සූදානම් කිරීම යුධ ජයග්‍රහණයක් ලබනවාට වඩා අසීරු කටයුත්තක්. වර්තමානය ඒ සදහා සූදානම් වෙනවාද?
එහෙමයි ස්වාමීණි, වර්තමාණය ඒ සදහා ඉතා දැඩි සූදානමක නිරත වෙනවා. මේ වනවිටත් රට පුලුල් සංවර්ධන කාර්යයන් ගනනාවක්ම ආරම්භ කරල. නැගෙනහිර සංවර්ධනය, උතුරු වසන්තය වැනි ව්‍යාපෘති ගනනාවක්ම ආරම්භ කරල; ඒ සමගම ඔබ වහන්සේගේ උපන් නගරය විශාල සංවර්ධනයකට භාජනය වෙලා, මේ වනවිටත් ලෝකයේ විශාලම වරායක් ඉදිවෙමින් පවතිනවා. ජනතාව විශාල උද්යෝගයකින් මේ සිදුවෙන ක්‍රියාවන් දෙස බලා ඉන්නවා.
මොකක්ද ඒ කථාවේ තේරුම?

"ජනතාව විශාල උද්යෝගයකින් මේ සිදුවෙන ක්‍රියාවන් දෙස බලා ඉන්නවා."

ඇත්තටම මොකක්ද ඒ කථාවේ තේරුම?

ජනතාව බලා ඉන්නවා විතරද?

ඒ ක්‍රියාවන්ට දායක වන්නේ නැද්ද?
අවසර මහා රජතුමණි, මම කරුණු ඉදිරිපත් කල ආකාරයේ වරදක් වූවානම් සමාවන්න. යුද්ධය නිමවූ වහාම මුළු රටේම ජනතාව වීථි බැස ප්‍රීති ඝෝෂා කලා එපමණක් නොවෙයි; කැවුම් කිරිබත් පිසල හැමදෙනාම මේ ජයග්‍රහණය ඉහලින්ම සැමරුවා.
එතකොට දැන් ඔබ ඔය කියන සංවර්ධන ව්‍යාපෘතිවලට දායක වෙලා වැඩ කරන්නේ කවුරුද? ඇයි ජනතාව විශාල උද්යෝගයකින් මේ සිදුවෙන ක්‍රියාවන් දෙස බලා ඉන්නවා කියලා කීවේ.
මහා රජතුමණි, වර්තමානය ප්‍රජාතන්ත්‍රවාදී යුගයක්, වැඩවසම් යුගයේදී මෙන් ජනතාව යම් කාර්යයකට බද්ධ කරල නැහැ. ඒවගේම එහෙම කරන්න පුළුවන් කමකුත් නැහැ. ඒ නිසා කැමති අයට මිසක් බලයෙන් කිසිවෙකුත් මෙරට තුල සිදුවෙන සංවර්ධන කාර්යයන් සදහා යොදවා ගන්න වර්තමානයට ඉඩක් නැහැ.
මේ රට අවුරුදු 30ක් අඛණ්ඩව යුද්ධයක් සිදු කල රටක්, අවුරුදු 30ක යුද්ධය කියන්නේ රට සංවර්ධනය නොවී එක තැනම පල්වෙවී තිබුණාය කියන අර්ථයක් ඉන් ගම්‍ය වෙන්නේ නැහැ.නමුත් තිබුණ දෑ විනාශ වෙවී රට ආපසු පසු පසට ගමන් කිරීමක් යුද්ධය හරහා සිදුවෙනවා. මේ වනවිට රටතුල පසු ගිය අවුරුදු 30 ක කාලය තුලදී කල යුතුව තිබූ කාර්යයන් ඒ ආකාරයෙන්ම ඉතිරිව තිබෙනවා. ඊට අමතරව විනාශ කල උරුමයන් යලි ස්ථාපිත කිරීමට සිදුව තිබෙනවා. සියල්ලම කැටිකර බැලුවොත් අවුරුදු 60ක පමණ කල යුතුවූ කාර්යය භාරයක් මෙරට ජනතාවට කිරීමට නියමිතව තිබෙනවා.
මේ රටේ බාල, තරුණ මහලු සියලු දෙනාම ගොවිබිම් වල, වැඩබිම් වල සිටිය යුතු යුග‍යක් මේ ගලා යන්නේ, එහෙම සිදු නොවෙන්නේ නම් කොතනක හරි විශාල වරදක් සිදුවෙලා තියෙනවා.

මේ සම්බන්ධව වගකීම තියෙන්නේ ඔබලාටයි. ඒ අයිතිය මනාව තේරුම් අරගෙන රට පුරාම සිටින එම ජනතාවට ඒ බව පහදා දෙන්න. ඒ යුතුකම පැහැර හරින්න නම් එපා.

මහ රජතුමණි, මේ වනවිට යුද්ධය නිමවී හරියටම වසරකට ආසන්න කාලයක් ලගා වෙලා තියෙනවා. මේ කාලය තුල තුන් ආකාරයක මැතිවරණ තියලා ජනතා පරමාධිපත්‍යය රැකල තියෙනවා. මීලගට රටතුල සීඝ්‍ර සංවර්ධන කාර්යයකට සූදානම් කරලයි තියෙන්නේ.

මහා යුද්ධයකට පස්සේ රට සංවර්ධනය කරන්න සැබෑ ලෙසම වැදගත් වෙන්නේ මැතිවරණ නම් නොවේ. නමුත් මේ රටට මැතිවරණ හරහා යම් වැදගත් කර්තව්‍යයක් ඉටු කෙරුණා.ඒ ජාත්‍යන්තර ද්‍රෝහීන්ගේ කථාවලට තාවකාලිකව ආවරණයක් ගොඩනැංවුනා. නමුත් යුද්ධයේ එක් මුහුණුවරක් පමණක් මේ වනවිට නිමවී තිබෙනවා. නමුත් සමස්ත යුද්ධයේ බල කදවුරු තවමත් රටපුරා ඒ ආකාරයටම ව්‍යාප්තව පවතින බව මතක තබා ගන්න.

මහරජතුමණි, ඔබ වහන්සේ පවසන ආකාරයට යුද්ධයේ බල කදවුරු ඒ ආකාරයටම ව්‍යප්තව පවතිනවා නම් ඒවා මුලිනුපුටා දැමීම සදහා, රටක් වශයෙන් අප අනුගමනය කලයුත්තේ කුමන පියවරක්ද?
මගේ පියා රජ කලේ ශ්‍රී ලංකාද්වීපයේ දකුණු පලාතේ මාගම නම්වූ රාජධානියෙහිය. අපිට මාගම පුරවරයෙන් හමා එන සුලගත් මහා සැනසුමක් ගෙනත් දුන්නා. නමුත් අපට ඓතිහාසිකව පැවරුණ කාර්යයක් තිබුණ. ඒක තමයි මේ රමණීය දිවයින නිදහස් කර ගැනීම. වර්තමානයේ ජීවත්වෙන මහින්ද රාජපක්ෂ නම්වූ රාජ්‍ය පාලකයාත්, ඒ මාගම් පුරවරයට ඥාතිත්වය ඇතිව ඉපිද, එදා අප විසින් ඉටු කල කාර්යයම ඉටු කර එක කඩ ඉමක් පසුකර තිබෙනවා. අප එදා සතුරාගේ අගනුවර අපේ අගනුවර බවට පත්කරගෙන එහි ගොස් පදිංචිව රාජ්‍ය පාලනය කිරීම හරහා කාලාන්තරයක් මෙරට ජනතාවට හා පාලකයින්ට අපහසුවකින් තොරව රට පාලනය කිරීමේ වරම හිමි උනා.
අපි පැහැදිලිවම දන්නවා මේක අපේ රට බව. මෙහි ඇති සෑම බිම් අගලකටම අපට විශාල උරුමයක් තියෙනවා. අපේ රාජ්‍යයන් උතුරු මැද ප‍ලාතේ සිට ක්‍රම ක්‍රමයෙන් දකුණ දක්වාම පහතට සංක්‍රමණය වූයේ පර සතුරු ආක්‍රමණ නිසයි. ඉතිහාසහ පුරාම අප සිදු කල ඓතිහාසික කාර්යය වර්තමාන පාලකයාවූ මහින්ද රාජපක්ෂ නම්වූ රාජ්‍ය පාලකයා විසින් වෙනස් කල යුතු යයි මම විශ්වාස කරන්නේ නැහැ. සියළු සතුරු බල ප්‍රදේශ යලි රජයේ පාලනයට නතු කරගත් එතුමා කලයුතු වූ අති විශේස කාර්යයක් තියෙනවා. ඒ සතුරාගේ යෝජිත අගනුවර වූ ත්‍රීකුණාමලය මෙරට අගනුවර බවට පත්කර, කොළඹ වානිජ අගනුවර 1 හා හම්බන්තොට වානිජ අගනුවර 2 වශයෙන් නම් කිරීමයි. මෙම කාර්යය කිරීම යුද්ධය කලාට වඩා අපහසු කාර්යක් වූවද, කලයුතුම කාර්යයක් බවට වටහා ගන්න. වර්තමානයේ මූලාරම්භක වකවානුවේදී, මෙරට පාලනය කල ඩී. ඇස්. සේනානායක නම්වූ රාජ්‍ය පාලකයාගෙන් පසු, මෙ වනතෙක් උතුරු නැගෙනහිර පලාත් මධ්‍යම රජයට නතු කර ගැනීමේ පදනමින් කටයුතු කල කිසිදු පාලකයකු අපට හමුවන්නේ නැහැ. නමුත් මේ මහා යුද්ධය හරහා උතුරු නැගෙනහිර දෙපලාත මධ්‍යම රජයට නතු දෙපලාතක් බවට පත්කිරීමට වත්මන් රාජ්‍ය පාලක මහින්ද රාජපක්ෂ මහතාට හැකියාවක් ලැබී තිබෙනවා. අප ඒ සම්බන්ධව ඉතාම සතුටට පත්වෙනවා ඒ ලෙසම එතුමාට ආශිර්වාද කරනවා.
මහා රජතුමණි යුද්ධයෙන් අල්ලාගත් ප්‍රදේශ තුල බලය තහවුරු කරගන්නේ කෙසේද?
අප පලමුව සලකා බලන්න ඕනි, මේ සා මහා ජීවිත ගනනාවක් පූජා කර මේ පලාත් අල්ලා ගත්තේ ඇයි දැයි යන්නයි. පලමු කරුණ වන්නේ ඒ පලාත් අපට හිමි පලාත් වීමයි. දෙවන්න ඉතා දුක්ඛිත තත්වයකට පත්ව සිටි ඒ පලාත් වල ජනතාව එම තත්වයෙන් මුදා ගැනීමටයි. තුන්වැන්න එම පලාත්වල සිට මෙහෙයවන ලද ත්‍රස්තවාදය මුලු රටටම තර්ජනයක්ව පැවති නිසාය. සිව් වැන්න ඒ හරහා තවත් රටෙන් 1/3ක කොටසක් සංවර්ධනය කිරීම හරහා රටේ ආර්ථිකයට මහත් දායකත්වයක් හිමි කරන්නට හැකිවීමය. මෙම කරුණු හතරටම සාපේක්ෂව මෙරට ජනතාව ජයග්‍රාහීව පෙල ගැස්සවීම හරහා දිනාගත් පලාත්වල බලය තහවුරු කරගත හැක.
පලාත් අල්ලා ගන්නේ අරමුණක් ඇතිවයි. සතුරා නසා දමා, එම පලාත් අතහැර, ආපසු හිටපු තැනට යාම, කිසිසේත් කලයුතු නොවේ. එබැවින් සටන නිමවූ වහාම එම පලාත්වල සිටි මිනිසුන් යලි පදිංචි කිරීම ආරම්භ කල යුතුවේ. දෙවැනිව පසුගිය වසර 50ක කාලය තුල විවිධ ආකාරයට එම පලාත් වලින් සිංහල හා මුස්ලිම් ජනතාව පලවා හරින ලද බව අමතක නොකල යුතුයි. මේ රජය විශාල වශයෙන් පුවත් පත් මගින් හා අනිකුත් ජනමාධ්‍යයන් හරහා එවන් තත්වයන්ට මුහුණ පෑ සියලුම ජනතාවට ආමන්ත්‍රණය කර, ඔවුන්ව ගොනුකර සියලු සම්පත් ඔවුනට සපයා ආරක්ෂව පෙරදැරි කොට ඔවුනව විශේෂිත ආකාරයට එම පලාත්වල පදිංචි කරවිය යුතුය. ඒ ඔවුන් අවතැන් වූ පලමු ජන කණ්ඩායම් වෙන නිසා හා වැඩි කාලයක් අවතැන්ව, කිසිවෙකුගේත් අවදානයට ලක් නොවී දිවි ගෙවූ පරපුර වන නිසාත්ය. ‍එදා සතුරා වැනසූ ඩොලර් ෆාම් හා කෙන්ට් ෆාම් වලට අමතරව, තවත් මහා ෆාම් වර්ග රාශියක් එම පලාත් වල ආරම්භ කර මෙරට ජනතාව එහි පදිංචි කල යුතුය. එපමනකින් නොනැවතී එම පලාත් වල ඉඩම් එම පලාත් නිදහස් කර ගැනීමට දායක වූ සෙන්පතියන්ට හා සොල්දාදුවන්ට ගම්වර වශයෙන් ප්‍රධානය කර, ඒවා දියුණු කිරීම සදහා තාක්ෂණය හා ප්‍රතිපාදන ලබාදිය යුතුය. ඒ හරහා ඒ පලාත් වල ආරක්ෂාව ප්‍රබල විදියට තර කල යුතුය. එතකින් නොනැවතී. මහා සග රුවනට සියලු පහසුකම් සහිතව විහාර ආරාම කරවා, ඒ ආසන්නයේ ආගමික හා සංස්කෘතික හා අධ්‍යාපනික මහා පුනරුදයක් ගොඩනැංවීම ආරම්භ කරවිය යුතුය. සැබෑ නිදහස් ජයග්‍රහණයේ මුල් අඩිතාලම එයයි.
මහා රජතුමණි, වර්තමානය අතීතයට වඩා සංකීර්ණයි. මුලු ලෝකයම අද එකම ගම්මානයක් වගෙයි. අපගේ සෑම ක්‍රියාවකටම එරෙහිව ජාත්‍යන්තර ප්‍රජාවගේ බලපෑම් එල්ල වෙනවා. අප යුද්ධය ජයග්‍රහණය කලද, ඒ යුද්ධය හේතුවෙන් හෙම්බත්ව සිටින අප, බොහෝ විටෙක දැනුවත්ව හා නොදැනුවත්ව ඔවුනගේ බලපෑම් වලට යට වෙන්න සිදු වෙනවා. විශේෂයෙන් මේ රටේ සෑම කටයුත්තක්ම කරන්නේ ජාත්‍යන්තර ආධාර මත. අප ඔබතුමා ගෙනහැර පෑ අදහස් ක්‍රියාවට නැංවීමට උත්සහ කලහොත් අර්බූද රැසක් නිර්මාණය වෙන්න ඉඩ තියෙන්න පුලුවන් බව ඔබතුමාට අවධාරනය කරන්න කැමතියි. ඒ සදහා අප කල යුත්තේ කුමක්ද?
ඔය ජාත්‍යන්තරයයි කියා ගන්නා ප්‍රජාවගේ බලපෑම් වලින් තොරව මේ රට තුල සිදුවන කිසිදු ක්‍රියාවක් ඇත්තේ නැහැ.මේ රටතුල තිබුණ ප්‍රබලම ජාත්‍යන්තර ප්‍රජා බලපෑම යනු පසුගිය බෙදුම්වාදී යුද්ධයයි. එම යුද්ධය පරාජය කල මේ රටට කුමන ආකාරයේ ජාත්‍යන්තර පුජා බලපෑම් ආවද ඒවාට මුහුණදීමේ ශක්තියක් ඇති බව වටහා ගන්න. පසුගිය යුගයේ යුද්ධ ජයග්‍රහණය ගැන උදම්ව කථා කරන ඔබම, මේ යුගයේ ජාත්‍යන්තර ප්‍රජාවගෙන් එල්ල විය හැකි බලපෑම් සම්බන්ධව බිය පල කරනවා. මේ වනවිට බිය විය යුත්තේ මෙරට වාසී ජනතාව නොව, ඔය ජාත්‍යන්තරයයි හංවඩුව ගසා ගත් ප්‍රජාවයි. සත්‍යවශයෙන්ම එම බිය ඔවුන්තුල තියෙනවා. වසර ගනනාවක් මේ මහා බෙදුම්වාදී යුද්ධය සදහා කල විශාල ආයෝජනයක්, ලෝක ආර්ථික අර්බූදයත් සමගම කඩාගෙන වැටීම ඔවුනට වූ දරා ගැනීමට අපහසුම කාර්යයක් බවට පත්වෙලා තියෙනවා. බොහෝම විමසිලිමත්ව ගලාගෙන යන සිදුවීම් දෙස බලන්න. කිසිදු දෙයකට බිය නොවන්න. ධෛර්යමත්ව හැම දෙයකටම මුහුණ දෙන්න. ජයග්‍රහණය ඔබ සමගයි.
මහරජතුමණි, ඔබතුමාට අනුව මේ වනවිට ජාත්‍යන්තර බලවේග විශාල පසුබෑමකට ලක්වෙලා, ඒනිසා මෙරට වැසියනට කලක් නිදහසේ ජීවිත කාලය ගත කල හැකිද?
සැබවින්ම නැහැ. ඔබලාට නිදහසේ කාලයක් ගත කරන්න වේලාවක් නැහැ. මේ වනවිටත් මේ අය සියලුම ආකාරයේ සැලසුම් පෙරදැරිව ඉදිරියට ඇවිත් ඉන්නවා. මේ වර ඔවුන් නැවත් කාලයක් යනතුරු කඩදාසි යුද්ධය අඛණ්ඩව කරගෙන යාවි. ඒ හරහා මේ රට තව තවත් අමාරුවට පත්වෙන උගුල් ඇටවීමට බලාවි. මේ සම්බන්ධව කල්පනා කාරීව කටයුතු කරන්න.
මහරජතුමණි, ඔබවහන්සේ කඩදාසි යුද්ධය වශයෙන් හදුන්වන්නේ කුමක්ද? ඒ සම්බන්ධව පැහැදිලි කිරීමක් කල හැකිද?
මේ රට මේ අර්බූදයට මුහුණ දෙන්න පටන් ගත්තේ බටහිරුන්ගේ පැමිණීමත් සමගයි. එදා මෙරටට බට පරංගියා ගෙරි සම් කඩක් එලීමට තරම් ඉඩක් ඉල්ලා ආරම්භ කල සම්මුති නමින් වූ කඩදාසි ගිවිසුම පරංගීන් අවසන් කලේ දොන් ජුවන් ධර්මපාල රජතුමාව ලවා මේ රට "ඉර හද පවතිනතාක් කල්" පෘතුගාල මහා රජතුමාට පවරමිණි. මෙය අපූරු යුද්ධමය ආක්‍රමණයකි. නමුත් සිදුවූයේ කඩදාසියක් හරහාය. මෙයට මම කඩදාසි යුද්ධය යයි නම් කරමි. මෑතකදී සිදුවූ මෙවැනි ආක්‍රමණයන් නම් "ඉන්දු ලංකා ගිවිසුම" හා "සටන් විරාම ගිවිසුම" නම්වූ මෙරට නිර්ලජ්ජිත විදියට ආක්‍රමණයකට ගොදුරු කල ගිවිසුම්ය.
මේ වනවිට මෙම කඩදාසි යුද්ධය සමාජ සම්මුතීන් බිද දමමින් ආර්ථික ක්ෂේත්‍රය පුරාද ව්‍යාප්තව පවතී. මේවායින් බොහෝ ප්‍රතිලාභ හිමිවන්නේ ආක්‍රමණිකයාටයි. මෙය මේ රට මුහුණ දෙන අති භයානක ක්‍රියාදාමයක් බව තේරුම් ගන්න.
එදා විදේශිකයෝ විශාල ධනයක් වියදම් කරගෙන රටවල් ආක්‍රමණය කර ධනය හා වහලුන් එම රට වලට බලහත් කාරයෙන් ගෙන ගියත්, අද තමන්ගේ සල්ලි වියදම් කරගෙනම වහල් මෙහෙයට යන පුද්ගලයන් නිර්මාණය වී සිටීම ආක්‍රමණිකයාගේ ජයග්‍රහණයක් බව අවබෝධ කර ගන්න.
ඒ විතරක් නොවෙයි අද සුද්දන්ගේ රටවලට මේ රටේ සල්ලි පොදි බැදගෙන යන්නේ, සුද්දෝ නම් නොවෙයි. මම කියන දේ වටහා ගන්න.
මහා රජතුමණි, අවසාන වශයෙන් ඔබ වහන්සේ අපේ රටේ ජනතාවට ලබා දෙන පණිවුඩය කුමක්දැයි කාරුණිකව පැවසිය හැකිද?
මම ඔබට ස්තුථිවන්ත වෙනවා මට එවන් අවස්ථාවක් ලබාදීම සම්බන්ධව. ඒ සමගම කිවයුතු වැදගත් දේ තමයි, වර්තමාන ජනතාවට පණිවුඩ නිකුත් කිරීමට මට කිසිදු අයිතියක් නැති බව. නමුත් මට ඔබට පැවසීමට යමක් තියෙනවා.ඒ " මේ රට සැබෑ ලෙසම ලෝකයේ ඇති උතුම් රටක් , ජය ශ්‍රී මහා බෝධිය, ශ්‍රී දළදා සමිදුන් වහන්සේ හා ශ්‍රී පාදස්ථානය, සුපිරි සිදුව මේ රටතුල වැඩහිදින තාක් මේ රටට කිසිවෙකුටත් වින කල නොහැකි බව අවබෝධ කරගන්න. සතුරා ඒ බව මැනවින් අවබෝධ කරගෙන සිටී. ඒ හේතුවෙන්ම මේ ස්ථාන තුන ඉලක්ක කරගෙන පහරදීමට සැලසුම් කල බවත්, ඉන් ස්ථාන දෙකකට පහර දුන් බවද අවබෝධ කර ගන්න. මේ බිම මිනිසුන්ට පමණක් සීමා වූවක්ද නොවේ.
මේ උතුම් දේශයේ, කාලාන්තරයක් මුලුල්ලේ සිය ප්‍රජාවන් පවත්වාගෙන එන ශාක පරම්පරාවන්ටත්, සත්ව පරම්පරාවන්ටත්, ඊටත් එහා ගිය, ඔබේ මානයන්ට හසු නොවන තවත් ජීවීන් පරම් පරා ගනනාවකටද හිමි බව සලකන්න. මේ දේශයේ ඉපිද රටට ද්‍රෝහීව කටයුතු කල කිසිවෙකුටත් ඒ සදහා ඔවුනට හිමි දඩුවම අභිබවා යාමට කිසිසේත් කල නොහැකි බවද සිහි තබා ගන්න. මෑත ඉතිහාසයේ මෙරට විරාජමානව වැජඹුණ බොහෝමයක් පාලකයින්ට අද සිදුව ඇති දේ මෙනෙහි කර බලන්න. පසුගිය දශකයන් තුල ම්ලේච ඝාතන කලාව, තමන්ගේ සුවිශේෂ හැකියාවක් සේ සිතා කටයුතු කල ජන ඝාතක පාලකයින්, උන් ප්‍රගුණ කල කලාවෙන්ම නැසී ගිය ආකාරය දෙස බලන්න. එපමණක් නොවෙයි, මේ උතුම්වූ දේශය, සතුරාට ඇවැසි ලෙස කඩා කැබලි කරන බව සඵත කල හැමට, එසේ කටයුතු කිරීමට මුල්වූ මොහොතේම, මුහුණ පෑමට සිදුවූ, ඇබැද්දීන් දෙස සියුම්ව විශ්ලේෂණය කර බලන්න. රජිව් ගාන්ධිලා, චන්ද්‍රිකා කුමාරතුංගලා හොදම නිදසුන් සේ සලකන්න. ඒවා අහඹු සිදුවීම් නොවන බවත්, ඉදිරියේදීත් එවැනිම සිදුවීම් මේ උතුම් දේශයට හානි සිදුකරන්නට එන හා සූදානම් වෙන, ඕනෑම පුද්ගලයකුට හෝ බලවේගයකට සිදුවෙන බවද සිහියේ තබාගන්න.
ඔබට සම්මා සම්බුදු සරණයි!
චන්ද්‍රසේන පණ්ඩිතගේ විසිනි.

ඇ.ඩො. දෙලක්ෂ අනූනවදාහක් වංචා සිද්ධියේ සැකකරු ජෙනරාල්ගේ බෑනා තාමත් නිදැල්ලේ රහස් පොලිස් කණ්ඩායම් පහක් දැම්මත් වැඩක් වෙලා නෑ

2010-05-19T02:34:00.001+05:30

කුමුදු හෙට්ටිආරච්චි

ජෙනරාල් සරත් ෆොන්සේකා ගේ බෑනා වන ධනුන තිලකරත්න අධිකරණය සහ පොලිසිය තවමත් මඟ හරිමින් සිටී. හමුදාවට ව්‍යාජ ලේඛන ඉදිරිපත් කොට ඇමෙරිකානු ඩොලර් 2,99,061.25 ක් වංචා කර ඇතැයි කියන සිද්ධිය ගැන ඔහු අත්අඩංගුවට ගැනීමට අධිකරණය මඟින් වරෙන්තු නිකුත් කර තිබේ.
මොහු අත්අඩංගුවට ගැනීමට විශේෂ රහස් පොලිස් කණ්ඩායම් පහක් යොදා ඇතත් තවමත් නිදැල්ලේ පසුවීම විමතියට හේතුවී තිබේ. කොළඹ කොටුව මහේස්ත්‍රාත් ලංකා ජයරත්න මෙනෙවිය සැකකාර ධනුන තිලකරත්නට රටින් පිටවීම තහනම් කරමින් පසුගිය පෙබරවාරි මස 10 වැනිදා නියෝගයක් නිකුත් කළ අතර එම නියෝගය ආගමන හා විගමන පාලකවරයාට ද දැනුම් දුන්නාය.

මේ වනවිටත් සැකකාර ධනුන තිලකරත්න ගැවසුනු ස්ථාන හයක් සම්බන්ධව පරීක්‍ෂණ සිදුකළ බවත් එම ස්ථානයන් හි සිටි පුද්ගලයන්ගෙන් හා ඥාතීන් ගෙන් ප්‍රකාශ සටහන් කැරගෙන ඇති බවත් රහස් පොලිසිය පවසයි.
ධිකරණය මගින් සැකකරුවෙකු ලෙස නම් කළ ධනුන තිලකරත්න අත්අඩංගුවට ගැනීම සඳහා වරෙන්තු නිකුත් කිරීමෙන් පසු සැකකරුට ආරක්‍ෂාව හා රැකවරණය දී නවාතැන් පහසුකම් සැපයීම සම්බන්ධව අත්අඩංගුවට ගත් ධනුන තිලකරත්න ගේ මිත්තනියට විරුද්ධව රහස් පොලිසිය විසින් නඩු පවරා ඇත.
“හයිකෝප් ප්‍රයිවට් ලිමිටඩ්” මගින් වංචා කරන ලද මෙම මුදල් අමෙරිකාවේ වූ “බ්‍රිටිෂ් බෝර්නියෝ ඩිෆෙන්ස් ඔස්ට්‍රේලියා” ගිණුමට යවා ඇති බවත් එම ගිණුම “හයිකෝප් ඉන්ටර් නැෂනල්” සමාගමේ අයිතිකරු වන සැකකාර ධනුන තිලකරත්නට අයත් බවත් රහස් පොලිසිය මෙතෙක් සිදුකළ පරීක්‍ෂණවලින් හෙළිදරව් කැරගෙන ඇතැයි රහස් පොලිසිය පවසයි.
වංචාවෙන් ලබාගත් මුදල් ධනුන තිලකරත්නට අයත් “බ්‍රිටිෂ් බෝර්නියෝ ඩිෆෙන්ස් ඕස්ට්‍රේලියා” ගිණුමට බැර වූ බව “හයිකෝප් ප්‍රයිවට් ලිමිටඩ්” හි අධ්‍යක්‍ෂවරුන් ගේ ප්‍රකාශවලින් ද තහවුරු වී ඇති බව රහස් පොලිසිය කියයි.
ඇපදිය නොහැකි වැරදි සම්බන්ධයෙන් තමා අත්අඩංගුවට ගැනීමට සොයන බව පවසමින් සැකකාර ධනුන තිලකරත්න, නීතිඥ මුදිත අබේරත්න මහතා මගින් අධිකරණයට ඉදිරිපත් කැර තිබූ අපේක්‍ෂිත ඇප අයැදුම මහේස්ත්‍රාත්වරිය විසින් ප්‍රතික්ෂේප කරන ලදී.
ඉන් අනතුරුව අවස්ථා තුනක් රහස් පොලිසියට පැමිණ සිද්ධිය සම්බන්ධව ප්‍රකාශයක් ලබා දෙන ලෙසට ධනුන තිලකරත්නට රහස් පොලිසිය විසින් දැනුම් දුන්න ද මේ වන තෙක් සැකකාර ධනුන තිලකරත්න රහස් පොලිසියට හෝ අධිකරණයට ඉදිරිපත් වී නොමැත.
දිගින් දිගටම සැකකාර ධනුන තිලකරත්න අධිකරණය හා රහස් පොලිසිය මඟ හැරීම නිසා රහස් පොලිසිය අධිකරණයට වාර්තා කල කරුණු සැලකිල්ලට ගනිමින් සැකකාර ධනුන තිලකරත්න අත්අඩංගුවට ගැනීමට අධිකරණය මගින් වරෙන්තු නිකුත් කෙරුණි.
සැකකාර ධනුන තිලකරත්න අත්අඩංගුවට ගැනීම සඳහා ජාත්‍යන්තර පොලිසියේ ද සහාය ලබාගෙන ඇති බව රහස් පොලිසිය පවසයි. අධිකරණ නියෝග මත සැකකාර ධනුන තිලකරත්නට අයත් බැංකු ගිණුම් පරීක්‍ෂාවට ලක් කළ අතර එහිදී හෙළිදරව් වී ඇත්තේ ලංකා බැංකුව හරහා මෙම වංචාවට අදාළ මුදල ධනුන තිලකරත්නට අයත් “බ්‍රිටිෂ් බෝර්නියෝ ඩිෆෙන්ස් ඕස්ටේ‍්‍රල‍්‍රියා” ගිණුමට බැර වී ඇති බවයි.
යුද හමුදාව වෙත ව්‍යාජ ලේඛන ඉදිරිපත් කැර ප්‍රශ්න ගත ටෙන්ඩර් හතරක් ලබාගෙන ඇමෙරිකානු ඩොලර් 2,99,061.25 ක් වංචා කිරීම සම්බන්ධව රක්‍ෂිත බන්ධනාගාරයේ පසුවන “හයිකෝප් ප්‍රයිවට් ලිමිටඩ්” හි අධ්‍යක්‍ෂ වැලන්ටන් ට්‍රෙන්ටන් ඩේ හොට්” ගේ ඇප අයැදුම ප්‍රතික්ෂේප කළ මහේස්ත්‍රාත්වරිය සැකකරු තවදුරටත් ලබන 26 වැනිදා තෙක් රක්‍ෂිත බන්ධනාගාර ගත කිරීමට නියෝග කළාය.
රක්‍ෂිත බන්ධනාගාරයේ පසුවන සැකකාර අධ්‍යක්‍ෂවරයා රහස් පොලිසියට ප්‍රකාශයක් දෙමින් පවසා ඇත්තේ මෙම ප්‍රශ්න ගත ටෙන්ඩර් සැකකාර ධනුන තිලකරත්න ගේ උපදෙස් මත සිදු කළ බවයි. මෙම වංචාව සම්බන්ධ මෙතෙක් සිදුකළ පරීක්‍ෂණ වල උධෘත නීතිපතිවරයාගේ උපදෙස් පතා නීතිපතිවරයා වෙත යොමු කැර ඇති බව රහස් පොලිසිය පවසයි.

හයිකොෆ් සමාගම වංචා කළ ඩොලර් ලක්‌ෂ 3 ක්‌ දනුනගේ ගිණුමට බැරවෙලා අපරාධ පරීක්‌ෂණ දෙපාර්තමේන්තුව අධිකරණයට දන්වයි

2010-04-01T02:03:00.000+05:30

ඒ. ඡේ. ඒ. අබේනායක-දිවයින

ඕස්‌ටේ්‍රලියානු සමාගමක්‌ නමින් ව්‍යාජ ලේඛන ඉදිරිපත් කොට ශ්‍රී ලංකා යුද හමුදාවට යුද උපකරණ සපයා ශ්‍රී ලංකා හයිකොෆ් සමාගම විසින් වංචා කළ ඇමරිකානු ඩොලර් ලක්‌ෂ තුනකට ආසන්න මුදලක්‌ (ඇ. ඩො. 2,99,061.25) ජෙනරාල් සරත් ෆොන්ස්‌කාගේ බෑණා වන දනුන තිලකරත්න නමැත්තාගේ ගිණුමට බැරවී ඇති බව පරීක්‌ෂණවලදී අනාවරණය වී ඇතැයි අපරාධ පරීක්‌ෂණ දෙපාර්තමේන්තුව කොටුව මහෙස්‌ත්‍රාත් අධිකරණයට ඊයේ (31 දා) වාර්තා කළේය.එම වංචාවට සම්බන්ධ ප්‍රධාන සැකකරු වන දනුන තිලකරත්න නමැත්තා අත්අඩංගුවට ගැනීම සඳහා විශේෂ රහස්‌ පොලිස්‌ කණ්‌ඩායම් කිහිපයක්‌ යොදවා පරීක්‌ෂණ දියත් කොට ඇතැයිද අපරාධ පරීක්‌ෂණ දෙපාර්තමේන්තුව එහිදී වැඩිදුරටත් අධිකරණයට වාර්තා කළේය. එම වංචාව සම්බන්ධයෙන් පරීක්‌ෂණ පැවැත්වූ අපරාධ පරීක්‌ෂණ දෙපාර්තමේන්තුව අත්අඩංගුවට ගෙන ඉදිරිපත් කොට තිබූ ශ්‍රී ලංකා හයිකොෆ් සමාගමේ ප්‍රධානියා යෑයි කියන සැකකරුව අප්‍රේල් 8 වැනිදා දක්‌වා තවදුරටත් රක්‌ෂිත භාරයේ තැබීමට මහෙස්‌ත්‍රාත් ලංකා ජයරත්න මෙනවිය එහිදී නියෝග කළාය.
දෙවන සැකකරු වන දනුන තිලකරත්න නමැත්තා කඩිනමින් අත්අඩංගුවට ගැනීමට පියවර ගන්නා ලෙසට එහිදී අපරාධ පරීක්‌ෂණ දෙපාර්තමේන්තුවට නියෝග කළ මහෙස්‌ත්‍රාත්වරිය පරීක්‌ෂණවල ප්‍රගතිය පිළිබඳව වාර්තාවක්‌ අප්‍රේල් 21 වැනි දින අධිකරණය හමුවට ඉදිරිපත් කිරීමට පියවර ගන්නා ලෙසද එහිදී වැඩිදුරටත් නියෝග කළාය.
දනුන තිලකරත්න නමැති සැකකරුට ආරක්‌ෂාව ලබාදීමේ චෝදනාව යටතේ අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඇප මත මුදාහැර ඇති ඔහුගේ ඥතියකු වන ඊ. එස්‌. තිලකරත්න නමැත්තිය නඩුවේ සැකකාරියක ලෙස නම් කොට තිබීම එම නඩුව ඉදිරියට ගෙනයැමට බාධාවක්‌ වන්නේ යෑයිද පරීක්‌ෂණ නිලධාරීන්ට එහිදී පෙන්වා දුන් මහෙස්‌ත්‍රාත්වරිය අවශ්‍ය උපදෙස්‌ ලබාගෙන අවශ්‍ය නම් ඇයට එරෙහිව වෙනම චෝදනා ගොනු කොට නඩුවක්‌ පැවරීමට පියවර ගන්නා ලෙසද එහිදී නියෝග කළාය.

අධිකරණය විනාශ කළේ සරත් එන් සිල්වා -අධිනීතිඥ එස්. එල්. ගුණසේකර හිටපු පාර්ලිමේන්තු මන්ත්‍රී හා මානෙල්මල් ව්‍යාපාරයේ කැඳවුම්කරු

2010-03-31T03:43:00.000+05:30

සාකච්ඡා කළේ චන්දන ජයවීර-දිනමිණ

1985 දී භූතානයේ තිම්පු නුවර පැවැති සාම සාකච්ඡාවලට රජයේ නියෝජිතයා ලෙස හා ඉන් අනතුරුව ඉන්දීය රජය සමඟ පැවැති බලය බෙදාහැරීම පිළිබඳ සාකච්ඡාවලට ශශ්‍රී ලංකා රජයේ ගෞරවාන්විත උපදේශකවරයෙක් ලෙස සහභාගි වූ එස්. එල්. ගුණසේකර මහතා, වෘත්තියෙන් අධිනීතිඥවරයෙකි. ව්‍යවස්ථා සංශෝධනයක අවශ්‍යතාව පිළිබඳ හා හිටපු අගවිනිසුරුවරයාගේ පාලන සමයේ දෙනු ලැබූ තීන්දු පිළිබඳ ඔහු දක්වන අදහස් මෙසේ පළවේ. ජන වරමක් ලබා බලයට පත්වන රජයකට කථානායකවරයා පවා පත්කරගත නොහැකි තත්ත්වයක් පසුගිය කාලයේ දී අපට දක්නට ලැබුණා. එය මෙරට පාර්ලිමේන්තු ක්‍රමයේ අර්බූදයක් ඇති කිරීමටත් හේතුවී තිබෙනවා. මෙවැනි ගැටලුවක් නිර්මාණය වීමට වර්තමාන මැතිවරණ ක්‍රමය හා ව්‍යවස්ථාව වගකිව යුතු බවට පළවී ඇති මතය පිළිබඳ ඔබේ අදහස කුමක්ද?

1956 දී කේවල ක්‍රමය යටතේ එක්සත් ජාතික පක්‍ෂය ආසන 8 ට බැස්සා. ජේ.ආර් ගේ ආසනයත් නැතිවෙලා ගියා. ඒ නිසා ඔහුට වුවමනා වුණා, එවැනි තත්ත්වයක් මින් පස්සෙ ඇතිවීම වළක්වන්න. කෙසේ හෝ එ.ජා.පයට සෑහෙන මන්ත්‍රී සංඛ්‍යාවක් තබා ගැනීමටත්, ඔහුගේ බලය හැම විටම තහවුරු කර ගැනීමටත් ජේ. ආර්ට අවශ්‍යය වුණා. පාර්ලිමේන්තු ක්‍රමය යටතේ අගමැතිවරයාට හිමිව තිබූ බලතල හා තව බලතල කිහිපයක් එකතුකොට අසීමිත බලතල ප්‍රමාණයක් ජනාධිපතිවරයා වෙත ඒකරාශී කරලා, ඔහු නව ව්‍යවස්ථාවක් නිර්මාණය කළා.

රජය ඉදිරි මහ මැතිවරණයේ ජයග්‍රහණයෙන් පසු වර්තමාන ව්‍යවස්ථා සංශෝධනය කිරීමට අදහස් කරනවා. එය සිදු විය යුත්තේ කුමන ආකාරයට ද?
ජනතාවට ඔවුන්ගේ අපේක්‍ෂකයා තෝරා ගත හැකි පරිදි ගම් සභා ක්‍රමය පදනම් කරගත් මැතිවරණ ක්‍රමයකට අප යායුතුයි. පක්‍ෂවලට විශේෂ තැනක් දෙන්න අවශ්‍ය නැහැ. එවිට පළාතට විශාල සේවයක් කළ හැකි, කැපවීමක්, ඉගෙනීමක් ඇති සාමාන්‍ය පන්තියේ අයට පාර්ලිමේන්තුවට පැමිණිය හැකියි. ගමක සංවර්ධන ව්‍යාපෘති ක්‍රියාත්මක කිරීම එම ගමේ ගම්සභා නියෝජිතයාට භාරදිය යුතුයි. පාර්ලිමේන්තුව සඳහා මන්ත්‍රීවරු තෝරා පත්කර ගත යුතු වන්නේ එම පළාතේ ගම් සභාවල නියෝජිතයන්ගේ ඡන්දයෙන්. එවිට නියම ප්‍රජාතන්ත්‍රවාදය ඇති වෙනවා.
* හිටපු අග විනිසුරු සරත් එන්. සිල්වා මහතාගේ පාලන කාලයේදී අධිකරණ ක්‍රමයේ බිඳ වැටීමක් සිදුවූ බවටත්, එයට ඔහු ඍජුවම වගකිව යුතු බවටත් මත පළවී තිබෙනවා. ඒ පිළිබඳ ඔබේ මතය කුමක්ද?
අධිකරණ ක්‍රමයේ බිඳ වැටීම පටන් ගත්තේ නෙවිල් සමරකෝන් අගවිනිසුරුවරයාගේ විශ්‍රාම යාමෙන් පසුව පත් වූ ෂර්වානන්ද මහතාගේ කාලයේදී. ඔවුන් දෙදෙනාම පත් කළේ 77 න් පසු බලයට පත්වූ ජේ. ආර්. ජයවර්ධන රජය විසින්. නෙවිල් සමරකෝන් මහතා පත් කළේත් වැරැදි හේතු නිසා. ඒත් එතුමා ඉස්තරම්ම වර්ගයේ අග විනිසුරුවරයෙක් වුණා.
එතුමාට තිබුණු ගරුත්වය වෙනත් කිසිම අගවිනිසුරුවරයෙකුට ලැබුණයි කියලා මං හිතන්නෙ නෑ. ඊට පස්සේ ක්‍රම ක්‍රමයෙන් අධිකරණය කෙරෙහි මහ ජනතාවගේ තිබුණු ගරුත්වය අඩු වුණා. සරත් එන්. සිල්වා ආවට පස්සෙ ඔහුගේ විකාර නැටුම් එක්ක අධිකරණ ක්‍රමය හොඳටම බිඳ වැටුණා. ඔහු නීතිපති දෙපාර්තමේන්තුවේ සේවය කරන කාලේ මගේ හොඳ මිත්‍රයෙක්. ඒ නිසා මං කනගාටුවෙන් වුණත් කියන්නේ, ඔහු අධිකරණය හරහා ඒකාධිපති පාලන ක්‍රමයක් ගෙන ගියා කියලයි. කවදාවත් කවුරුවත් හිතුවෙ නැති දේවල් ඔහුගේ කාලයේදී අධිකරණයේ සිදු වුණා.
ඔහු රාජසන්තක කළ ගජමුතු, ඔහුට හිතවත් අයට පරිත්‍යාග කළා. රජය සන්තක දේවල් එහෙම කැමැති කැමැති ආකාරයට පරිත්‍යාග කරන්න බැහැ. වෙන දේවලට අමතරව ඔහු ඔය වගේ දේවලුත් කෙරුවා. ඒවා ගැන මං කතා කරන්න කැමැති නැහැ. අධිකරණයේ විනාශයට හේතුවූ ප්‍රධානතම චරිතය සරත් එන්. සිල්වා කියලා මට ඍජුවම ප්‍රකාශ කරන්න පුළුවන්.
* හිටපු අගවිනිසුරුවරයා මහජන නියෝජිතයන් විසින් ගතයුතු තීරණයන් ද ගනු ලැබූ බවට චෝදනාවක් නැඟෙනවා.
විධායකය සතුව තිබෙන බලතල අධිකරණය භාවිත කිරීම වැරැදියි. ඔහු අධිකරණයට කිසිම අයිතියක් නැති පෙට්ට්‍රල්වල මිල නියම කිරීමට පවා ගියාම ඒක අධිකරණයේ වැඩ කොටසක් නෙවෙයි. තවත් අවස්ථාවක ඔහු වේග සීමා පැනවීම පිළිබඳ තීන්දුවක් දුන්නා. වැලිගම ප්‍රදේශයට අදාළ ප්‍රශ්නයක් කේන්ද්‍ර කරගෙන ඔහු මුළු රටේම ශබ්ද විකාශන බලපත්‍ර අහෝසි කළා. ඒක එයාට අදාළ දෙයක් නෙමෙයි. විධායකයට අයිති දෙයක්. ඔහු කෙසේ හෝ දේශපාලනයට පිවිසීමට උත්සාහයක් ගන්නා බවට මට විශ්වාසයක් තිබුණා. එච්. එල්. ද සිල්වා මහතා රචනා කළ ග්‍රන්ථය ප්‍රකාශයට පත් වූ දිනයේදී මා කරන ලද සමාලෝචනයේ දී සමාජයට ඉඟි කිරීමක් කළා.
* ඔහුට දේශපාලනයට අවතීර්ණ වීමට නැමියාවක් තිබුණු බවට ඔබ විශ්වාස කරන්නේ කුමන සාධක මතද?
ඔහු බලයට පත් වූ මුල් කාලයේ දී අධිකරණයට ඉදිරිපත් වූ මානව අයිතිවාසිකම් නඩු තොග පිටින් දොට්ට දැමූ අයෙක්. ඒත් ඔහු අවසාන කාලයේ දී, හදිස්සියේම වාගේ විශාල නඩු ප්‍රමාණයක් අහන්නටත්, බරපතළ තීන්දු ප්‍රකාශයට පත් කරන්නටත් පටන් ගත්තා. මේවා මතුපිටින් සාමාන්‍ය ජනතාවට හිතකර සේ පෙනෙන තීන්දු.
ඒ වගේම රට වටේ ගිහිල්ලා අධිකරණ විවෘත කරන්න පටන් ගත්තා. ඔහු ඒ උත්සවවලදී මන්ත්‍රීවරයෙක් වගේ ගෙල වටේ මල්මාලා ගණනාවක් පළඳවාගෙන, දේශපාලන කතා පැවැත්වුවා. බැලු බැල්මට පෙණුනා ඔහු දේශපාලනයට පිවිසීමට අදහස් කරන බව.

ඔහු ශ්‍රී ලංකාවේ ඉන්න මිනිසුන් අතරින් එක්තරා ආකාරයකින් දක්‍ෂතම පුද්ගලයෙක්. ඔහුට හොඳ මොළයක් තියෙනවා. ඔහු කිසියම් පක්‍ෂයක් ඇතුළට ගියානම් ඒ පක්‍ෂයේ නායකයාට තැනක් ලැබෙන්නේ නැහැ. ඔහු කොහොම හරි ඒ පක්‍ෂයේ නායකත්වය ලබා ගන්නවා. මං ඔය ගැන කළින්ම හිතලා ඒ කාලෙම වක්‍රව කිව්වා. කෙළින් කිව්වා නම් මාවත් හිරේ දානවා.

* එවැනි පුද්ගලයෙක් දේශපාලනයට පැමිණීම කුමන ප්‍රතිඵලයක් ඇති කළ හැකිද?

දේශපාලනයට එන්න ඕන රට ජාතිය ගැන කැක්කුමක් තියෙන අය. රටට වැඩක් කිරීමට අදහසක් තියෙන අය. එහෙම නැතිව තමුන්ට වැඩක් කරගන්න උත්සාහ කරන පුද්ගලයෙක් නෙවෙයි.

* කෙසේ වෙතත් ඔහු අද ජ.වි.පෙ ප්‍රමුඛ සන්ධානයේ ඉදිරි පෙළ නායකයෙක් නොවේද?

ජනතා විමුක්ති පෙරමුණ දන්නවා, සෝමවංශ අමරසිංහගෙ නායකත්වයෙන් ආව නම් ඒගොල්ලන්ට ආසනයක කෑල්ලක්වත් ගන්න ලැබෙන්නේ නැති බව. අද ඔවුන් සරත් ෆොන්සේකාව, සරත් සිල්වාව ඉදිරියට දාගෙන බලන්නෙ කොහොම හරි ආසනයක්වත් ගන්නයි. නැතිව මේ ගොල්ලන්ව ඉස්සරහට දාල තියෙන්නේ ඔවුන්ට තියෙන ආදරයක් නිසා නොවෙයි.

* පසුගිය ජනාධිපතිවරණයේ දී එක්ව තරග කළ එ.ජා. පයට හා ජ.වි.පෙට මෙම මහ මැතිවරණයේ දී එක්ව තරග කළ නොහැකි වූයේ ඇයි?
ෆොන්සේකාට ඕන වුණා ඒ සන්ධානයේ නායකයා වෙන්න. ඉන්පසු එමඟින් විපක්‍ෂ නායකයා වෙන්න. රනිල්ට ඕන වුණා විපක්‍ෂ නායකයා එයා වෙන්න. අමරසිංහ දැනගත්තා එයාට කවදාවත් මොන නායකයාවත් වෙන්න බැහැ කියලා. ජේ. වී. පියට ඕන සන්ධානයක් හදාගෙන ආසන හතර පහක් ලබා ගන්න. නැත්නම් ඒ ගොල්ලන්ට එක ආසනයක්වත් ලැබෙන්නේ නැහැ. මංගල සමරවීර ෆොන්සේකා අත් ඇරලා යූ.එන්.පිය පස්සේ ගියේ ඇයි? මේක තනිකරම තනතුරු ලබාගන්න කරපු බල අරගලයක්. ප්‍රතිපත්තිමය ප්‍රශ්නයක් නම් ලකුණු පිළිබඳ ප්‍රශ්නය විසඳන්න බැරිද?

* විපක්‍ෂ නායකවරයා මැතිවරණය සඳහා නාමයෝජනා භාරදීමටත් පෙර සියලුම අපේක්‍ෂකයන්ගෙන් දින රහිත ඉල්ලා අස්වීමේ ලිපි ලබා ගැනීම මහජන නියෝජිතයන්ගේ ස්වාධීනත්වය කෙරෙහි බලපෑ හැක්කේ කෙසේ ද?

ඒක අපේ අවධානයට ලක් විය යුතු ප්‍රශ්නයක්. මෙම මැතිවරණ ක්‍රමය තුළ දේශපාලන පක්‍ෂ අපේක්‍ෂකයන් තෝරා ගැනීමේ දී සලකා බලන්නේ මෙයාට සල්ලි තියෙනවද? එහෙම නැත්නම් මෙයාට ඡන්දය දිනන්න ශක්තිය තියෙනවද කියලා විතරයි. නමුත් ඔහු පාර්ලිමේන්තුවට යාමට සුදුස්සෙක්ද කියලා හිතන්නේ නැහැ. ඔහු අවංක ප්‍රතිපත්තිගරුක මනුස්සයෙක් ද කියලා හිතන්නේ නැහැ. දේශපාලන පක්‍ෂ අපේක්‍ෂකයන් පත් කරන කොට ඔවුන් අවංක දේශමාමක පුද්ගලයන්ද, ඔවුන්ට පිට කොන්දක් තියෙනවද? ප්‍රතිපත්තියක් තියෙනව ද කියලා බලන්න ඕන.
රනිල් දින රහිත ඉල්ලා අස්වීමේ ලිපි ලබා ගැනීමෙන් පෙන්වා තිබෙන්නේ එ.ජා.ප යෙන් මැතිවරණයට ඉදිරිපත් කොට තිබෙන අපේක්‍ෂකයන් කෙරෙහි ඔහුට අබමල් රේණුවක තරම්වත් විශ්වාසයක් නැති බවයි. ඒ වගේ පිරිසක් තමයි ඔවුන් පාර්ලිමේන්තු යවන්න උත්සාහ කරන්නේ. එතකොට මොකක්ද මෙතැන තිබෙන ප්‍රජාතන්ත්‍රවාදය. මහජනතාව තෝරාගත්ත පුද්ගලයෙකුට ඔහුට ලැබෙන ජනවරම අනුව කටයුතු කරන්න බැහැ. මෙතැනදි රනිල් කියන්නේ මට ජනතාවගෙන් වැඩක් නැහැ උඹලා ඇවිල්ලා මම කියන දේ කරපල්ලා කියලයි.
* ඔහු මෙලෙස දින රහිත ඉල්ලා අස්වීමේ ලිපි ලබා ගැනීමෙන් බලාපොරොත්තු වන්නේ කුමක්ද?

රනිල්ට වුවමනා රාජ්‍යය බලය ලබා ගන්න නෙවෙයි. එයා කැමැති දිගටම විපක්‍ෂනායකවරයා විදිහට ඉන්න. එම තනතුරේ වගකීම් අඩුයි. අනුන්ගේ වැරැදි පෙන්න පෙන්න එයාගෙ වැරැදි සඟවාගෙන ඉන්න පුළුවන්. ඊට අමතරව විපක්‍ෂනායකධුරයේ බලය පාවිච්චි කරමින් ලෝකේ වටේ යන්න පුළුවන්.

* පසුගිය යුද සමයේ සිදුවුවා යැයි සැලකෙන මානව හිමිකම් උල්ලංඝණය වීමේ සිදුවීම් පරීක්‍ෂා කිරීමට එ.ජා. සංවිධානයේ මහ ලේකම්වරයා විසින් පත් කිරීමට අදහස් කළ උපදේශක කොමිටියට රජය විරුද්ධත්වය ප්‍රකාශ කිරීම සාධාරණ ද?

අපේ නීතිය අන්තර් ජාතික නීතියට ඉහළින් පවතිනවා කියන රජයේ ස්ථාවරය හා මා එකඟයි. ශ්‍රී ලංකාවේ තිබුණේ අභ්‍යන්තර ප්‍රශ්නයක්. ඒකට ඇඟිලි ගහන්න විදේශයකට අයිතියක් නැහැ. ඇෆ්ගනිස්ථානයේ අමෙරිකානු හමුදා කරන දේවල් ගැන සොයා බලන්න අපිට අයිතියක් තියෙනවද? ඒක අපේ වැඩක් නෙවෙයි. එක රටකට බැහැ තවත් රටකට කියන්න උඹලා මේ වගේ හැසිරෙන්න ඕන කියලා. එ.ජා. සංවිධානය වුණත් සාධාරණ ලෙස අමෙරිකාව, එංගලන්තය වගේ බලවත් රටවල කරන දේවල් ගැනත් හොයා බලනවද? ප්‍රජාතන්ත්‍රවාදය ගැන කතා කරන එක තමයි ලොකුම විහිළුව.

* ඉදිරි මහ මැතිවරණයේදී ඔබ නියෝජනය කරන ජාතික සංවිධාන එකමුතුවේ සහය හිමිවන්නේ කුමන දේශපාලන බලවේගයට ද?

මෙම මහ මැතිවරණයේ දී මගේ ඡන්දය පැහැදිලිවම එක්සත් ජනතා සන්ධානයට හිමිවෙනවා. නමුත් කාටද මනාපය දෙන්නේ කියන ගැටලුව තියෙනවා. මම මේ මොහොතේ ජනතාවට කියන්නේ ඔවුන් බුද්ධිමත්ව කටයුතු කළ යුතු බවයි.

මහජනයා ඔවුන්ගේ බහුතර කැමැත්තෙන් මහින්ද රාජපක්‍ෂ මහතා ජනාධිපතිධුරයට තෝරාගෙන තිබෙනවා. ඔහුට රජයේ වැඩ කොටස බාධාවකින් තොරව, අනෙක් පක්‍ෂවල මිනිස්සුන්ගේ පස්සෙන් නොගිහින් කරගත්න, ස්ථාවර පාලනයක් ගොඩනඟා ගැනීමට අවශ්‍ය බහුතර බලයක් ලබා දිය යුතුයි. ඒ වගේම මනාපය ප්‍රකාශ කිරීමේදී රටට හා ජනතාවට වැඩක් කළ හැකි ආදර්ශමත්, අවංක මැර ක්‍රියාවලට සම්බන්ධ නොවූ පුද්ගලයන් දිනවිය යුතුයි.

Former CJ Sarath N Silva and DGC Sarath Jayathilake paves way for revenue loss in billions

2010-03-27T03:37:00.002+05:30

slcustoms whistleblower

In the ‘landmark’ judgement [SC Appeal 49/2008] pronounced by the former CJ Sarath N Silva it was held that the seizure of goods under the Customs Ordinance after goods have been delivered upon payment of duties, is manifestly illegal and the correct procedure would be to recover the element of revenue defrauded by the importer if any as ‘additional duties’ and release the goods. It was further held in this judgment that application of Section 125 of the Customs law against the fraudster and forfeiture of goods is inconsistent with the ‘scheme and structure of the Customs law’.It was further held that the seizure is affected in a situation where a recovery process duties defrauded is the ‘proper course of action’ ‘solely for the enrichment of the Customs Officers’ and the Customs Officers effect purported seizures on ‘tenuous grounds causing harassment to importers’.

We, the Customs Whistleblowers, can confirm with certainty that Customs would not have lost this case, which opened the floodgates for the revenue fraudsters if not for the deliberate inaction by the DGC Sarath Jayathilake who prevented the Respondent, K Premanath in the case from making an affidavit to the Supreme Court. The Respondent should have clearly stated by way of an affidavit to the Court that the importer had cleared the good defrauding the government revenue with false description of the goods, purportedly with the connivance of the officers appointed to examine the goods.

Had the Respondent, Deputy Director, K Premanath, made the factual position clear to the Supreme Court that there was a willful revenue fraud committed by the importer, the CJ Sarath N Silva would not have able to say his the judgment that the Respondent K Premanath had agreed with the classification of the importer and delivered the goods relying on the classification of goods - description of goods as furnished to Customs by the importer - which was factually false as the importer had cleared the goods with false description that attract the lower rate of customs duties.

Why the bad law created by CJ Sarath Silva is clearly detrimental

From the day this infamous judgment was pronounced by CJ Sarath N Silva there are series of cases [full list of all such cases will follow soon], where the customs confiscated goods cleared defrauding the government revenue, have been challenged before the Court of law and the decision by the customs quashed, relying on the bad law created by CJ, Sarath N Silva. From the peoples’ and the country’s point of view, we can say that this trend is extremely harmful and it had made the whole customs administration defunct against the organized revenue fraudsters who are encouraged to defy the customs law and defraud the government revenue at will. In the event any fraud committed by them is detected, thanks to the new law created, the fraudster can simply get away from any punishment by paying the government revenue defrauded by him. Unfortunately, the incumbent DGC, Sarath Jayathilalke, who clearly refuse to tolerate any preventive measures being taken against organized revenue fraudsters, simply maintain absolute silence on this extremely harmful judgment. So far no tangible action whatsoever has been taken by him to get the bad law revised by the Supreme Court and we urge the President Rajapakse, who is also the Finance Minister to intervene and to take remedial measures as soon as possible to arrest the situation and to stop the colossal loss of government revenue, clearly due to inaction by the Customs administration.

ෆොන්සේකාට ඇති චෝදනා

2010-03-19T04:38:00.000+05:30

සරත් ෆොන්සේකා මහතාට එරෙහිව යුද්ධාධිකරණය හමුවේ ඉදිරිපත් වී ඇති චෝදනා මෙසේය.

1. 2009 ඔක්තෝම්බර් මස 01 වැනි දින සහ 2009 නොවැම්බර් මස 14 වැනි දින අතර කාලයේදී රටේ ස්වෛරීභාවයට විරුද්ධ වන අයුරින් ඇමතිවරයකු වන ජොන්ස්ටන් ප්‍රනාන්දු මහතා සමඟ දුරකථන සංවාදයක යෙදෙමින් ‘ අමෙරිකන් ආණ්ඩුවට අවශ්‍ය ලෙස යුද්ධය පිළිබඳ සාක්කි දීලා ආණ්ඩුව හා යුද හමුදා ජයග්‍රහණ අවතක්සේරුවකට පත් කර ශ්‍රී ලංකාවට එනවා. ජනාධිපතිවරණයට තරග කරන්නයි එන්නේ. ගුවන් තොටුපළේදී වීරයෙක් වගේ පිළිගන්න ලැහැස්ති වෙලා ඉන්නව යනුවෙන් පැවසීමෙන් 1949 අංක 17 දරන යුද හමුදා පනතට පටහැනිව ක්‍රියා කිරීම.2. ජනාධිපති අපේක්‍ෂකයා ලෙස තමන්ගේ නම එ.ජා.ප ක්‍රියාකාරි කමිටුවේදී යෝජනා කිරීම සඳහා ජොන්ස්ටන් ප්‍රනාන්දු මහතාට සහයෝගය ලබාදීමෙන් දේශපාලන ක්‍රියාකාරකම්වල යෙදී යුද හමුදා පනත යටතේ දඬුවම් ලැබිය හැකි වරදක් සිදු කිරීම.

3. පාර්ලිමේන්තු මන්ත්‍රී ලක්‍ෂ්මන් සෙනෙවිරත්න මහතා සමඟ දේශපාලන දිවිය සම්බන්ධයෙන් දේශපාලන සාකච්ඡාවල යෙදීමෙන් හමුදා පනත යටතේ දඬුවම් ලැබිය හැකි වරදක් සිදු කිරීම. සිය බෑනා වන ධනුන තිලකරත්නට හයිකෝප් පුද්ගලික සමාගම පිළිබඳ උනන්දුවක් ඇති බව දැනුවත්ව එම ටෙන්ඩර් ක්‍රියාවලියෙන් ඉවත් වීමට අවශ්‍යව තිබියදී හයිකෝප් හරහා බ්‍රිටිස් බෝනියෝ ආරක්‍ෂක - ඕස්ට්‍රේලියා සමාගමට දිවා දුරේක්ෂ ටෙන්ඩරය 2007/11/06 ලබාදීම.
2007 / අගෝස්තු 23දා 12 V නඩත්තුවෙන් නිදහස් බැටරි 50ක ටෙන්ඩරය ලබාදීම.
චෝදනා පත්‍රය II
1. 2008/02/28 5WA ජෙනරේටර් 50ක ටෙන්ඩරය ලබාදීම.
2. VHF ඩිරෙක්‍ෂන් ෆයින්ඩර්ස් 3ක ටෙන්ඩරය ලබාදීම.

ජෙනරාල් යුද අධිකරණයට -චෝදනා 7ක් යටතේ නඩු විභාග මේ මස 16 - 17 දිනවල- ත්‍රිපුද්ගල විනිසුරු මඬුල්ලේ සභාපති මේජර් ජනරාල් වීරතුංග

2010-03-12T04:08:00.001+05:30

ප්‍රාර්ථනා වීරසිංහ-දිනමිණ

විශ්‍රාමික ජෙනරාල් සරත් ෆොන්සේකා මහතාට එරෙහිව යුද්ධ හමුදා පනත යටතේ ඉදිරිපත් කර ඇති චෝදනා හතක් විභාග කිරීම සඳහා යුද්ධාධිකරණ දෙකක් පත් කැර තිබේ.සේනාධිනායක වශයෙන් ජනාධිපති මහින්ද රාජපක්‍ෂ මහතා විසින් පත් කරනු ලැබ ඇති මේ යුද්ධාධිකරණ දෙකේ විනිසුරු මණ්ඩල සභාපති ලෙස මේජර් ජෙනරාල් එච්. එල්. වීරතුංග සහ සාමාජිකයන් ලෙස මේජර් ජෙනරාල් ඒ. එල්. ආර්. විජේතුංග හා මේජර් ජෙනරාල් ඩී. ආර්. ඒ. පී. ජයතිලක යන මහත්වරු නම් කරනු ලැබ සිටිති.මේ යුද්ධාධිකරණ දෙක හමුවේ සරත් ෆොන්සේකා මහතාට එරෙහිව ඉදිරිපත් කරන චෝදනා විභාග කිරීම මේ ත්‍රි. පුද්ගල විනිසුරු මඩුල්ල හමුවේ මේ මස 16 හා 17 දෙදින ආරම්භ කෙරේ. නාවික හමුදා මූලස්ථානයේ දී මේ යුද්ධාධිකරණය රැස්වේ.

රියර් අද්මිරාල් ඩබ්ලිව්. ජේ. එස්. ප්‍රනාන්දු මහතා මේ යුද්ධාධිකරණ දෙකේ විනිසුරු අධිනීතිඥවරයා ලෙස කටයුතු කරයි.විශ්‍රාමික ජෙනරාල් ෆොන්සේකා මහතාට එරෙහිව ගොනු කළ සාක්කි සම්පිණ්ඩන වාර්තාව යුද හමුදාපති ලුතිනන් ජෙනරාල් ජගත් ජයසූරිය මහතා, ජනාධිපති මහින්ද රාජපක්‍ෂ මහතා වෙත භාරදීමෙන් පසු යුද්ධාධිකරණය සඳහා විනිසුරු මඬුල්ල පත් කළ බව යුද හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ මහතා ඊයේ (11) පැවැසීය.
විමර්ශනයේදී චෝදනා 7ක් ෆොන්සේකා මහතාට එරෙහිව ඉදිරිපත් වී ඇත. ඒවා කොටස් දෙකක් යටතේ යුද්ධාධිකරණ දෙකක් හමුවේ වෙන වෙනම විභාග කෙරේ. එහි පළමු කොටසට විශ්‍රාමික ජෙනරාල්වරයා ‘ සක්‍රීය සේවයේ යෙදී සිටියදී දේශපාලන කටයුතු වල නිරත වීම” ට අදාළව චෝදනා 3ක් යුද හමුදා පනතේ 124හා 102 (1) වන වගන්ති යටතේ විභාග කෙරේ.
එහි දෙවැනි කොටසට, විශ්‍රාමික ජෙනරාල්වරයා යුද හමුදාවේ භාණ්ඩ මිලදී ගැනීම්වලට අදාළව ප්‍රසම්පාදන කටයුතුවලදී නීතිරීතිවලට පටහැනිව කටයුතු කිරීම අයත් චෝදනා 4ක් යුද හමුදා පනතේ 109 (ඡ් ) වන වගන්තිය යටතේ විභාග කෙරේ.
මේ යුද්ධාධිකරණ දෙකේ විනිශ්චය කටයුතු සඳහා පත් කර ඇති විනිසුරු මඬුල්ලට අමතරව තවත් ජ්‍යෙෂ්ඨ හමුදා නිලධාරින් සිව් දෙනකු අතිරේක වශයෙන් නම් කර ඇති බවත් ඔවුන් කවුරුන් දැයි හෙළි කිරීමට නොහැකි බවත් කී හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ මහතා පත් කර ඇති විනිසුරු මණ්ඩලයේ සාමාජිකයකු ඉවත් වුවහොත් අතිරේකව නම් කළ නිලධාරීන් පත් කිරීම සම්ප්‍රදාය බව කීය.
යුද්ධාධිකරණයේ දී නඩු විභාග කෙරෙන අවස්ථාව සම්පූර්ණයෙන්ම විඩියෝ ගත කිරීම හා සාක්කි පටිගත කෙරෙන බව මාධ්‍ය ප්‍රකාශකවරයා කීය.යුද්ධාධිකරණය ක්‍රියාත්මක වන අතරතුරදී, විශ්‍රාමික ජනරාල්වරයා දැනට රඳවා සිටින ස්ථානයේ කිසිඳු වෙනසක් සිදු නොකරන අතර ඔහු සම්බන්ධයෙන් මෙතෙක් සපයන පහසුකම් සියල්ල ලබා දෙන බවද හෙතෙම පැවසීය.
ජාතික ආරක්‍ෂාව පිළිබඳ මාධ්‍ය මධ්‍යස්ථානයේ ඊයේ පැවැති මාධ්‍ය හමුවේදී හමුදා ප්‍රකාශකවරයා මේ අදහස් පළ කෙළේය.

වැරැදුණු කුරුමානම

2010-03-09T04:37:00.001+05:30

කීර්ති දුනුවිල-දිනමිණ
දේශීය කුමන්ත්‍රණ, අධිරාජ්‍යවාදී කුමන්ත්‍රණ, දේශද්‍රෝහී කුමන්ත්‍රණ එකී නොකී විවිධාකාර කුමන්ත්‍රණ කතා අපට පසුගිය ජනාධිපතිවරණ වේදිකාවේ අසන්නට, දකින්නට ලැබුණි. සමහරු මේ කතාවලට හිනා විය. තවත් සමහරු ඒවා ගැඹුරින් සිතන්නට විය. ඇත්තටම ශ්‍රී ලංකාවට එරෙහිව කුමන්ත්‍රණ තිබේද ? තිබේ නම් ඒවා මොනවාදයන්න රටේ සාමාන්‍ය ජනතාවට ප්‍රශ්නයක් විය.අපගේ මතය නම් පසුගිය ජනාධිපතිවරණයේදී එකී මෙකී නොකී කුමන්ත්‍රණ රාශියක් ක්‍රියාත්මක වූ බවයි. ඒවා විවිධාකාරයෙන් ලාංකේය භූමිය තුළ ක්‍රියාත්මක කරන්නට අධිරාජ්‍යවාදීන් උත්සහ ගත්තේය. වැඩිදෙනෙකු කුමන්ත්‍රණ කී පමණින් සිතා සිටින්නේ අවි ආයුධ ගෙන මිනිසුන් ඝාතනය කිරීම නැතිනම් වස විස පානය කරන්නට දී ජීවිත විනාශ කිරීම යනාදී දේ එහෙත් ඒවා යල්පැනගිය, අතිශය ප්‍රාථමික කුමන්ත්‍රණයන් ය.

රටක් දුර්වල කිරීමට, රටක් බේද, කිරීමට හා ජාතියක් විනාශ කිරීමට ජාත්‍යන්තරව කරන කුමන්ත්‍රණවල හැඩතල ඊට හාත්පසින්ම වෙනස් ස්වභාවයක් ගනී. එය විටෙක රළුය. තවත් විටෙක ඉතා සංවේදී ය. විටෙක ණයට දෙයි. තවත් විටෙක ආධාර දෙයි. එනිසාම මෙකී කුමන්ත්‍රණ ඉතා හොඳින් තේරුම් ගනිමින් කළමනාකරණය කරගත යුතුයි.
විශේෂයෙන් ම බටහිර ප්‍රමුඛ අධිරාජ්‍යවාදීන් සහ යටත් විජිතකරණයේ පියවරුන් උත්සහ ගන්නේ තුන්වැනි ලෝකයේ අප වැනිම රටවල් නිරන්තරයෙන් සූරා කෑමට බව ඉතා පැහැදිළිය. සමහර දේශපාලන නායකයන් එය නොදුටුවන් සේ සිටිනවා. පමණක් නොව තම දේශපාලන අනුගාමිකයන්ට ද එවැන්නක් සිදු නොවන බවට අවධාරණය කරන්නට උත්සාහ ගනිමින් සිටි තවත් දේශපාලඥයන් තමන්ගේ අවස්ථාවාදී දේශපාලන වුවමනා වෙනුවෙන් මෙවැනි දේ දකිමින් නොදැක්කා සේ ඉන්නට කටයුතු කරති. එය ඉතා භයානක තත්ත්වයකි.
අපට දේශපාලනය කරන්නට රටක් ජාතියක් ඉතිරි කර ගත යුතුය. අනාගත පරපුරක් උදෙසා යහපත් සංස්කෘතික පරිසරයක් නිර්මාණය කිරීමේ වගකීම කිසිදු දේශපාලන නායකයකුට තම උර හිස මතින් පහත හෙළිය නොහැකි ය. තිස් වසරක් පුරා පැවැති කුරිරු ත්‍රස්තවාදය සම්පූර්ණයෙන් නිමාකොට ජනාධිපති මහින්ද රාජපක්ෂ මැතිතුමා ජාතිය විෂකුරු ත්‍රස්තවාදයෙන් මුදාගත්තේය.
මේ රටේ විවිධාකාරයේ රාජ්‍ය නායකයන් පහළ විය. එහෙත් කොන්ද කෙළින් තබාගෙන තීරණගත හැකි රාජ්‍ය නායකයන් බිහි වූයේ නැති තරම් ය. ජනතා විමුක්ති පෙරමුණ අද දේශපාලන පක්ෂයකට වඩා පුද්ගල රංචු ගැසීමක් ලෙස නිර්වචනය කළ හැකි ය. ඉදිරි මහ මැතිවරණයේදී ජනතාව විසින් එය ඉතා නිවැරැදිව තහවුරු කරනු ඇතැයි අපේ විශ්වාසයයි. රනිල් වික්‍රමසිංහ මහතා 1994 දී සිදුවූ පරාජයේ සිට මේ දක්වා පක්ෂය ප්‍රතිසංවිධානය කළේය. ඉදිරි මහ මැතිවරණ පරාජයෙන් පසුවද එතුමා විපක්ෂ නායකයා වශයෙන් දිගටම පක්ෂය ප්‍රතිසංවිධානය කරනු ඇත.
විරුද්ධ පාක්ෂික නායකයන් මේ දිනවල වේදිකා මත නැග ආණ්ඩුවට අවලාද නගයි. පට්ටපල් බොරු ප්‍රවාද මවා ජනතාව රැවටීමට උත්සහ ගනී.
මහින්ද රාජපක්ෂ ජනාධිපති තුමා වැනි දේශීයත්වයට ගරුකරන සිංහල බෞද්ධ නායකයකුගෙන් එය කෙසේවත් කරගත නොහැකිය. එසේ නම් ඔවුන් වෙනත් විකල්ප සඳහා වහ වහා මාරු විය යුතුය. පසුගිය ජනාධිපතිවරණයේදී අධිරාජ්‍යවාදීන් ඔවුන්ගේ සාම්ප්‍රදායික දේශීය නියෝජිතයා වූ රනිල් වික්‍රමසිංහ මහතා මදකට පස්සට ගෙන අලුත් ඒජන්තයකු එව්වේය. ඒ හිටපු ජනරාල් සරත් ෆොන්සේකා මහතාය.
එහෙත් ඔහු පළමු වටයෙන්ම සිය කොළය ඉරාගත්තේය. නොදන්නා දෙමලෙට ගොස් වරිගයා නසා ගත්තේය. අනුන්ගේ පව් කරගසන්නට ගොස්, වරද්දාගෙන දැන් කල්පනා කරමින් සිටී.
එබැවින් කුමන්ත්‍රණ පරාජය කොට ජාත්‍යන්තර සබඳතාවයන් ඉතා මැනවින් කළමනාකරණය කරමින්. ජාතිය ඉදිරියට ගෙනයාම සඳහා වඩා ශක්තිමත් ආණ්ඩුවක් පිහිටුවා ගැනීමට අප ඉදිරි මැතිවරණය යොදාගත යුතුය.
ඉදිරියේදී පැවැත්වීමට නියමිත මහා මැතිවරණය ලාංකේය ජනයා ඉතා තීරණාත්මක ලෙස යොදා ගන්නේ නම් අපගේ මුල් පියවර ඉතා සාර්ථක වනු ඇත.ඒ පියවර ඔස්සේ තවත් පියවර දහස් ගණනක් අපට ඇවිද යා හැකිය. ලාංකේය ජනයා ඉදිරි මහ මැතිවරණය, රට ගැන, ජාතිය ගැන තීන්දුවක් ගන්නා මැතිවරණයක් බවට පත් කරගත යුතුය.
තමාගේ ගමේ කමට, වතුර බටය දමා ගැනීමේ උවමනාවට, පාරට කොන්ක්‍රීට් දැමූ පලියට කවුරුන් හෝ තම වටිනා ඡන්දයෙන් පත්කොට එවනවා වෙනුවට, පසුගිය ජනාධිපතිවරණයේදී අධිරාජ්‍යවාදී කුමන්ත්‍රණ කරුවන් පැරැදවීමට අවස්ථාවාදී දේශපාලන සන්ධාන පැරැදවීමට තිස්වසරක විෂකුරු ත්‍රස්තවාදය රටින් තුරන් කළ ජාතියේ නායකයාගේ ජය තහවුරු කිරීමට හා මවු බිම දිනවීමට දිවි හිමියෙන් කැපවුණු මහජන නියෝජිතයන් පාර්ලිමේන්තුවට තෝරා එවීමට පියවර ගත යුතුය. එසේ නොවුණහොත් අධිරාජ්‍යවාදී කල්ලිය හා ඔවුන්ගේ දේශීය වන්දි බට්ටයන් නැවත මේ මාතෘභූ®මියට සතුරුකම් කරන්නට කෙළ හළනු ඇත.
පක්ෂ කොඩිය වෙනුවට සියලු ලාංකේය ජනයා වෙත ජාතික කොඩිය අතට ගෙන, මේ බිමේ උරුමය රකින්නට අපට කියා දුන් ජාතික නායකත්වය ඉදිරි මැතිවරණයේදී ශක්තිමත් කළ යුතුය. එතුමන්ට පාර්ලිමේන්තුව තුළ 2/3ක බලයක් ලබා දී, ශක්තිමත් රටක් ගොඩ නැගීමට අප ජාතියක් ලෙස කැපවිය යුතුය. කුමන්ත්‍රණ කරුවන් පැරැදවිය හැක්කේ එවිට ය.

චෝදනා පහක්‌ යටතේ ජෙනරාල් ඉදිරි සතියේ යුද අධිකරණය හමුවට-යුද හමුදා මාධ්‍ය ප්‍රකාශක කියයි

2010-03-09T04:22:00.001+05:30

චමින්ද සිල්වා-දිවයින

හිටපු යුද හමුදාපති හා ආරක්‍ෂක මාණ්‌ඩලික ප්‍රධානී ජෙනරාල් සරත් ෆොන්සේකා මහතා චෝදනා පහක්‌ යටතේ ඉදිරි සතිය ඇතුළත යුද අධිකරණයක්‌ හමුවට ඉදිරිපත් කිරීමට නියමිතය.
ඒ මහතාට එරෙහිව පුද්ගලයන් තිස්‌පස්‌දෙනකුගෙන් සාක්‍ෂි සම්පිණ්‌ඩන වාර්තාවක්‌ යුද හමුදාපතිවරයා වෙත ලැබී ඇතැයි ද එම වාර්තාව යුද හමුදා නීති අංශය වෙත මේ වන විට යොමුකර හමුදා පනත යටතේ කටයුතු කිරීම සිදුකරන බව ද ඊයේ (08 වැනිදා) ආරක්‍ෂක මාධ්‍ය මධ්‍යස්‌ථානයේ පැවැති මාධ්‍ය හමුවකට සහභාගි වෙමින් යුද හමුදා මාධ්‍ය ප්‍රකාශක මේජර් ජෙනරාල් ප්‍රසාද් සමරසිංහ මහතා පැවැසීය.හිටපු ආරක්‍ෂක මාණ්‌ඩලික ප්‍රධානී ජෙනරාල් ෆොන්සේකා මහතාට එරෙහිව සාක්‍ෂි ගොනුකළ පිරිස්‌ අතර හමුදා නිලධාරීන් 22 දෙනකු, පොලිස්‌ නිලධාරීන් 07 දෙනකු සහ සිවිල් පුද්ගලයන් 06 දෙනකු සිටින බව ද සමරසිංහ මහතා කීය.

යුද අධිකරණය වෙත නිලධාරීන් තිදෙනකු හෝ පස්‌දෙනකු ඉදිරි දින දෙක ඇතුළත පත්කිරීමට නියමිත බව පැවැසූ සමරසිංහ මහතා ජනාධිපතිවරයා විසින් හමුදාපතිවරයාට ලබාදෙන උපදෙස්‌ මත එය සිදුකෙරෙන බව ද පැවැසීය. අවශ්‍ය නම් ජනාධිපතිවරයාට එම පිරිස පත්කිරීමේ හැකියාව පවතින අතර ත්‍රිවිධ හමුදාව හෝ යුද හමුදාව පමණක්‌ නියෝජනය විය යුතුද යන්න තීරණය කළ හැක.
ෆොන්සේකා මහතාට එරෙහිව යුද හමුදා අධිකරණය හමුවේදී ඔහු වෙනුවෙන් පෙනී සිටීමට නීතිඥ මහත්වරුන්ට අවස්‌ථාව ලැබෙන අතර ලබාදෙන තීන්දුවට එරෙහිව අභියාචනාධිකරණයට හොA ශ්‍රේෂ්ඨාධිකරණයට යැමේ හැකියාව එතුමාට පවතින බව ද මාධ්‍ය ප්‍රකාශකවරයා පෙන්වා දුන්නේය. එමෙන්ම ඒ මහතාට එරෙහිව සිවිල් අධිකරණයක්‌ හමුවේ චෝදනා ගොනුකිරීමක්‌ නොකෙරෙන බව ද කීය.

ධනුනගේ මවට රු.කෝටි 7.5 ක්‌ බාරදුන් බව කියන "සෝලිස්‌" හිමිකරු ඇල්ලීමට වරෙන්තු නිකුත් කරයි

2010-03-06T03:36:00.001+05:30

අජිත් අලහකෝන්-දිවයින
යුද හමුදා වෙන්දේසියකින් මිලට ගත් ඩිෆෙන්ඩර් රථයකින් ගොස්‌ ධනුන තිලකරත්න මහතාගේ මවට රුපියල් කෝටි 7.5 ක මුදලක්‌ භාර දුන්නේ යෑයි කියන සෝලිස්‌ උත්සව ශාලාවේ හිමිකරු ජාත්‍යන්තර පොලිසියේ සහාය ඇතිව අත්අඩංගුවට ගැනීම සඳහා ගල්කිස්‌ස ප්‍රධාන මහෙස්‌ත්‍රාත් සහ අතිරේක දිසා විනිසුරු හර්ෂ සේතුංග මහතා ඊයේ (05 දා) වරෙන්තුවක්‌ නිකුත් කළේය.රහස්‌ පොලිසියේ ඉල්ලීම මත මෙම ඩිෆෙන්ඩර් රථය මුදා නොහැරීමටත් එය අධිකරණය භාරයේ රඳවා තබා ගැනීමටත් මහෙස්‌ත්‍රාත්වරයා නියෝග කළේය. රුපියල් කෝටි 7.5 ක්‌ වටිනා දෙස්‌ විදෙස්‌ මුදල් සම්පත් බැංකුවේ තිඹිරිගස්‌යාය ශාඛාවේ ආරක්‍ෂිත සේප්පු හතරක තිබී රහස්‌ පොලිසිය විසින් පසුගියදා සොයාගනු ලැබිණි. මුදල් විශුද්ධිකරණ පනත යටතේ රහස්‌ පොලිස්‌ නිලධාරීන් විසින් මේ සම්බන්ධව ජෙනරාල් සරත් ෆොන්සේකා මහතාගේ බෑණා වන ධනුන තිලකරත්නගේ මව අශෝකා තිලකරත්න මහත්මිය අත්අඩංගුවට ගෙන පසුගිය 16 දා ගල්කිස්‌ස ප්‍රධාන මහෙස්‌ත්‍රාත්වරයා වෙත ඉදිරිපත් කරන ලදුව රුපියල් කෝටි දෙකක්‌ වටිනා ඇප මත මුදා හරිනු ලැබීය. මෙම නඩුව ඊයේ (05 දා) නැවත ගල්කිස්‌ස මහෙස්‌ත්‍රාත් අධිකරණය හමුවේ කැඳවූ අවස්‌ථාවේ දී රහස්‌ පොලිසිය මහෙස්‌ත්‍රාත්වරයා වෙත වැඩිදුර වාර්තාවක්‌ ඔස්‌සේ මෙතෙක්‌ සිදුකළ පරීක්‍ෂණයන්හි ප්‍රගතිය ඉදිරිපත් කළේය.

මෙම සිද්ධියේදී අශෝකා තිලකරත්න මහත්මියට මුදල් ගෙනැවිත් දුන් ඩිෆෙන්ඩර් රථය සොයාගත් බව ද එහි අංකය කේ. කේ. 2829 බව ද අධිකරණය හමුවේ සඳහන් කළ රහස්‌ පොලිසිය වැඩිදුර පරීක්‍ෂණවලදී මෙම ඩිෆෙන්ඩර් රථයෙන් මුදල් ගෙනගිය පුද්ගලයා හඳුනාගෙන ඇති බව ද පැවැසීය. රාජගිරිය පරණ නාවල පාරේ පදිංචි පී. එල්. දොන් සංජීව කුමාර නමැති මෙම පුද්ගලයා නාවල සෝලිස්‌ උත්සව ශාලාවේ අයිතිකරු බව ද ඔහු අත්අඩංගුවට ගැනීමට පෙර එනම් පසුගිය 17 වැනිදා රටහැර පලාගොස්‌ ඇතැයි ද කීය.
අදාළ ඩිෆෙන්ඩර් රථය යුද හමුදා වෙන්දේසියකින් ලබාගෙන ඇතැයි ද එකී වෙන්දේසියෙන් මෙය මිලට ගැනීමේදී යම් අක්‍රමිකතාවක්‌ සිදුකර ව්‍යාජ ලියවිලි ඉදිරිපත්කර ලබාගෙන ඇත්ද යන්න පිළිබඳ පරීක්‍ෂණ පවත්වන්නේ යෑයි ද රහස්‌ පොලිසියේ පොලිස්‌ පරීක්‍ෂක රොෂාන් මස්‌ඉඹුල මහතා අධිකරණය හමුවේ සඳහන් කළේය.
සම්පත් බැංකුවේ සේප්පු හතරක තිබී සොයාගත් රුපියල් කෝටි 7.5 ට අමතරව අශෝකා තිලකරත්න මහත්මිය සතු තවත් බැංකු ගිණුම් නවයක්‌ සොයාගෙන ඇතැයි ද ඊට අමතරව ධනුන තිලකරත්න සතු බැංකු ගිණුම් අටක්‌, ඔවුන්ගේ ඥතීන් වන සේපාලිකා ගල්හේන නමැත්තිය සතු බැංකු ගිණුම් හතරක්‌ සහ ඉසර ජයවර්ධන නමැත්තා සතු බැංකු ගිණුම් හතක්‌ ද සොයාගෙන ඇතැයි රහස්‌ පොලිසිය සඳහන් කර සිටියේය.
මෙම බැංකු ගිණුම්වල ද රුපියල් කෝටි හයකට ආසන්න මුදලක්‌ තිබූ බව ද අධිකරණ නියෝගයක්‌ මත එකී ගිණුම් ද තහනම් කළේ යෑයි තවදුරටත් සඳහන් කළ රහස්‌ පොලිසිය සිද්ධිය සම්බන්ධව තිඹිරිගස්‌යාය සම්පත් බැංකුවේ කළමනාකරුගෙන් ප්‍රකාශයක්‌ සටහන් කරගත් බව ද සඳහන් කළේය.
එම බැංකුවේ CCTV (ආරක්‍ෂිත) කැමරා මගින් ලබාගත් දර්ශන ඔස්‌සේ වැඩිදුර පරීක්‍ෂණ සිදු කෙරෙන බව ද රහස්‌ පොලිසියේ මූල්‍ය වංචා විමර්ශන ඒකකයේ ස්‌ථානාධිපති පොලිස්‌ පරීක්‍ෂක රොෂාන් මස්‌ඉඹුල මහතා වැඩිදුරටත් පැවැසීය.
ඩිෆෙන්ඩර් රථය මිලදී ගැනීමට අදාළ පරීක්‍ෂණ සඳහා වෙන්දේසියේදී හුවමාරු වූ ලියවිලි ලබාදෙන ලෙස යුද හමුදාවෙන් ඉල්ලීමක්‌ කර ඇතැයි ද කී මස්‌ඉඹුල මහතා එකී ලියවිලි මෙතෙක්‌ ලැබී නැතැයි ද එම නිසා අදාළ ඩිෆෙන්ඩර් රථය මුදා නොහරින ලෙසද අධිකරණයෙන් ඉල්ලා සිටියේය.

ධනුනගේ තවත් ගිණුම් අටක තොරතුරු රහස් පොලිසියට වහාම ඒවා ලබාදෙන්නැයි බැංකු දෙකකට උසාවි නියෝග

2010-03-05T03:40:00.001+05:30

කුමුදු හෙට්ටිආරච්චි-දිනමිණ
‘හයිකෝප්’ සිද්ධියේ සැකකරුවකු වන ධනුන තිලකරත්න, රාජ්‍ය හා පෞද්ගලික බැංකු දෙකක පවත්වාගෙන යන තවත් ගිණුම් අටක විස්තර රහස් පොලිස් නිලධාරීන්ට ලබාදෙන ලෙස කොළඹ කොටුව මහේස්ත්‍රාත් ලංකා ජයරත්න මෙනෙවිය එම බැංකු කළමනාකරුවන්ට ඊයේ (4) නියෝග කළාය. රහස් පොලිසියේ මූල්‍ය අංශය ධනුන තිලකරත්නගේ ජාතික හැඳුනුම්පත් අංකය ඔස්සේ සිදුකළ විමර්ශනයකින් පසු සැකකරුට අයත් මේ බැංකු ගිණුම් අට සම්බන්ධයෙන් තොරතුරු අනාවරණය කැරගත් බව ද රහස් පොලිසිය ඊයේ (4) අධිකරණයට වැඩිදුරටත් දන්වා සිටියේ ය.මේ ජාතික හැඳුනුම්පත් අංකය මේ සිද්ධියේ දෙවැනි සැකකරු වන ධනුන තිලකරත්නගේ ම බවට නිශ්චිත දැයි මහේස්ත්‍රාත්වරිය නැඟූ ප්‍රශ්නයකට පිළිතුරු දෙමින් රහස් පොලිසිය පවසා සිටියේ එම හැඳුනුම්පත් අංකය ධනුන තිලකරත්නගේ බවට පරීක්ෂණ නිලධාරීන් තහවුරු කැරගෙන ඇති බව ය. සැකකාර ධනුන තිලකරත්නගේ ජාතික හැඳුනුම්පත් අංකය ඔස්සේ කොළඹ හොංකොං ඇන්ඩ් ෂැංහයි බැංකුවේ ගිණුම් අංක 015018906001, 015018906025, 015018906040, 015018906120 සහ ලංකා බැංකු මූලස්ථානයේ එස්.එෆ්. අයි. ඩී. ඒ. අංක 9279592, 9339965, 9751422 සහ අනේවාසික ගිණුම් අංක 9751664 සඳහන් ගිණුම් පවත්වාගෙන යන බවට අනාවරණය වී ඇතැයි ද රහස් පොලිසිය මහේස්ත්‍රාත්වරයාට දන්වා සිටියේය. සැකකාර ධනුන තිලකරත්න පවත්වාගෙන යන මේ ගිණුම්වලට අදාළව ලැබී ඇති මුදල් “හයිකෝප්” වංචාවෙන් ලබාගන්නා ලද මුදල් ද යන්න සම්බන්ධව පරීක්‍ෂණ පැවැත්විය යුතුව ඇතැයි ද රහස් පොලිසිය ඊයේ අධිකරණයට දන්වා සිටියේය.

මේ ගිණුම්වල ආරම්භයේ සිට බැංකු ගිණුමේ මුදල් තැන්පත් කිරීම් හා ආපසු ලබාගැනීම්වලට අදාළ විස්තර සහ ඒ පිළිබඳ බැංකු වාර්තා හා ප්‍රකාශයන් ද ධනුන තිලකරත්න විසින් මේ බැංකු දෙකෙහි වෙනත් ගිණුම් පවත්වාගෙන යන්නේ ද පිළිබඳ තොරතුරු එම බැංකු මගින් ලබාගැනීමට අවශ්‍යව ඇතැයි රහස් පොලිසිය ඊයේ අධිකරණයට දන්වා සිටියේය.
කරුණු සලකා බැලූ මහේස්ත්‍රාත්වරිය අදාළ විස්තර පරීක්‍ෂණ පවත්වන රහස් පොලිස් නිලධාරීන් වෙත ලබා දෙන ලෙසට ඉහත බැංකු දෙකෙහි කළමනාකරුවනට ඊයේ නියෝග කළාය. “හයිකෝප් ප්‍රයිවට් ලිමිටඩ්” ආයතනය යුද හමුදාව වෙත ව්‍යාජ ලේඛන ඉදිරිපත් කැර ප්‍රශ්නගත ටෙන්ඩර් හතරක් ලබාගනිමින් අමෙරිකානු ඩොලර් 2,99,061.25 ක් වංචා කැර ඇති බව පවසයි.
මේ මුදල් යුද හමුදාව මගින් ලංකා බැංකුව හරහා අමෙරිකාවේ පිහිටි “බෑන්ක් ඔෆ් ඇමෙරිකා” හි “බ්‍රිටිෂ් බෝර්නියෝ ඩිෆෙන්ස්” නමැති ගිණුමට බැර වී ඇති බවත් එම ගිණුම ධනුන තිලකරත්නට අයත් බවත් අනාවරණය වී ඇතැයි රහස් පොලිසිය පවසයි. ව්‍යාජ ලේඛන යුද හමුදාවට ඉදිරිපත් කැර මුදල් ලබාගැනීමට අදාළව සැකකාර ධනුන තිලකරත්න දැනට අධිකරණය හා පොලිසිය මඟහරිමින් සැඟව සිටින බව ඊයේ අධිකරණයට පවසා සිටි රහස් පොලිසිය ඉහත වංචාවට අදාළ මුදල සැකකාර ධනුන තිලකරත්නට ලැබී ඇද්ද යන්න සම්බන්ධව පරීක්‍ෂණ සිදුකරන බව ද පැවසීය.
මේ සිද්ධිය සම්බන්ධව සිදුකරන පරීක්‍ෂණ කඩිනම් කරන ලෙසත්, පරීක්‍ෂණ සඳහා අවශ්‍ය නියෝග වෙතොත් ප්‍රමාදයකින් තොරව එම නියෝගයන් අධිකරණයෙන් ලබාගන්නා ලෙසටත් මහේස්ත්‍රාත්වරිය රහස් පොලිසියට ඊයේ දන්වා සිටියාය.

ජෙනරාල්ගේ ලේකම් බෙල්ජියමට ඕනෑ "වහාම බ්‍රසල්ස්‌ නුවරට පිටුවහල් කරන්න"

2010-03-02T03:16:00.000+05:30

කීර්ති වර්ණකුලසූරිය-දිවයින

ජෙනරාල් සරත් ෆොන්සේකා මහතාගේ ලේකම් ලෙස ක්‍රියාකළ කපිතන් ෂාන් සිල්වා බෙල්ජියානු අධිකරණයට අවශ්‍ය අයකු නිසා ඔහු වහාම බ්‍රසල්ස්‌ නුවරට පිටුවහල් කරන්නැයි බෙල්ජියානු ජාත්‍යන්තර පොලිස්‌ ශාඛාව ශ්‍රී ලංකා පොලිසියෙන් ඉල්ලා ඇත.
බෙල්ජියමේ බැංකු ගිණුමක්‌ වංචා කිරීමේ සිද්ධියට සම්බන්ධව කපිතන් ෂාන් සිල්වාට වසර දෙකක සිර දඬුවමක්‌ නියමවී තිබියදී ඔහු පැනගොස්‌ තිබේ.බෙල්ජියානු පොලිසිය ඔහු සොයා ගැනීමට දැරූ උත්සාහයන් අසාර්ථක වී ඇත.

එහෙත් මෑතකදී කපිතන් ෂාන් සිල්වාගේ ඡායාරූපය අන්තර්ජාලයේ පළවෙත්ම බෙල්ජියානු ජාත්‍යන්තර පොලිසිය ඔහු තමන්ට අවශ්‍ය කරන තැනැත්තා යෑයි හඳුනාගෙන තිබේ.
බෙල්ජියම සහ ශ්‍රී ලංකාව අතර සැකකරුවන් පිටුවහල් කිරීමේ ගිවිසුමක්‌ නොමැති නිසා රජය මේ බෙල්ජියානු ඉල්ලීම නීතිපතිවෙත යොමුකර ඇත.
මේ අතර කපිතන් ෂාන් සිල්වා මංකොල්ලකෑමක්‌ සම්බන්ධයෙන් වසර 3 1/2 ක්‌ වැලිකඩ සිරගෙදර සිටි බවට ද යුද හමුදා බලධාරීන් සොයාගෙන තිබේ.
මෙම චෝදනාව මත ඔහු හමුදා සේවාවෙන් ඉවත් කර ඇත.

ලසන්ත වික්‍රමතුංග ඝාතනය ගැන හමුදා බුද්ධි අංශ සෙබළු 58 කගෙන් ප්‍රශ්න කරයි! රහසිගත දුරකථන අංක 5 ක්‌ ද සොයාගනී

2010-03-02T03:14:00.000+05:30

හේමන්ත රන්දුණු-දිවයින

සන්ඩේ ලීඩර් පුවත්පතේ හිටපු ප්‍රධාන කර්තෘ ලසන්ත වික්‍රමතුංග මහතාට වෙඩි තබා ඝාතනය කිරීමේ සිද්ධිය සම්බන්ධයෙන් යුද හමුදා බුද්ධි අංශයේ සෙබළුන් 58 දෙනකුගෙන් ප්‍රශ්න කිරීමට නියමිතව ඇති බව ත්‍රස්‌තවාදී විමර්ශන අංශ ආරංචි මාර්ග පවසයි.මෙම සෙබළු සියලු දෙනා මේ වන විට ඔවුන් රාජකාරි කරන හමුදා කඳවුරුවල රඳවා සිටින අතර ඉදිරි දිනවලදී ඔවුන්ගෙන් ප්‍රශ්න කිරීමට නියමිතව ඇත.

යුද හමුදා බුද්ධි අංශය භාරව සිටි මේජර් ජනරාල්වරයකු මේ වන විට ත්‍රස්‌තවාදී විමර්ශන අංශය භාරයේ සිsටින අතර ලසන්ත වික්‍රමතුංග මහතා ඝාතනය කිරීමේ සිද්ධිය සම්බන්ධයෙන් ඔහුගෙන් දීර්ඝ ලෙස ප්‍රශ්න කරගෙන යන බව පොලිස්‌ ආරංචි මාර්ග කියා සිටියි.
ප්‍රශ්න කිරීමට නියමිතව සිටින හමුදා බුද්ධි අංශ සෙබළුන් සියලු දෙනා මෙම මේජර් ජෙනරාල්වරයා යටතේ රාජකාරි කළ සෙබළුන්ය.
මේ අතර මෙම ඝාතනය සිදු කළ සංවිධානාත්මක කණ්‌ඩායම භාවිත කළ බවට සැකකරන රහසිගත ජංගම දුරකථන අංක 5 ක්‌ රහස්‌ පොලිසිය මගින් සොයාගත් අතර ඒ සම්බන්ධයෙන් ද දීර්ඝ ලෙස විමර්ශන කරගෙන යයි.
දැනට හෙළිවී ඇති තෙරතුරුවලට අනුව මෙම රහසිගත දුරකථන අංකවල සිම් කාඩ් පත් ලබාගෙන ඇත්තේ පිටකොටුව ප්‍රදේශයේ වෙළෙඳසලකිනි. එම සිම් කාඩ්පත් නිකුත් කර ඇත්තේ නුවරඑළියේ දෙමළ ජාතිකයකුට බව හෙළිකරගත් රහස්‌ පොලිසිය එම දෙමළ ජාතිකයාගෙන් ප්‍රශ්න කර තිබිණි.
එහිදී හෙළිවී ඇත්තේ එම දෙමළ ජාතිකයාගේ ජාතික හැඳුනුම්පත අස්‌ථානගත වී ඇති බවත් එම හැඳුනුම්පත යොදාගෙන මෙම ජංගම දුරකථන සිම් කාඩ්පත් ලබාගෙන ඇති බවත්ය.
වික්‍රමතුංග මහතා ඝාතනයට ලක්‌වන තුරුම මෙම දුරකථන අංක ක්‍රියාත්මක වී ඇති අතර ඝාතනයෙන් පසුව මේ වනතුරු ඒවා කිසිවකු විසින් පාවිච්චි කර නැති බව ද පරීක්‍ෂණවලදී අනාවරණය වී තිබේ.

මහා මැතිවරණය හා මෙරට ජනතා ප්‍රශ්න

2010-02-25T03:41:00.000+05:30

චන්ද්‍රසේන පණ්ඩිතගේ විසිනි.
මෙරට ජනතාව ප්‍රශ්න ගනනාවකට මැදිව සිටී. දේශපාලකයින්ට පමණක් විසදිය හැකි ප්‍රශ්න හා ජනතාව විසදිය යුතු, නමුත් දේශපාලකයින් මත පටවා ඇති ප්‍රශ්න කන්දරාවක්ද මෙරට තුල ඔඩුදුවමින් පවතී. මහා මැතිවරණයකට අවතීර්ණව සිටින මේ වකවානුවේදී අප මුහුණ දෙන බරපතල ප්‍රශ්නයක් සම්බන්ධව සමාජයේ අවධානය යොමුකරවීම මෙම ලිපියේ අරමුණයි.තාක්ෂණික දියුණුව මිනිසාට හොද සමාජ තත්වයක් උරුම කිරීම සදහා පාදක කර ගතයුතු වුවද, ශ්‍රී ලංකාව තුලදී එය ශ්‍රී ලාංකිකයාට දෛනිකව විදවීමට උපකාර කරන මෙවලමක් බවට පත්ව තිබේ. මෙරට ජනතාව තමන්ගේම ගෙදරදීම, තමන්ගේ වියදමින් ගොඩනගා ගත් සමාජ පීඩක යන්ත්‍රය රූපවාහිනී යන්ත්‍රය බවට පත්ව ඇත. මෙම සමාජ පීඩක යන්ත්‍රය පෞද්ගලිකව මිනිසාත්, පොදුවේ සමාජයත් විනාශ කරන ආකාරය මෙරට ජීවත් වන අය සාකච්ඡාවට ගත යුතු ප්‍රබල මාතෘකාවකි.

රූපවාහිනී ප්‍රේක්ෂකයා අරමුණු කරගෙන රූපවාහීනී ආයතන රාශියක් මෙරට තුල බිහි කර ඇත. අරමුණ රූපවාහිනී ප්‍රේක්ෂකයා හා ඔහුට ඇවැසි දෑ ලබාදීම වුවද, ඔහුට ඇවැසි දෑ ලබා ගැනීමට මෙරට රූපවාහිනී ප්‍රේක්ෂකයා කරන අරගලය සැබෑ ලෙසම කනගාටුදායක කර්තව්‍යයකි.
මේ සම්බන්ධව ඉතා හොදින් සාකච්ඡා කල හැකි මධ්‍යස්ථානය Lankaweb යනු මාගේ විශ්වාශයයි. මෙම මධ්‍යස්ථානය හා බද්ධව සිටින බහුතරය විවිධ රටවල ජීවත්ව සිටින හා සිටිය ජනතාවයි. ඔවුන් තුල ඒ ඒ රටවල රූපවාහිනී නාලිකා ක්‍රියාකරන ආකාරය සම්බන්ධව මනා අවබෝධයක් ඇත. මේ සෑම දෙනාගේම මෙම විෂය සම්බන්ධව ඇති දැනුමේ සම්පිණ්ඩනය හා සසදමින් ශ්‍රී ලංකාවේ රූපවාහිනී ආයතන වල ක්‍රියාකාරිත්වය කෙසේදැයි බැලීම ඉතාම වටිනා කාර්යයකි.
උදාහරණයක් වශයෙන්දකුණු අප්‍රිකානු රූපවාහිනී නාලිකාවල ක්‍රියාකාරිත්වය සම්බන්ධව අවබෝධයක් ඇති අයෙක් මෙරට රූපවාහිනී නාලිකා මෙරට ප්‍රේක්ෂකයින්ට සලකන ආකාරය දැක කම්පාවට පත්වේ. ඒ කම්පාව අප තුලද තිබේ. එරට ක්‍රිකට් තරගාවලියක් නැරඹීමට රූපවාහිනී යන්ත්‍රය ඉදිරියේ වාඩිවෙන ප්‍රේක්ෂකයාට සම්පූර්ණම ක්‍රිකට් තරගා වලිය හා විස්තර ප්‍රචාරකයන්යේ සෑම වදනකටම සවන්දීමේ අවස්ථාව හිමිවේ. වෙළද දැන්වීම් ප්‍රචාරය කරනුයේ තරගයට පෙර හා බීම හා කෑම විවේකයන් හිදී පමණී. එරට ජනතාවට මුලු ක්‍රිකට් තරගයම වින්දනයක් ගෙන දෙද්දී, මෙරට ජනතාවට එම තරගය නරඹන කාල අන්තරය තුලදී, මානසිකව වද බන්ධන පමුණුවමින් මෙරට බහු ජාතික හා ස්වදේශික වෙලෙන්දා රෑපවාහිනී තිරය මත යකා නටන ආකාරයක් දිස්වේ. මුලු තරගා වලියේම බෝලයෙන් බෝලයට රූපවාහිනී තිරය මතට පැන මේ වෙලෙන්දා කරන විගඩම නවතාලීමට හැකි බලයක් ඇති බලයක් මෙරටට අවශ්‍යව ඇත.
රැකියාවට ගොස් ගෙදරට එන මිනිසුන්ට අවශ්‍යා කරන විවේකය හා වින්දනය වෙනුවට, වද බන්ධනය උරුම කිරීමට මෙරට රූපවාහිනී නාලිකා සෑදී පෑදී සිටී. ටෙලි නාට්‍යයකදී මෙන්ම ප්‍රවෘත්ති වැඩ සටහන් වලදී එම වැඩ සටහන හා බද්ධව සිටින ප්‍රේක්ෂකයිනගේ මනසට දෙන වද බන්ධනය අවබෝධ කර ගැනීමට හැකි පුද්ගලයකු මෙම කේෂත්‍රයේ ප්‍රබලයකු වීම ජනතා අවශ්‍යතාවයකි. මේ වන විට රූපවාහිනී නාලිකාව ඉදිරිපිට සිටින ප්‍රේක්ෂකයා මේ වෙලෙන්දාට විරෝධය දක්වන්නේ, තමන් අත ඇති රිමෝට්කොන්ට්‍රෝල්ය භාවිතා කරමින් වෙනත් චැනලයකට ප්‍රවිස්ඨ වීම හරහාය. බොහෝවිට එයද අසාර්ථක කාර්යයකි. අද මෙරට ඇත්තේ ප්‍රේක්ෂකයා ඉලක්ක කරගත් රූපවාහිනී ආයතන නොවන අතර, වෙළෙන්දා හා වෙළද දැන්වීම් ඉලක්ක කරගත් රූපවාහිනී නාලිකාවන්ය. මෙය කනපිට ගැසිය යුතු අතර, එසේ කල හැක්කේ මෙරට සමාජ විපර්යාශයක් තුලින් පමණි.

කිරි අප්පොච්චිගේ අවවාද (වැඩිහිටියන්ට පමණයි)

2010-02-25T03:39:00.000+05:30

දිවයින කතුවැකිය
අපගේ මී මුත්තාගේ කිරි අප්පොච්චි වන ඇමරිකාව නීතිය ක්‍රියාත්මක කරන හැටි අපට කියා දෙන අයුරු අද "දිවයිනේ" සඳහන් ය. මේ කිරි අප්පොච්චි වූ කලී ශ්‍රී ලංකාවේ හිටපු ඇමරිකානු තානාපති රොබට්‌ බ්ලේක්‌ ය. අප බ්ලේක්‌ට මී මුත්තාගේත් කිරි අප්පොච්චි කියන්නේ ඇයි? ඔහු ඒ තරමටම තමන් වැඩිහිටි බව සිතා සිටින නිසා ය. ඔහු අපට දෙන උපදෙස්‌ මෙසේ ය* ජෙනරාල් අත්අඩංගුවට ගත් ආකාරය ගැන ඇමරිකාව තුළ ප්‍රසාදයක්‌ නැත.

* ජෙනරාල්ට විරුද්ධව ඇති චෝදනා ලක්‌ රජය විසින් වහා ප්‍රකාශයට පත් කළ යුතු ය.
* ජෙනරාල් සම්බන්ධයෙන් ක්‍රියා කළ යුත්තේ යුද නීතියට අනුව නොව සිවිල් නීතියට අනුව ය.
* ඉතිරිව සිටින ලක්‍ෂයක්‌ වූ යුද අනාථයන් වහා ඔවුන්ගේ ගම් බිම් බලා යෑවිය යුතු ය.
* ජාතික සමගිය ඇති කිරීම සඳහාත්, බලය බෙදාහැරීම සඳහාත් රජය කටයුතු කළ යුතු ය.
* යුද්ධයේදී මිනිස්‌ අයිතීන් උල්ලංඝනය වූයේ ද යන්නත්, යුද අපරාධ සිදුවේද යන්නත් සොයා බැලිය යුතු ය.
ඉහත සඳහන් කරුණු කියවන අපට නැගෙන මතකයක්‌ තිබේ. ඒ වූ කලී ජෙනරාල්ගේ බෑණාගේ මව වන අශෝකා තිලකරත්න මහත්මිය භාරයේ තිබූ සල්ලි සේප්පුව තුළ වූ ඇමරිකන් ඩොලර් පන්ලක්‍ෂ හැත්තෑපන්දාහයි. ඒවා අලුත් ම අලුත් ඇමරිකන් ඩොලර් ය. ඒ සිද්ධිය අමතක කිරීමට අප නිරන්තරයෙන් උත්සාහ කරන නමුදු ඇමරිකාව සම්බන්ධයෙන් ප්‍රවෘත්තියක්‌ දකින හැම විටකම අපට සිහි වන්නේ එම පුවත ය. එය බ්ලේක්‌ට හෝ මේ කතාවට සම්බන්ධ නැත.
ශ්‍රී ලංකාවේ ගත කළ කාලය තුළ මේ රටේ අභ්‍යන්තර ප්‍රශ්නවලට බ්ලේක්‌ තරම් අත පෙවූ වෙනත් ඇමරිකානු රාජ්‍ය තාන්ත්‍රිකයකු නැති තරම් ය. ඔහු තානාපති කම හැරුනු විට අනෙක්‌ හැම දෙයක්‌ ම කළේ ය. මේ රටේ ජනමාධ්‍ය සම්බන්ධයෙන් මැදිහත්කරුවකු වීමට උත්සාහ කළේ ය. ආසියානු මහාද්වීපයේ පිහිටි මර්මස්‌ථානයක්‌ වූ ශ්‍රී ලංකාව පාලනය කිරීමට ඔහු දැරූ උත්සාහයට ගරු කිරීමක්‌ වශයෙන් දෝ ඇමරිකානු රාජ්‍ය දෙපාර්තමේන්තුව දකුණු සහ මධ්‍යම ආසියාව භාර රාජ්‍ය ලේකම් ලෙස ඔහුට උසස්‌වීමක්‌ දුන්නේය. එම තනතුරේ හිඳිමින් ඔහු බී.බී. සී. ගුවන් විදුලියට දුන් පෙර කී උපදෙස්‌ ඉන්දියාවේ හින්දු පත්‍රයේ වෙබ් අඩවියේ පළවී තිබේ.
බ්‍රිතාන්‍යය විසින් ලංකාව හා ඉන්දියාව පාලනය කළ කාලයේදී මහ රැජනගේ නියෝජිතයා හෙවත් යුව රජ වූයේ ලුවී මවුන්ට්‌ බැටන් ය. අධිරාජ්‍යවාදයේ පාරම්පරික හවුල්කරුවකු වූ මවුන්ට්‌ බැටන් පවා රොබට්‌ බ්ලේක්‌ ආකාරයෙන් ලංකාව සම්බන්ධයෙන් හැසිරී නැත. ජෙනරාල් අත්අඩංගුවට ගැනීම සම්බන්ධයෙන් ඇමරිකාව මොනවා සිතුවත් අපට මොකද? රාජ්‍ය විරෝධී කුමන්ත්‍රණයක සැකකරු වූ ඔහු, ඔහුට හිමි විය යුතු සැලකිලිවලටත් වඩා බොහෝ ඉහළින් සළකා අත්අඩංගුවට ගන්නා ලදී. රොබට්‌ බ්ලේක්‌ බලාපොරොත්තු වන්නේ ජෙනරාල් සුවඳ පැනින් නහවා, දෝලාවක තබාගෙන යැමද? අනෙක ජෙනරාල්ට විරුද්ධව කටයුතු කරන්නේ යුද නීතිය යටතේ ද, නැතහොත් සිවිල් නීතිය යටතේ ද යන්න තීරණය කරන්නේ බ්ලේක්‌ නොව මේ රටේ ජනයා ඡන්දයෙන් පත් කළ ආණ්‌ඩුව ය. ඇමරිකාව බෝම්බ දමා ඇෆ්ගනිස්‌ථානය විනාශ කළේ ය. ඉරාකය කුඩුපට්‌ටම් කළේය. ඉරාකයට සහ උතුරු කොරියාවට චෞර රාජ්‍ය යන හංවඩුව ගැසුවේ ය. සදාම් හුසේන් එල්ලා මැරීම සඳහා තොන්ඩුව සාදන ලද්දේ ඇමරිකාව ය. එල්ලුම් ගසේ ලීවරය ක්‍රියාත්මක කළේ ඉරාක ජාතිකයකු වුව ද එම අළුගෝසුවාගේ අත ඇමරිකන් රූකඩ අතකි. යම් හෙයකින් ඇමරිකාව ඔසාමා බින් ලාදින් අල්ලා ගතහොත් ඔහු සුවඳ පැනින් නහවා දෝලාවක තබාගෙන ධවල මන්දිරයට ගෙන ගොස්‌ සිවිල් නීතියට අනුව නඩු අසා නිදහස්‌ කරන ලෙස අපි ඇමරිකාවෙන් ඉල්ලමු.
ජාතික සමගිය ඇති කිරීම බලය බෙදා හැරීම යන කාරණා අපට අදාළ අභ්‍යන්තර ප්‍රශ්න ය. යුද අපරාධ සිදුවීද යන්න ගැන ඇමරිකාව උනන්දු වන්නේ ගෝඨාභය රාජපක්‍ෂගේ දේශානුරාගයටත් මහින්ද රාජපක්‍ෂගේ ජාති මාමකත්වයටත් පහර ගැසීම සඳහා ය. රාජපක්‍ෂවරුන් යුද අපරාධ පිළිබඳ විත්ති කූඩුවට ගෙන යන්නේ නම් ඊට කලින් එහි යෑවිය යුතු මහතෙකු ඇත. ඒ ඇමරිකාවේ හිටපු ජනපති ජෝර්ඡ් බුෂ් ය.

මහ නාහිමියන්ට තර්ජනය කළා කීම රනිල්ගේ අමූලික බොරුවක්-කලවැද්දා සේම පැවිද්දා කීමත් අපහාසයක්

2010-02-22T03:07:00.001+05:30

සුභාෂිනී සේනානායක, අසේල කුරුළුවංශ සහ ජයසිරි පේදුරුආරච්චි -දිනමිණපැවිදි වෛතුල්‍යවාදීන් පිරිසක් මල්වතු සහ අස්ගිරි මහ නාහිමිවරුන්ට තර්ජනය කොට බලපෑම් කළ බවට විපක්ෂ නායක රනිල් වික්‍රමසිංහ මහතා කළ ප්‍රකාශය සම්පූර්ණයෙන්ම අසත්‍ය බවත්, එය බෞද්ධ භික්ෂුන් වහන්සේලාට කරන අපහාසයක් බව මහා සංඝරත්නය ප්‍රකාශ කර සිටිති.
රටේ ජාතික සහ ආගමික ප්‍රශ්න පිළිබඳව භික්ෂුන් වහන්සේලා කණ්ඩායමක් මහ නාහිමිවරුන් සමඟ කළ සාකච්ඡා සම්බන්ධයෙන් රනිල් වික්‍රමසිංහ සහ එජාප මහ ලේකම් තිස්ස අත්තනායක මහත්වරුන් කර ඇති ප්‍රකාශ ගැන කනගාටු වන බවද එම හිමිවරු පවසති.බෞද්ධ රටක් වන ශ්‍රී ලංකාවේ ගෞරවාදරයට පාත්‍ර වී සිටින භික්ෂුන් වහන්සේලාට පැවිදි වෛතුල්‍යවාදීන් යැයි හඳුන්වාදීම තරයේ හෙළා දකින බවද, උන්වහන්සේලා සඳහන් කර සිටිති.
මල්වතු මහා විහාරයට අයත් විහාරස්ථාන රෝහණ පාර්ශ්වයට එකතු කොට මල්වතු මහා පාර්ශවය විනාශ කරන බවට පැවිදි වෛතුල්‍යවාදීන් පිරිසක් තර්ජනය කර ඇතැයි රනිල් වික්‍රමසිංහ මහතා ප්‍රකාශ කර තිබේ. කොළඹ කේම්බ්‍රිජ් ටෙරස්හි විපක්ෂ නායක කාර්යාලයේදී ප්‍රවෘත්ති සාකච්ඡාවක් පවත්වා විපක්ෂ නායකවරයා ඒ බව ප්‍රකාශ කර ඇත. තිස්ස අත්තනායක මහතාද එවැනිම අදහස් ප්‍රකාශ කර තිබේ.
ශ්‍රී දළදා වහන්සේට බෝම්බ ගසන බවට ද මල්වතු හා අස්ගිරි පාර්ශ්වයන්ට තර්ජනය කොට තිබෙන බවටද රනිල් වික්‍රමසිංහ මහතා එහිදී ප්‍රකාශ කර ඇත. ඒ අනුව මේ පැවිද්දන්ට කුලපතිවරුන්, පරිවෙණාධිපතිවරුන්, ආචාර්යවරුන් වශයෙන් ක්‍රියාකිරීමේ කිසිදු අයිතියක් නැති බවටද වික්‍රමසිංහ මහතා අදහස් දක්වා තිබේ. වික්‍රමසිංහ සහ අත්තනායක මහත්වරුන්ගේ එම ප්‍රකාශ සම්බන්ධයෙන් මහ සඟරුවන මෙසේ අදහස් දක්වා සිටිති.
ශ්‍යාමෝපාලි මහා නිකායේ ශ්‍රී රෝහණ පාර්ශ්වයේ මහානායක රුහුණු විශ්වවිද්‍යාලයේ උප කුලපති අත්තුඩාවේ ශ්‍රී රාහුල මහනාහිමි, මල්වතු පාර්ශවයට අයත් දකුණේ කිසිදු විහාරස්ථානයක් රෝහණ පාර්ශවයට එක්කර ගැනීමේ කිසිදු අවශ්‍යතාවක් හෝ උත්සාහයක් නැත. එවන් උත්සාහයක් පිළිබඳව විපක්ෂ නායක කළ ප්‍රකාශයක් ප්‍රවෘත්ති වාර්තාවලින් දැනගත් අවස්ථාවේ දැඩි කනගාටුවට පත්වූ අතර, එම ප්‍රකාශයේ දී විපක්ෂ නායකයා “පැවිද්දා” “පැවිද්දා” යනුවෙන් ප්‍රකාශ කිරීම දේශපාලන වේදිකාවේදී “කලවැද්දා” යනුවෙන් ආමන්ත්‍රණය කළා සේම සංඝයා වහන්සේලාට අපහාසයක්.
මල්වතු, අස්ගිරි විහාරස්ථාන ශ්‍රී ලංකාවේ ප්‍රධානතම බෞද්ධ මධ්‍යස්ථාන දෙක. එහි මහානායක හිමිවරුන් අපිත් සමඟ බොහෝ සම්බන්ධයි.
මෙය බොරු ප්‍රකාශයක්. මහා නායක හිමිවරුන් බොහෝ ගරු කටයුතු අය. එවැනි අය සම්බන්ධ කර ගනිමින් මෙවැනි ප්‍රකාශ ගැන අපේ තිබෙන්නේ බලවත් කනගාටුවක්.
ගරු කටයුතු සංඝයා වහන්සේලාට “පැවිද්දා” යනුවෙන් ඇමතීම කෙතරම් ඔබිනවාදැයි මේ රටේ ජනතාව කල්පනා කළ යුතුයි.
පේරාදෙනිය විශ්වවිද්‍යාලයේ ඉතිහාස අංශයේ මහාචාර්ය හඟුරන්කෙත ධීරානන්ද හිමි, මල්වතු මහානායක ස්වාමින්ද්‍රයන් වහන්සේ වෙත භික්ෂුන් වහන්සේ කණ්ඩායමක් තර්ජන හා බලපෑම් කළ බවට විපක්ෂ නායක රනිල් වික්‍රමසිංහ මහතා කරන ප්‍රකාශය සත්‍යයෙන් තොර බවත් මෙය බෞද්ධ භික්ෂුන් වහන්සේ වෙත කරන අපහාසයක්.රටේ ජාතික හා ආගමික ප්‍රශ්න පිළිබඳව සාකච්ඡා කිරීම සඳහා භික්ෂුන් වහන්සේ පනස් නමකින් පමණ සමන්විත කණ්ඩායමක් සමඟ තමන් වහන්සේද මහ නායක හිමියන් බැහැ දුටු බවත් විපක්ෂනායකවරයා රටට කියන ආකාරයේ කිසිදු සිදුවීමක් එහිදී නොවූ බවත් පවසති. මල්වතු මහානායක ස්වාමින්ද්‍රයන් වහන්සේද මේ පිළිබඳව සාක්ෂි දරනු ඇත. මහා සංඝරත්නය සෑමවිටම ක්‍රියාකරනුයේ විනය ශික්ෂණයක් ඇතිවයි.
ප්‍රශ්න සාකච්ඡා කැර නිවැරදි නිරවුල් තීරණ ගත යුතුයි. දිවයිනේ විවිධ ප්‍රදේශ නියෝජනය කරමින් අදාළ අවස්ථාවට සහභාගි වූ භික්ෂුන් වහන්සේ මහනාහිමියන් සමඟ සුහදව, මිත්‍රශීලිව ගැටලු සාකච්ඡා කර එකඟතාවකට පැමිණි බවත් කීය.
මහමළුවේ පැවැත්වීමට නියමිතව තිබූ සංඝ සම්මේලනය හරහා දේශපාලන වාසි ලබා ගැනීමට උත්සහ කළ පිරිසගේ අපේක්ෂා සියල්ල අද බිඳ වැටී ඇති බැවින් ඔවුන් දැන් උත්සහ කරන්නේ සංඝ භේදයක් ඇතිකර හෝ එමඟින් වාසියක් ලබා ගැනීමටයි. මෙයට එරෙහිව මහා සංඝරත්නය ඇතුළු බෞද්ධ ජනතාව පෙළ ගැසිය යුතු බව පැවැසූහ.

රටේ නීතිය කාටත් පොදුය.

2010-02-19T20:52:00.001+05:30

ආචාර්ය උඩගම සුමංගල මහා ස්ථවිර ඇමරිකාවේ ලොස් ඇන්ජලීස් නුවර සිට
රටේ නීතිය කාටත් පොදුය. පුද්ගලයන්ගේ තරාතිරම අනුව එය වෙනස් නොවිය යුතුය. භික‍ෂූන් වහන්සේ පවා රාජ්‍ය නීතියට අනුකූලව ක්‍රියා කළ යුතුය යනුවෙන් බුදුරජාණන් වහන්සේ පවා පෙන්වා දී ඇත.

සරත් ෆොන්සේකා මහතා අත් අඩංගුවට ගැනීම ශ්‍රී ලංකාවේ යුධහමුදා නීතියට අනුව කරන ලද්දකි. එය දේශපාලනයට සම්බන්ධ ක්‍රියාවක් නොවේ. ජනාධිපතිතුමාගේ නියෝගයකට අනුව කරන ලද්දක් ද නොවේ. සරත් ෆොන්සේකා මහතා වැරදි කරුවකු ද නිවැරදි කරුවකු ද යන්න අධිකරණය මඟින් තීරණය කරනු ඇත. ඊට ඇඟිලි ගැසීමට කිසිවකුට අයිතියක් නැත.
ජාත්‍යන්තර කුමන්ත්‍රණ කරුවන්ගේ අතකොළු වී ඇති පුද්ගලයන්ගේ බසට මුවා වී සරත් ෆොන්සේකා මහතා නිදහස් කරන ලෙස අතිගරු මහානායක හිමිවරුන් විසින් අතිගරු මහින්ද රාජපක‍ෂ ජනාධිපතිතුමාට බලකරනු ලැබීම කිසිසේත්ම අනුමත කළ නොහැක්කකකි. අතිගරු මහානායක ස්වාමීන්ද්‍රයන් වහන්සේලාගේ ප්‍රකාශ වලින් පෙනීයන්නේ උන් වහන්සේලා නොදැනුවත්වම දේශද්‍රෝහී කුමන්ත්‍රණ කරුවන්ගේ දැලට හසුවී ඇති බවකි. කුමන්ත්‍රණ කරුවන්ට අවශ්‍ය වී ඇත්තේ ත්‍රිවිධ හමුදාවත් මහජනතාවත් භේද භින්න කර රට අස්ථාවර කර සංඝ භේදයක් ද ඇති කරලීමය. තිස්වසරක යුද්ධයෙන් රට ගලවාගත් මහින්ද රාජපක‍ෂ ජනාධිපතිතුමා ගේ රට සංවර්ධනය කිරීමේ ක්‍රියාවලියට සහයෝගය දීම දේශප්‍රේමී ගිහි පැවිදි සෑම දෙනාගේ යුතුකමය.
එබැවින් මෙහි දී ඉතා බුද්ධිමත්ව දුරදිග බලා කටයුතු කරන මෙන් අතිගරු මහානායක ස්වාමීන් වහන්සේලාගෙන් ඉතා ගෞරව පූර්වකව සාසනාලයෙන් යුතුව ඉල්ලා සිටිනු කැමැත්තෙමි.

ජෙනරාල්ගේ ඉරණම වෙනස්‌ කළ අවස්‌ථාවාදී දේශපාලනය

2010-02-19T20:35:00.000+05:30

සිරිමෙවන් කස්‌තුරිආරච්චි
ජෙනරාල් සරත් ෆොන්සේකා යුද හමුදාව විසින් අත්අඩංගුවට ගැනීම රට පුරා මහත් ආන්දෝලනයට හේතු වූ සිද්ධියක්‌ බවට පත්වී ඇත.

යුද හමුදා පනතේ 57 (1) වගන්තිය යටතේ හිටපු යුද හමුදාපතිවරයා අත්අඩංගුවට ගෙන මේ වන විට නාවික හමුදා මූලස්‌ථානයේ ආරක්‍ෂිත නිවසක රඳවා තබා ඇත. ඒ ඔහු යුද හමුදාපතිවරයා සහ ආරක්‍ෂක මාණ්‌ඩලික ප්‍රධානියා වශයෙන් සිටියදී හමුදා නීතියට පටහැනිව සිදුකළ විනය විරෝධී සහ රාජ්‍ය විරෝධී ක්‍රියා කීපයක්‌ හේතුවෙන් හමුදා නීතිය යටතේ ඔහුට එරෙහිව නීතිමය පියවර ගැනීමටය.ඒ අනුව ජෙනරාල් සරත් ෆොන්සේකා යුද අධිකරණයක්‌ හමුවට පමුණුවාලීමට නියමිතව ඇත.

1949 අංක 17 දරන යුද හමුදා පනතේ 57(1) වගන්තිය යටතේ පැවරී තිබෙන නීතිමය බලතලවලට අනුව යුද හමුදා පොලිසිය විසින් ඉකුත් 08 වැනිදා රාත්‍රියේ ජෙනරාල් සරත් ෆොන්සේකා අත්අඩංගුවට ගනු ලැබුයේ ඔහුගේ දැඩි විරෝධය මධ්‍යයේය.
එම විරෝධය මැඩලමින් යුද හමුදා කණ්‌ඩායම ජෙනරාල්වරයා කෙසේ හෝ අත්අඩංගුවට ගැනීමට සමත්වූ අතර, පසුව ඔහු දැඩි රැකවල් මධ්‍යයේ නාවික හමුදා මූලස්‌ථානයේ රඳවා තැබීමට පියවර ගනු ලැබීය.
යුද හමුදාව විසින් හිටපු යුද හමුදාපතිවරයා අත්අඩංගුවට ගෙන හමුදා නීතියට අනුව ක්‍රිsයාකිරීම දේශපාලන පලිගැනීමක්‌ ලෙස පෙන්වීමට විපක්‍ෂ දේශපාලන නායකයෝ ඇතුළු අනුගාමිකයෝ අද ප්‍රබල උත්සාහයක නිරතව සිටිති.
ජෙනරාල් සරත් ෆොන්සේකාගේ යුද වීරත්වය ඉදිරියට දමා ඒ ඔස්‌සේ තම දේශපාලන අරමුණු ඉටුකර ගැනීමට ක්‍රියාකළ පරාජිත දේශපාලනඥයන් ඉදිරි පාර්ලිමේන්තු මැතිවරණයේ සටන් පාඨයක්‌ ලෙස ජෙනරාල් ෆොන්සේකා හමුදා අත්අඩංගුවට පත්වීමේ සිද්ධිය යොදා ගැනීමට කටයුතු කරමින් සිටිති.
ජෙනරාල් සරත් ෆොන්සේකාට අද අත්වී තිබෙන කනගාටුදායක ඉරණම පිළිබඳ සම්පූර්ණ වගකීම ඔහුගේ කරමතින් ගොස්‌ සිය බලලෝභී දේශපාලන අරමුණු ඉටුකර ගැනීමට ක්‍රියාකළ රනිල් මංගල, සෝමවංශ, හකීම් සම්බන්ධන් ප්‍රමුඛ විපක්‍ෂ සන්ධාන දේශපාලන කණ්‌ඩායම් විසින් භාර ගත යුතුව ඇත.
එම පරාජිත දේශපාලන නායකයන් අඹරා දුන් ලණුව එකවරම ගිල දමා ජයග්‍රහණය පිළිබඳ අධි තක්‌සේරුවකින් යුතුව ජනාධිපතිවරණ සටනට පිවිසි ජෙනරාල් ෆොන්සේකා තමා හමුදා නිල ඇඳුමින් සිටියදී සහ එය ඉවතලා දේශපාලන ඇඳුමින් සිටියදී කළ කී දෑ නිසා අද ඔහුට මෙසේ හමුදා අත්අඩංගුවට පත්වී යුද අධිකරණයක්‌ ඉදිරියට යැමට සිදුවූ බව කවුරු පිළිනොගත්තත් ජෙනරාල් ෆොන්සේකාගේ හෘද සාක්‍ෂිය එය පිළිගෙන ඇතුවාට කිසිදු සැකයක්‌ නැත.
දේශපාලනමය වශයෙන් ඔහු කළ කී දෑ කෙසේ වෙතත් හිටපු ආරක්‍ෂක මාණ්‌ඩලික ප්‍රධානියා සහ යුද හමුදාපතිවරයා වශයෙන් ඔහු යුද හමුදාව දරුණු ලෙස භේද බින්න කර කඩා බිඳ දැමීම ඉතා භයානක තත්ත්වයක්‌ වනු ඇත.
යුද හමුදාවව දේශපාලනීකරණයට ලක්‌කර එය තුළ නිල නොවන දේශපාලන බල ඇණියක්‌ ඇති කිරීමට ජෙනරාල් සරත් ෆොන්සේකා ක්‍රියාකර ඇති බව මේ වන විට අනාවරණය වී ඇත.
ජෙනරාල් ෆොන්සේකා ජනාධිපතිවරණ සටනට සෘජුව සහ වක්‍රව සම්බන්ධවූ බව කියන යුද හමුදා නිලධාරීන් රැසක්‌ පිළිබඳව හමුදා බුද්ධි අංශ තොරතුරු අනාවරණය කරගෙන ඇති අතර, ඒ පිළිබඳව මේ වන විට සියලුම ආරක්‍ෂක බුද්ධි අංශ සහ රහස්‌ පොලිසිය පුළුල් ලෙස විමර්ශන පවත්වමින් සිටිති.
ජෙනරාල් සරත් ෆොන්සේකාට සහාය දැක්‌වූ ඇතැම් හමුදා නිලධාරීන් වත්මන් යුද හමුදාපති ලුතිනන් ජෙනරාල් ජගත් ජයසූරියගේ විශ්වාසය දිනා ගනිමින් ප්‍රධාන උසස්‌ තනතුරු හිමිකරගෙන සිටි අතර, යම් හෙයකින් ජෙනරාල් ෆොන්සේකා ජනාධිපති වූවානම් ඔහු යටතේද උසස්‌ තනතුරු හිමිකර ගැනීමට අපේක්‍ෂාවෙන් සිටියවුන් වෙති.
එමෙන්ම ජෙනරාල් ෆොන්සේකාට සහාය දැක්‌වූ බවට කිසිදු අයුරකින් දැන ගැනීමට නොහැකි අයුරින් කටයුතු කළ හමුදා නිලධාරීන් පිරිසක්‌ පිළිබඳවද තොරතුරු අනාවරණය වීමට පටන් ගෙන ඇති අතර බුද්ධි අංශ මේ වන විට ඔවුන් පිළිබඳව දැඩි විමසිලිමත්ව ඔවුන්ගේ ක්‍රියාකාරකම් පිළිබඳව සොයාබැලීමේ නිරතව සිටිති.
යුද හමුදාව තුළ රහසිගතව ක්‍රියාත්මකවූ ජෙනරාල් ෆොන්සේකාගේ නිල නොවන හමුදා බළඇණියට සම්බන්ධව සිටි හමුදා නිලධාරීන් පිරිසක්‌ මේ වන විට අනිවාර්ය විශ්‍රාම යවා ඇති අතර, ඉන් කීපදෙනෙකු ජෙනරාල් ෆොන්සේකා යුද හමුදාපතිව සිටියදී යුද හමුදාව තුළ සිය බලපරාක්‍රමය අසීමිතව අතුරුවාගෙන සිටි නිලධාරීහු වෙති.
මේජර් ජෙනරාල් රජිත සිල්වා, මේජර් ජෙනරාල් ජයනාත් පෙරේරා, මේජර් ජෙනරාල් සමන්ත සූරිය බණ්‌ඩාර, මේජර් ජෙනරාල් දීපාල් අල්විස්‌, බ්‍රිගේඩියර් දුමින්ද කැප්පෙටිවලාන, බ්‍රිගේඩියර් අතුල නැන්නැදිගේ, බ්‍රිගේඩියර් ජනක මොහොට්‌ටි, බ්‍රිගේඩියර් බිමල් ඩයස්‌, කර්නල් තිලක්‌ අබේවර්ධන එම නිලධාරීහු වෙති.
ඔවුන් එකල ක්‍රියාකර ඇත්තේ ජෙනරාල් සරත් ෆොන්සේකා සදාකල්ම යුද හමුදාපති තනතුරෙහි සිටිනු ඇතැයි සිතාගෙන බව ඔවුන්ගේ තාඩන පීඩනයන්ට සහ පලිගැනීම්වලට ලක්‌වූ හමුදා නිලධාරීහු පවසති.
ජෙනරාල් සරත් ෆොන්සේකාට සහ ඉහත නිලධාරීන්ට අද අත්වී තිබෙන අවාසනාවන්ත ඉරණම අපට පෙන්වා දෙන එක්‌ පොදු ධර්මතාවක්‌ ඇත. එය නම් බලය, නිලය, තනතුරු ආදී කිසිවක්‌ මෙලොව සදාකාලික නොමැති බව කියාපාන පොදු ධර්මතාවයයි.
ජෙනරාල් සරත් ෆොන්සේකා ජනාධිපතිවරණ සටනට පිවිසීම ගැන කිසිවකුට කිසිවරදක්‌ කිව නොහැක. එය ඔහු සතු අයිතියකි. ඡන්දය දීමට මෙන්ම ඡන්දය ඉල්ලීමටද මෙරට සෑම පුරවැසියකුටම අයිතියක්‌ සහ නිදහසක්‌ ඇත. එම නිසා ජෙනරාල් ෆොන්සේකා ජනාධිපතිවරණ සටනට පිවිසීම පිළිබඳව ජනාධිපති මහින්ද රාජපක්‍ෂ මහතා කිසිදු බාධාවක්‌ නොකළේය. ජෙනරාල් ෆොන්සේකා සතු එම ප්‍රජාතන්ත්‍රවාදී අයිතිය පිළිගත් ජනාධිපතිවරයා ජෙනරාල් ෆොන්සේකාගේ ක්‍ෂණික ඉල්ලා අස්‌වීම පිළිගෙන තමාට එරෙහිව ජනාධිපතිවරණ සටනට පිවිසීමට අවස්‌ථාව සලසා දුන්නේය.
ජනාධිපතිවරයා එදා එම ඉල්ලා අස්‌වීම පිළිනොගත්තානම් හෝ පිළිගැනීම ප්‍රමාද කළා නම් ජෙනරාල් ෆොන්සේකාට ජනාධිපතිවරණ අපේක්‍ෂකයා වීමට ඉඩ නොලැබෙනු ඇත. එක අතකින් එසේ ඉඩනොලැබුණා නම් ජෙනරාල් ෆොන්සේකාට සහාය දුන් හමුදා නිලධාරීන්ට අදත් යුද හමුදා සේවයේ රැඳී සිටීමටද හැකිවනු ඇත.
ජනාධිපතිවරයා එදා ජෙනරාල් ෆොන්සේකාට තමාට එරෙහි සටනට ඒමට ඉඩ දුන්නේ තම ජයග්‍රහණය ගැන ඔහුට 100% ක්‌ම විශ්වාසයක්‌ තිබූ නිසාය. නමුත් එම විශ්වාසය ඉක්‌මවාගිය විශාල අධිතක්‌සේරුවක්‌ ජෙනරාල් සරත් ෆොන්සේකාට තමා පිළිබඳව හට ගෙන තිබිණි.

ඒ අනුව ඔහු සිටියේ ජනාධිපතිවරණ සටනින් තමා දැනටමත් ජයගෙන සිටින බවට වූ ආඩම්බර හැඟීමකින් බව ඔහු කළ කී දෑ වලින් පැහැදිලි විය.

"මට පෙර රට" යන තේමා පාඨය යටතේ සටනට පිවිසි ජෙනරාල් ෆොන්සේකා "ඊට පෙර කට" පාලනය කර නොගෙන අවසානයේදී වීරෝදාර හමුදා රණවිරුවන් සහ යුද හමුදාව ජාත්‍යන්තරයට පාවාදී, හමුදා බෙදා වෙන්කර දැවැන්ත අර්බුදයක්‌ නිර්මාණය කර ජනාධිපතිවරණ සටනින්ද පරාජයට පත්විය.

ලොව දරුණුතම සහ ප්‍රබලතම ගරිල්ලා සංවිධානය ලෙස නම්දරා සිටි කොටි සංවිධානය සමග සටන්කර ජය ලැබූ ජෙනරාල් සරත් ෆොන්සේකා එතුළින් හිමිකරගත් වීරත්වය, ගෞරවය, කීර්තිය අවාසනාවන්ත ලෙස අහිමිකරගෙන පරාජිත දේශපාලන චරිතයක්‌ බවට පත්විය.
එපමණක්‌ නොව බලලෝභී පටු දේශපාලන අරමුණක්‌ ඉටුකර ගැනීම වෙනුවෙන් යුද හමුදාව සහ වීරෝදාර රණවිරුවෝ ලෝකයාට පාවාදීමේ දේශෙද්‍ර`හී චෝදනාවට ලක්‌වී අද යුද අධිකරණයක්‌ ඉදිරියට යැම උදෙසා හමුදා සිරකරුවකු බවට පත්වීමේ ෙ€දජනක ඉරණමකට මුහුණපෑමටද සිදුවීමෙන් කියාපාන්නේ පෞද්ගලික අරමුණු වෙනුවෙන් බලය, නිලය, අයුතු ලෙස යොදාගැනීමට යැමෙන් ජෙනරාල් සරත් ෆොන්සේකාට විඳින්නට සිදුවූ පොදු ධර්මතාව යළි යළිත් අපට සිහිපත් කර දෙනු ඇත.

විශ්‍රාමික ජනරාල් අත්අඩංගුවට ගැනීම!

2010-02-10T04:33:00.000+05:30

කීර්ති වර්ණකුලසූරිය.
නීති විරෝධී ඉඩම් ගනුදෙනුවක්‌ සම්බන්ධයෙන් ඉන්දීය ජනරාල් අවදේශ් ප්‍රකාශ් අත්අඩංගුවට ගත්තා.

- ඉන්දීය හමුදාපති දිපක්‌ කපූර්
මානව හිමිකම් ක්‍රියාකාරිකයකුට හමුදා රහස්‌ සැපයීමේ සිද්ධියක්‌ මත බ්‍රිතාන්‍ය ජ්‍යෙෂ්ඨ හමුදා නිලධාරියකු වූ ලුතිනන් කර්නල් ඕවන් මැක්‌හෙල් අත්අඩංගුවට ගෙන ඇත.- බ්‍රිතාන්‍යයේ ටෙලිග්‍රාප් පුවත්පත රාජ්‍ය රහස්‌ සැපයීම සම්බන්ධයෙන් විශ්‍රාමික හමුදා නිලධාරි ලුතිනන් කර්නල් නිජල් වයිල්ඩ්ට චෝදනා එල්ල වේ.
ගාඩියන් පුවත්පත
ඔස්‌ටේ්‍රලියානු ප්‍රකාශකයකුට රහස්‌ තොරතුරු සැපයීම සම්බන්ධයෙන් බ්‍රිතාන්‍ය ඵ-1-6 ඔත්තු සේවාවේ හිටපු නිලධාරි රිචඩ් කොම්පන්ට හයමසක සිර දඬුවමක්‌
- ගාඩියන් පුවත්පත
චීන හමුදා නිලධාරියකු වූ හුවා ඇමරිකාවට රාජ්‍ය රහස්‌ ලබාදීම සම්බන්ධයෙන් අත්අඩංගුවට ගෙන ඇත.
යුද රහස්‌ ඊශ්‍රායලයට සැපයීම සම්බන්ධයෙන් ඇමරිකානු හමුදා බලධාරීහු චෙන් අවි නමැති හමුදා ඉංජිනේරුවා අත්අඩංගුවට ගෙන ඇත.
හිටපු ජනරාල් අත්අඩංගුවට ගැනීම ගැන කනගාටුව පළකරනවා.
- ඇමරිකානු රාජ්‍ය දෙපාර්තමේන්තු ප්‍රකාශක පිලිප් ක්‍රව්ලි
හමුදාපති පර්වේස්‌ මුෂාරෆ් වැරදි ක්‍රියා රැසක්‌ සිදුකළා
- හිටපු පකිස්‌තාන අගමැති නවාස්‌ ශරීෆ්
හිටපු විශ්‍රාමික ජනරාල් සරත් ෆොන්සේකා පසුගිය සඳුදා කළ ප්‍රකාශයක්‌ ලන්ඩනයේ බී. බී. සී. සේවාව මගින් විකාශනය කෙරුණි. එහි සඳහන් වුයේ තමා කිසිවෙක්‌ බේරා ගැනීමට ඉදිරිපත් වන්නේ නැති බවත්, ශ්‍රී ලංකාවට එරෙහිව ජාත්‍යන්තර අධිකරණයකදී යුද අපරාධ චෝදනා ගැන හෙළි කිරීමට සූදානම් බවයි.
මේ හිටපු හමුදා නිලධාරියා යුද අපරාධ ගැන සාක්‌කි දීමට සූදානම් වන්නේ කලක්‌ තමා මෙහෙයවූ යුද හමුදාවට ය. තමාගේ මව්බිමට එරෙහිවය.
මේ නිසා හිටපු ජනරාල්ගේ සැබෑ ස්‌වරූපය දැන් අනාවරණය වී ඇත.
ඊශ්‍රායලයේ විශේෂ බළකායේ හිටපු ප්‍රධානියකු වූ එහුද් බරක්‌ කාන්තාවක්‌ සේ වෙස්‌ වලාගනිමින් ප්‍රහාරක කණ්‌ඩායමක්‌ සමඟ ලෙබනනයට ගොස්‌ ජර්මනියේ මියුනිච් හි මිලිපෙක්‌ ක්‍රීඩාංගන සංකීර්ණයේදී මැරුම් කෑ ඊශ්‍රායල් ක්‍රීඩකයන්ගේ මරණවලට වගකිව යුතු පලස්‌තීන ත්‍රස්‌තයන් මරා දැමීය. ලෙබනන් රජය මේ ගැන ඊශ්‍රායලය වෙත විරෝධය පළකළත් කිසිම හමුදා නිලධාරියෙක්‌ එහුද් බරක්‌ට එරෙහිව යුද අපරාධ සාක්‍ෂි කීමට ඉදිරිපත් වූයේ නැත.
එහෙත් කොටි සංවිධානය වැනසීමට ක්‍රියා කළ හමුදා නිලධාරීන් ජාත්‍යන්තර ප්‍රජාව අතර අවමානයකට ලක්‌ කිරීමේ අරමුණින් හිටපු විශ්‍රාමික ජනරාල්වරයා මාධ්‍යවලට කර ඇති ප්‍රකාශයේ ප්‍රතිවිපාක ජිනීවා නුවර එක්‌සත් ජාතීන්ගේ මානව හිමිකම් කවුන්සිලය පවත්වන විමර්ශනයෙන් සනාථ වේ.
මේ විශ්‍රාමික ජනරාල්ගේ ප්‍රකාශයත් සමඟම ජාත්‍යන්තර කොටි ජාලය අත්පොලසන් දී ඇති බව පැහැදිලිය. මෙය සනාථ වන්නේ කොටින්ට ආයුධ සැපයීමට අරමුදල් සැපයූ කැනඩා ද්‍රවිඩ කොන්ග්‍රසයේ ප්‍රධානි ඩේවිඩ් පූපතිපිල්ලෙයි කළ ප්‍රකාශයකිනි.
ජ්‍යෙෂ්ඨ හමුදා නිලධාරියකුව යුද අධිකරණය වෙත ගෙන ඒමට රජය ක්‍රියාකරනවා. ඒ නිසා ජාත්‍යන්තර ප්‍රජාව ආර්ථික සම්බාධක පැනවිය යුතු යෑයි ප්‍රපතිපිල්ලෙයි කියා සිටියේය.
එහෙත් මේ කොටි ඒජන්තවරයා එදා පැවසුවේ විශ්‍රාමික ජනරාල්ව ද ජාත්‍යන්තර අධිකරණ වෙත ගෙන ආ යුතු බවයි. මේ අතර ජාත්‍යන්තර ක්‍ෂමා සංවිධානය ද හිටපු ජනරාල්වරයා අත්අඩංගුවට ගැනීම ගැන කම්පා විය.
ඇමරිකානු රාජ්‍ය දෙපාර්තමේන්තුවේ ප්‍රකාශක පිලිප් ක්‍රව්ලි ද කම්පනයට පත්වී විශ්‍රාමික ජනරාල්වරයා අත්අඩංගුවට ගැනීම ගැන කනගාටුව පළකරන බව කියා සිටියේය. එහෙත් අතීතය සිහිපත් කළ යුතුය. ශ්‍රී ලංකාවේ සිට පකිස්‌තානය බලා යන අතරේ එවකට පකිස්‌තානයේ අගමැති නවාස්‌ ශරීප් විසින් නියෝග කරනු ලැබීය. එපමණක්‌ ද නොවේ ශරීප්ගේ යානාව කරච්චියට ගොඩබැස්‌සීම වළක්‌වා එය කඩා වැටීමට සැලසුම් කළ බව ද පසුව අනාවරණය විය.
එහෙත් ඇමරිකාව හෝ බ්‍රිතාන්‍යය ඒ ගැන කනගාටුව පළ කළේ නැත. බ්‍රිතාන්‍යයේ අගමැතිනියව සිටි මාග්‍රට්‌ තැචර්ගේ පුත්‍රයා අවි ආයුධ ජාවාරමක්‌ සම්බන්ධයෙන් ද සිම්බාබ්වේ රාජ්‍යයේදී අත්අඩංගුවට ගැනුනි.
එසේ වුවත් ජාත්‍යන්තර ප්‍රජාව නිහඬ විය.
මේ තොරතුරු මැද පසුගිය වසරේ පෙබරවාරි මාසයේදී ඇෆ්ගනිස්‌ථානයේ ජ්‍යෙෂ්ඨ බ්‍රිතාන්‍ය හමුදා නිලධාරියකු වූ ලුතිනන් කර්නල් මැක්‌හෙලි බ්‍රිතාන්‍ය යුද හමුදා බලධාරීන් විසින් අත්අඩංගුවට ගැනීමේ සිද්ධියක්‌ වාර්තා විය. ඔහු ඇෆ්ගනිස්‌ථානයේ මානව හිමිකම් කණ්‌ඩායමක සේවය කළ කාන්තාවකට බ්‍රිතාන්‍ය හා ඇමරිකානු ගුවන් ප්‍රහාරවලින් මියගිය සංඛ්‍යාව හෙළිකර ඇත. මේ නිසා මෙම රහස්‌ තොරතුරු හෙළිවූයේ කෙසේද යන්න ගැන ඇෆ්ගනිස්‌ථානයේ ඇමරිකානු ජනරාල්වරුන්ට පවා ප්‍රශ්නයක්‌ වී තිබේ.
මේ සිද්ධියට පෙර ඇෆ්ගනිස්‌ථානයේ නේටෝ හමුදාවල භාෂා පරිවර්තක ලෙස ක්‍රියා කළ කෝප්රල් ඩැනියෙල් ෙ-ම්ස්‌ ඉරාන හමුදා නිලධාරියකුට රහස්‌ විද්යුත් ලිපි මගින් හමුදා රහස්‌ සැපයීම සම්බන්ධයෙන් අත්අඩංගුවට ගනු ලැබීය. එසේම ඇමරිකානු බලධාරීහු මෑතකදී නාවික හමුදා රහස්‌ පිට කිරීම සම්බන්ධයෙන් නාවික හමුදා විශේෂඥයකු ද අත්අඩංගුවට ගෙන තිබිණි.
මේ නිලධාරීන් අත්අඩංගුවට ගැනීම ගැන ඇමරිකානු හා බ්‍රිතාන්‍ය විපක්‍ෂය හඬනැඟුවේ නැත. මෙම තත්ත්වය මත හිටපු විශ්‍රාමික ජෙනරාල්වරයා යුද අපරාධ ගැන තොරතුරු ජාත්‍යන්තර අධිකරණයට යොමු කරන බවට කළ ප්‍රකාශය තමාගේම හමුදාව හා මව්බිම පාවාදීමක්‌ නොවන්නේද?
මාධ්‍ය අඳබාලයකු විසින් ඔහුට කී කේලමක්‌ හේතුවෙන් එකී කේලම මාධ්‍ය හමුවේ ප්‍රකාශ කිරීමෙන් හිටපු ජෙනරාල් කර ඇත්තේ මුළු රටේම නාමයට බරපතල හානියක්‌ නොවන්නේද?
ගල්ෆ් යුද්ධයේදී ඇමරිකානු ජනරාල් ග්වැස්‌කෝප්ගේ හමුදා ඉරාක සිරකරුවන් බංකර්වලට වැළලී පණපිටින් වැළලීමට ක්‍රියා කළ බවට චෝදනා එල්ල විය. එහෙත් ජෙනරාල් ග්වැස්‌කෝප් එවකට සිටි ජනාධිපති ජෝර්- බුෂ් යුද අපරාධ කළේ යෑයි කියමින් ජාත්‍යන්තර අධිකරණවලද සාක්‍ෂි දීමට ඉදිරිපත් වූයේ නැත.
හිටපු විශ්‍රාමික ජෙනරාල්ව අත්අඩංගුවට ගැනීමේ සිද්ධියේදී නැගෙන ප්‍රශ්නය නම් ඔහු රටේ නීතියටත් පිටින් සිටින්නේද යන්නය. ප්‍රභාකරන් නම් වූ ඝාතකයා සිතුවේ ද තමා නීතියට උඩින් සිටින බවයි
හිටපු විශ්‍රාමික ජනරාල්වරයා වරදක්‌ කර ඇත්නම් ඔහුට එරෙහිව නීතිය ක්‍රියාත්මක විය යුතුය. මේ අතර හිටපු ජෙනරාල්වරයාව අත්අඩංගුවට ගෙන ඇත්තේ අංක 129 (1) දරන යුද හමුදා පනතේ 57 (1) වගන්තිය යටතේ ය.
යුද හමුදා සේවාවෙන් විශ්‍රාම ලැබීමෙන් පසු මාස හයක්‌ තුළ හමුදා නිලධාරියකුට එරෙහිව ක්‍රියා කළ හැකි වේ.
විශ්‍රාමික ජෙනරාල්වරයා අත්අඩංගුවට ගැනීමට ගිය යුද හමුදා පොලිසියේ ප්‍රධාන බ්‍රිගේඩියර්වරයා චෝදනා කුමක්‌ දැයි ප්‍රකාශ කර ඇත.
මේ චෝදනා නම්, නිල ඇඳුමින් යුක්‌තව දේශපාලන කටයුතු කිරීම, සේනාධිනායකයාට එරෙහිව කුමන්ත්‍රණය කිරීම, හමුදාවෙන් පැනගිය සෙබළුන්ට රැකවරණය සැලසීමයි.
හිටපු ජනරාල් සමඟ ඔහුගේ ලේකම් ලෙස ක්‍රියාකළ කපිතාන් ෂාන් සිල්වා ද අත්අඩංගුවට ගෙන ඇත. මේ අතර ශ්‍රී ලංකා යුද හමුදාව යුද අපරාධ කළ බවට චැනල් ෆෝ රූපවාහිනියට වීඩියෝ පටයක්‌ සැපයූ ජර්මනියේ ෙ-. ඩී. එස්‌. (Jගෘගී) නම් වූ කොටි හිතවාදී මාධ්‍ය සංවිධානය පුවතක්‌ විකාශය කරමින් හිටපු විශ්‍රාමික ජෙනරාල් සමඟ ඔහුගේ මාධ්‍ය ලේකම් ෂාන් සිල්වා අත්අඩංගුවට ගත් බව කියා සිටියේය.
මින් ෙ-. ඩී. එස්‌. සංවිධානය ජාත්‍යන්තර ප්‍රජාවට පෙන්නීමට උත්සාහ කළේ මාධ්‍යවේදියකු අත්අඩංගුවට ගැනීමට රජය ක්‍රියා කර ඇති බවයි.
මෙම විශ්‍රාමික ජෙනරාල්වරයා අත්අඩංගුවට ගැනීමට පෙර මෙරට මාධ්‍ය නිදහස භයානක තත්ත්වයකට පත්ව ඇතැයි නිදහස්‌ මාධ්‍ය ව්‍යාපාරික කණ්‌ඩායම කියා සිටියහ. මාධ්‍ය නිදහස යනු ආරක්‍ෂක ලේකම්වරයා, කොටින්ව මරන්න යෑයි මේජර් ජෙනරාල් ශවේන්ද්‍ර සිල්වාට සැපවූ බවට මාධ්‍ය අඳබාලයකු විසින් හිටපු ජෙනරාල්ට කේලමක්‌ කීමද? එසේම ශ්‍රී ලංකා හමුදාව ද්‍රවිඩයන් මරන බව දක්‌වමින් බ්‍රිතාන්‍ය චැනල් ෆෝ රූපවාහිනියට සාවද්‍ය වීඩියෝ පටයක්‌ යෑවීමත් මාධ්‍ය නිදහස ද?
මේ මාධ්‍ය කේලම නිසා ශ්‍රී ලංකා හමුදාවට මේ වසරේ විදේශ රටවලින් ලැබිය යුතු පුහුණුවීම් ද නතර වී තිබේ. එසේම මහජන මුදල් විනාශ කරමින් එක්‌සත් ජාතීන්ගේ මානව හිමිකම් කොමසාරිස්‌ නවීපිල්ලේ හමුවේ කරුණු දැක්‌වීමට ද රජයට සිදුවී ඇත.
හිටපු විශ්‍රාමික ජෙනරාල්ගේ භූමිකාවට මේ සියලුම කරුණු ඇතුළත් ය. මේ නිසා හිටපු ජෙනරාල් යුද හමුදා පනත යටතේ අත්අඩංගුවට ගැනීම ගැන තවදුරටත් අටුවාටීකා අවශ්‍ය නැත. ලෝකයේ බලවත් රටවල හමුදා බලධාරීහු තම රටේ රහස්‌ තොරතුරු හෙළිකර නිලධාරින්ට ක්‍රියාකරන අයුරින් ශ්‍රී ලංකාවට ද එලෙස ක්‍රියා කිරීමේ හිමිකම ඇත.
එසේම කොටි රූකඩය වූ ලන්ඩනයේ බී. බී. සී. සේවාවට ප්‍රකාශයක්‌ කළ විපක්‍ෂ දේශපාලනඥයකු පැවසුවේ හිටපු ජෙනරාල්ව හමුදා පොලිසිය විසින් ඇදගෙන ගිය බවය.
එහෙත් මෙයට වසර ගණනකට පෙර රාජ්‍ය විරෝධී කුමන්ත්‍රණයක්‌ සම්බන්ධයෙන් සැකපිට අත්අඩංගුවට ගත් රහස්‌ පොලිස්‌ නිලධාරීන් දොඩම්පේ මුදලාලි සහ කෝප්‍රරල් තිලකවර්ධනව රහස්‌ පොලිසියට ගෙන ගියේ සුව පහසු පුටුවල හිඳුවා කරපිටින් ද යන්න විමසිය යුතුව ඇත.

දේශපාලන අං තට්‌ටු පැළඳගත් වෘෂභයෝ!

2010-02-09T04:15:00.000+05:30

දේශපාලන අං තට්‌ටු පැළඳගත් වෘෂභයන් විසින් කරනු ලබන ඕනෑම නීති විරෝධී වැඩක්‌ හෝ අමන ක්‍රියාවක්‌ ලේසියෙන්ම ආණ්‌ඩුවේ ගිණුමට බැර කිරීමේ වැරදි සම්ප්‍රදායක්‌ මේ රටේ ඇත. එහෙත් ඒ වැරැද්ද නිවැරදි කිරීමට ආණ්‌ඩු ක්‍රියා නොකිරීම නිසා ජනතාවගේ පැත්තෙන් කෙරෙන ඒ දෝෂාරෝපණය අසාධාරණ ද නැතැයි සමහරු කල්පනා කරති.

මේ බරපතල දේශපාලන වැරැද්ද නිසා දුම්රියක්‌, බස්‌රියක්‌ වෙලාවට ධාවනය නොවුවත් ආණ්‌ඩුවට බණින මිනිස්‌සු ඕනෑ තරම් සිටිති. දේශපාලන බලය නිසාම නීතියද තමන්ට වුවමනා පරිදි භාවිත කළ හැකි යෑයි සිතන දේශපාලනඥයෝ පමණක්‌ නොව ඔවුන්ගේ පුත්තු ද වෙති.
අපි එයට නිදසුන් දීමට උනන්දු නොවෙමු. එසේම දේශපාලන බලය අතට ගෙන නීතියට උඩින් පියාඹන ඇතැම් ඇමැතිවරුන්ගේ රැකවල්ලු මෙන්ම වෙනත් නිලධාරීහු ද සිටිති.
අද අපගේ මාතෘකාවද එබඳු නීච නිලධාරියෙක්‌ ගැනය. මේ මුග්ධයා පළමුවෙන්ම අපරාධයක්‌ කරන්නේ අර යහපත් ඇමැතිවරයාටය. මේ සියලුම දොස්‌ යන්නේ එතුමාගේ පිටින් හෙයිනි. ඒ කුමක්‌ වුවත් මේ සිද්ධිය ගැන අප ලියන්නේද මේ වර්ගයේ අමනයන්ගෙන් රටටත් ජනතාවටත් සිදු වන හානිය නිසාමය.
ගාල්ල දිස්‌ත්‍රික්‌කයේ පිහිටා තිබෙන කන්නෙලිය, ජෛව විවිධත්ව සංරක්‍ෂණ මධ්‍යස්‌ථානයක්‌ ලෙස ඉතා ප්‍රසිද්ධය. පරිසරවේදීන්ට අනුව මෙම ස්‌ථානය සිංහරාජ වර්ෂා වනාන්තරය තරමටම වැදගත්ය. එය නැරඹීම සඳහා විවිධ ප්‍රදේශවල සිට ජනතාව එති. පාසල් දරු දැරියෝද එති.
පසුගිය ජාතික නිදහස්‌ උළෙල පැවැති දිනයේදී ඇමැතිවරයාගේ නිලධාරින් ඇතුලු තුන්සියයක්‌ පමණ පිරිසක්‌ මෙම රක්‍ෂිතයට පැමිණ තිබේ. අපට වාර්තා වන පරිදි රක්‍ෂිතයේ නැවතුම් ශාලාව හයදෙනකුගේ නමින් වෙන්කර ඇත. මේ පිරිස සොබා අසිරිය නැරඹීමට නොව වෙනත් කාර්යක්‌ සඳහා පැමිණියෝ බවද කියති.
කෙසේ හෝ ඔවුන්ගේ රැස්‌වීම හෝ සමුළුව නිමවීමෙන් පසු ඔවුන් රක්‍ෂිතය තුළ මත් සාදයක්‌ පැවැත්වීමට සූදානම් වී ඇත. රක්‍ෂිතයේ නීති රීති අනුව එම ස්‌ථානයට මත්පැන් රැගෙන යාම පවා තහනම්ය. ඔව්හු පළමුව එම නීතිය බිඳ දැමූහ. දෙවනුව ඔවුන් එහි නිලධාරින්ගේ විරෝධය නොතකා මත් වතුර බීමට පටන් ගෙන තිබේ. එයට විරෝධය දැක්‌වූ නිලධාරියාට පහර දී ඇත්තේ ඉනික්‌බිතිවය.
මේ සිද්ධිය ඉතා බරපතලය. මතට තිත නමැති ජනාධිපතිතුමාගේ විශිෂ්ට සංකල්පයට මොව්හු පළමුවෙන්ම ගැරහූහ. දෙවනුව ආණ්‌ඩුවේ නීතිය මෙන්ම එකී සංරක්‍ෂණයේ නීතිය ද බිඳ දමා එහි සිටි නිලධාරියකුටද පහර දුන්හ. ඉන්පසු සිය සුරා සොඬුන් සමග ඒ ගෞරවනීය භූමියේ හිතුවක්‌කාරකම් කලහයි ද කියති.
මේ අපරාධය සිදු වූ දිනයේ රක්‍ෂිතය නැරඹීම සඳහා පැමිණි එක්‌ පිරිසක්‌ වූයේ මහරගම වජිරඥන ධර්මායතනයේ ගුරුවරුන් හා සිසු සිසුවියන්ය. මෙම දරුවන් නාන ස්‌ථානයේ ද මෙම නීති විරෝධී මත්පැන් පානය සිදුවන අයුරු වජිරඥනයෙන් වැඩම කළ භික්‍ෂූන් වහන්සේලාද දෑසින්ම දැක ඇතැයි කියති.
ලැඡ්ජා නැති එවුන්ට ඕනෑ තැනක හෙළුවෙන් සිටිය හැකි බව ඇත්තය. එහෙත් මේ පිරිස එබඳු නොපනත්කමක්‌ කර ඇත්තේ කා ඉදිරිපිටද යන්නත් සලකා බැලිය යුතුය. අනෙක්‌ අතට මේ පහරදුන් දේශපාලන චණ්‌ඩියාට උඩුගම පොලිසිය දැක්‌වූ බව කියන ප්‍රතිචාරය ගැන පොලිස්‌පතිතුමා වෙනම සොයා බැලිය යුතුය. නීති විරෝධී ක්‍රියාවට අමතරව අහිංසක නිලධාරියකුටද පහර දීමට තරම් ශක්‌තියක්‌ ඒ නිලධාරියාට තිබුණේ කෙසේද?
කන්නෙලිය රක්‍ෂිතයේදී පහර කෑමට ලක්‌වූ නිලධාරියා වෙනුවෙන් වෘත්තීය ක්‍රියාමාර්ගයකට යාමට ද වෘත්තීය සමිති සූදානමින් සිටිති. එය වෙනම කතාවකි. ඒ කුමක්‌ වුවත් අමු අමුවේ නීතියටද පයින් ගසා මෙලෙස හැසිරෙන කවරෙකුට වුවද නිලය බලය නොතකා නීතිමය පියවර ගැනීම පොලිසියේ ද රජයේ ද වගකීම බව අපි කියා සිටිමු.
මේ වර්ගයේ නිලධාරීන් ළඟ තබා ගන්නා කවර ඇමැතිවරයකු වුවද ජනතා අප්‍රසාදයට හා පිළිකුලට ලක්‌වීමේ අවදානම ද බොහෝය. මැතිවරණයක්‌ කටේ තියෙන මෙවන් මොහොතක ඒ වර්ගයේ අපතයන් වෙනුවෙන් ගෙවීමට සිදුවන වන්දිය ද බරපතල විය හැකි බවද කිව යුතුය.

Former CJ assisted by DGC open the floodgates for the revenue fraudsters

2010-02-08T03:42:00.001+05:30

Sri Lanka Customs Whistleblowers
Far-reaching effects of the TOYOTA LANKA ruling [SC Appeal No: 49/2008]

We, the Sri Lanka Customs Whistleblowers are an independent body formulated to fight corruption and abuse of power by any person holding any public office. Today, we bring with full confidence to the notice of the people about the background and the decision of a very important and infamous supreme court decision from the, government revenue view point, that set up a precedence with very damaging and far-reaching effects. The modus-operandi in this case, that was designed to protect the organised fraudsters has been a minutely planned and well supported by the DGC, by his deliberate inaction, and finally put into action by former CJ, by a creation of a bad law that has defied stringent measures against any form of revenue frauds devised in the Customs Ordinance, that were effectively used against the government revenue fraudsters to curb revenue frauds for centuries.

Therefore, the Customs Whistleblowers, we consider it is our duty to blow the whistle and to announce all law abiding people in this country, that the bad law created by the former CJ, has formulated a very safe methodology for the organized government revenue fraudsters effectively defying the government billions of its rightful revenue. The effect of the bad law created by the former CJ was such that it overrides the established statue law, the Customs Ordinance, a very powerful tool against the government revenue fraudsters. The CJ’s ruling in this case formulate a very safe methodology for the revenue fraudsters, to indulge in various types of unlawful actions, circumventing the deterrents imposed by the established by law, with no fear or concern whatsoever about the forfeiture of goods cleared by unlawful means and any further forfeitures that would have been imposed on them for defrauding the government revenue. The far-reaching consequences of the bad law created by the former CJ in this case is such that it had already denied the government of its rightful revenue of billions of rupees and the damages caused by the creation of this bad law continues unabated.

Subject matter of the case

The subject matter in this case is 40 vehicles of Toyota Land Cruizer vehicles imported and cleared through the customs by fraudulent means, defraying the government revenue of over Rs 119,520.000.00. The Customs revenue fraud preventive officers enforced the law against the revenue fraudster and caused the seizure of the vehicles, available with the importer, at the time of the initiation of their fraud preventive action. The importer involved in the fraud challenged the seizure before the Court of Appeal, yet their action failed as the Court of Appeal rejected their writ application wholly as it had no legal basis.

Ruling bad in law by the CJ

Then the fraudster businessman appealed against the ruling in the Supreme Court, and the hearing was allocated to the CJ by himself. The matter was argued before him on 30th June 2009 and the ruling by him was delivered on 30th July 2009 which, the Customs Whistleblowers say is baseless and manifestly unfounded.

The former CJ ruled that the order by the Court of Appeal is bad in law and held with the fraudster businessman. The CJ declared that the enforcement action by customs against the revenue fraudster is illegal and seizure of goods already cleared through Customs, defrauding the government revenue, is also manifestly illegal. The CJ, ruled that instead of seizure of goods - that have been forfeited by the operation of law- the revenue fraudster should have been allowed to pay the amount of customs duty defrauded and that the goods.

Former CJ opens the floodgates for the fraudsters

We, the Customs Whistleblowers, can declare that by this irrational ruling by the former CJ the floodgates have been effectively opened to the revenue fraudsters to defraud the government revenue at will with no risk of confiscation of goods imported by illegal means. We can say with certainty that as a result this blunder caused by the former CJ, the revenue losses that is being incurred by the government after the creation of this bad law is unimaginable. Exposing this high handed and manifestly illegal action by the former CJ, which we argue amounts to abuse of the office and the CJ, we urge the President Rajapakse to take appropriate steps to as quickly as possible to arrest the situation, which would otherwise cost the government of its rightful revenue in unimaginable scale. We also urge the President to examine a possibility of bringing an action against the former CJ, for his deliberate illegal and anti-social action that cost billions of rupees of public funds.

Unbecoming an utterly self-centered conduct of the DGC

The Customs Administration plays a very sensitive role concerning the government revenue, which is the lifeline of any government and this key government agency accounts for over 50% of the total revenue of the government. However, we can report with certainty that the incumbent DGC, whose primary duty is to protect the government revenue - section 137 of the Customs Ordinance - has been, instrumental in helping to create the bad law that only highly powerful politico-business-admin-mafia, that is capable of surviving itself under any regime. His deplorable conduct in this case, and his absolute silence and inaction about the aftermath of the creation of the bad law, with far-reaching effects that cost the government billions of rupees of its rightful revenue, is the best example that we could sight to establish his unbecoming conduct as the DGC. The DGC is fully aware of the losses being incurred by the government that continues unabated as a result of the bad law created by the CJ. Yet, he had betrayed the country and let the country to suffer dearly in the hands of powerful politico-business-admin-mafia that we say enjoy patronage of powerful agents in all government agencies, which include certain members in the Judiciary, that is required by law to exercise the peoples’ judicial power appropriately, and not according to the whim and fancies of their own.

Bare facts concerning the TOYOTA LANKA Case - SC Appeal No: 49/2008

Team of Customs officers led by Mr P Saman Silva, seized nine Toyota Land Cruiser vehicles after they had been cleared through the Customs. By the time of seizure, the importer had already sold 31 of such vehicles. The reason for the seizure was that the importer had defrauded the government revenue by suppressing the important information about the vehicles that would attract the higher rate of Customs duties and other levies. The investigations conducted, after the seizure of vehicles, had revealed that for each vehicle the imported has defrauded Rs 2,988.000.00 - well over 29 million rupees - of government revenue and the total amount defrauded was over 119 million.

Modus operandai of the fraud that caused the seizure of the vehicles

The Customs levies a lower rate of Customs duty for vehicle imported for passenger transport, whereas other vehicles - meant private use - are charged at the higher rate of duty. The determining factor of the applicable rate of duty is how the vehicle is designed - whether for private use or public use - and the number of seats provided in the vehicle. Accordingly, by law and procedure, the vehicles designed with 10 seats or over are classified as vehicles for passenger transport and the Customs duties are charged at a lower rate of duty whilst the vehicles designed for private use i.e. with seating capacity of nine or lesser are charged at higher rate of duty.

In this case, the importer in his declaration made to customs, had made a false declaration and had classified the vehicle [under HS code 8703.32.10.01] as a one designed for passenger transport, whereas the vehicles imported were in fact designed for private use with the lesser seating capacity. Accordingly, the importer had paid the lesser rate of duty applied for passenger transport vehicles and cleared the vehicles, almost certainly with the collusion of the officers appointed to examine the vehicles before release. Therefore the act committed by the importer, was illegal as he had managed to clear the vehicles by fraudulent means, defrauding the revenue of Rs 2,988.000.00 for each vehicle. By this willful fraudulent act, all vehicles had been forfeited by the operation law - in terms of section 47 of the customs ordinance - as the particulars provided in the bill of entry or customs declaration, disagreed with the particular of the goods imported against it. Therefore, the Customs officers had seized nine such vehicles, held with the importer at the time of raid conducted by customs, in terms of section 125 of the customs ordinance, which had been the practice followed according to law in similar cases all this time.

However, the importer Toyota Lanka, challenged the forfeiture before the Court of Appeal [CA application No 2118/2005]. Yet, the Court of Appeal refused their application that was obviously manifestly unfounded. Then the importer challenged the decision of the Court of Appeal before the Supreme Court, and which was taken up by former CJ himself.

Arguments for fraudsters by PC

At the hearing, the respondent, Toyota Lanka whose bill for the lawsuit was over 30 million rupees was represented by the PC which we believe should catch the attention of the Inland Revenue to explore what income declaration made by PC for the tax purposes for the year 2008/2009. PC argued that “seizure of vehicles by the customs officers are purely reward oriented” and that attitude had induced the officers of their the “overzealous” action in effecting the seizure and imposing penalties, whereas the proper cause of action would have been to recover the amount of revenue defrauded by the importer, under the provisions of section 18 of the Custom Ordinance, which was argued the “due process of law.” Counsel, further argued that, in event amount defrauded by the imported had been recovered under the section 18 of the Customs Ordinance, the entire quantum so recovered would have been credited to the revenue, not just 30% of the proceeds, had they been forfeited as the other 70% would have been credited to the reward fund and to the compensation fund - created by the law to encourage the revenue fraud preventive officers to enforce the Customs law effectively against the organized revenue fraudsters.

Counsel reinforced his argument with an allegation leveled against the officers, whose actions, in fact, would have recovered additional revenue by way of further forfeitures imposed on the importer for knowingly defrauding the government revenue and proceeds of crime that would have realized from the disposal of the vehicles forfeited by operation of law, in the case. Further, if not for the undue and irrational judicial intervention and creation of a bad law by the former CJ, the fraud preventive action by the officers would have clearly made the importer to think twice before committing similar fraudulent act in future that would cost them dearly, with stringent deterrents measures in place against such unlawful actions.

Counsel argued further that the customs officers resort to procedure of seizure of good even after “goods are examined passed by the Customs Officers”, in view of the reward scheme, where the officers are awarded financial rewards from the proceeds of revenue crimes collected by way of forfeitures, penalties and fines imposed on revenue fraudsters. He “enlightened the CJ, that in terms of the section 153, only 30% of total proceeds of revenue crimes are credited to the revenue and other 70% is goes to the reward fund and to the compensation fund – which we say is created by law to ensure effectiveness of the management of the Customs law and procedure. However, it was very unfortunate that neither the CJ nor the AG realized that if not for the preventive measure initiated by the revenue fraud preventive officers, nothing at all would have materialized by way of additional duty or proceeds of crime, generated from the disposal of the goods confiscated, a clear deterrent sanctioned by law to curb government revenue frauds.

Former CJ’s creation of bad law

The former CJ, refused to consider the submissions by the State that misdescription of the goods would be a fraudulent act on the part of the importer and the mere recovery duty so defrauded is not an adequate deterrent. The CJ, simply relied on the submissions of the Counsel and held that the actions of the customs officers is manifestly illegal and the proper cause of action would have been the recovery of revenue defrauded by the importer in terms of section 18 of the customs ordinance, in which case nothing would go the officers who initiated action against the revenue fraudster but the whole proceeds would go to the revenue. We, the Customs Whistleblowers, concerned with the proper enforcement of the Customs law, state with full responsibility that the bad law created by the former Chief Justice, is manifestly unfounded and irrational for number of reasons that are set out below.

Why the former CJ running is bad in law

Firstly his interpretation of sections 18, 47 and 125 of the Customs Ordinance is manifestly wrong. We, the Customs Whistleblowers can not thing of any reasons as to why the former CJ, unless he action motivated by some other consideration that best known to him, applied the provisions of section 18 of the Customs Ordinance in this case, which has nothing to do in cases where the revenue is defrauded by any person. His reasoning given for adopting the provisions of the section is manifestly unfounded. The new law created by the CJ that “proper course of action would be a requirement for payment for the amount due prior to delivery of goods or the recovery of the amounts due in terms of Section 18” is manifestly wrong and not the intention of the lawmakers, that imposed stringent measures against any form of defrauding of government revenue. The purpose of the provisions set out in Section 18 is to recovery of duties or charges short levied or erroneously refunded on a claim for refund of customs duties and the provisions of section 18 has no application whatsoever, in situation where there is a revenue fraud committed by any person, as in this case, where the importer had made a wrong classification with intend to defraud the government revenue. On the other hand the provision of law the former CJ talked about, is a relatively new amendment to the powerful Customs Law that was brought into operation well over 150 years ago and enforced fairly and squarely against all forms of revenue frauds. If the CJ’s interpretation of the Customs Law is the correct analysis, then what he implies is that from 1974 onwards - the year the amendment to section 18 that came into being, on what the CJ wholly relied upon - the law has been changed to facilitate the government revenue fraudsters.

The role played by the DGC, in this scam

We, the Customs Whistleblowers, say with full responsibility that this whole saga is a well calculated fraud committed by the former CJ, PC, assisted by the DGC, who had deliberately prevented the second Respondent in this case, the head of motor car unit, from making an affidavit to the Supreme Court, setting out the modus operandi of this fraud and the collusive action by the officers appointed to examined the vehicles before release. The second Respondent is the best person who is qualified to say that if not for the timely action taken by the fraud preventive officers, the government would have incurred a massive revenue loss as a result of the collusive actions by the officers appointed to examine the vehicles before release, with the revenue fraudster.

In terms of the Customs Ordinance, the primary duty vested in the DGC and the other officers of customs, is to protect the government revenue [Section 137 of the customs Ordinance]. We, the Customs Whistleblowers, say that DGC was under duty to initiate immediate investigation into this fraud after it had been detected by the third respondent P Saman de Silva, the fraud investigation officer and the third Respondent in the case. The DGC should have identified the officer or officers colluded with the revenue fraudster and passed the vehicles under wrong classification that attract lower rate of duty. In this case, the DGC was also under duty to deal with the officers responsible for the defrauding of the government revenue, under the provisions of 137 of the Customs Ordinance which require dismissal of the officers involved in the revenue fraud.

We, the Customs Whistleblowers, say that the DGC’s inaction in this case is deliberate and intentional and we say that the DGC is simply an accessory in this scam. Had he performed his legal duty, that would have exposed the fraudulent act on the part of the importer, and there would not have been any opportunity for the revenue fraudster to bring an action before the Court of law seeking a Writ against the officers who conducted enforcement action against the revenue fraudster. By his deliberate inaction the DGC, let the CJ, to exploit the absence of any statement by way of affidavit, by the second respondent, presence of which would have given no room at all to the CJ, to abuse his authority and to allow the Writ against the officers enforced the law against the revenue fraudster.

The CJ, in his ruling stated that “… the 2nd Respondent had not filed an affidavit and hence had denied the contention of the Appellant that the vehicles were examined by the 2nd Respondent prior to release…” It was stated further in the ruling that the “… 2nd Respondent has not stated anywhere the he me made a mistake… ” We, the Customs Whistleblowers say with full responsibility that refusal of a affidavit by the 2nd Respondent is a part of the well planned conspiracy that cooked up to facilitate the revenue fraudster.

It is very unfortunate that former CJ, like many other controversial decisions by him, had favored the government revenue fraudster in this case, having fully aware that he would open the floodgates for the revenue fraudsters with his irrational ruling. We invite every law abiding citizen to examine the so-called ruling by the former CJ that is reproduced in our webpage, which demonstrate his collusion with the revenue fraudster that is quite obvious to any lay person who reads his ruling.

He knew the gravity of the fraud committed by the importer and the total revenue defrauded by the importer. Therefore, we say that in his ruling he had been very careful not to utter a word about the total amount of government revenue the importer defrauded that is well over one hundred and nineteen million rupees [Rs. 119,520.000.00].

If not for some form of interest in this case, which is obvious by the manifestly unfounded reasoning given to justify his ruling, the proper course of action would have been to affirm ruling given by the the Court of Appeal and to issue a show cause notice on the Director General of Customs for the failure in part to take action as required by law that are set out below.

1. Demand the DGC, to show cause for his inaction against the officers responsible for releasing the goods in the very first instance, in terms of section 137, which attract an imposition of a forfeiture of Rs 100,000.00 on the officer or officers involved in this case and their dismissal from the Customs Service.

2. Demand the DGC to show cause as to why he failed to submit a affidavit from the second respondent in the case, the Deputy Director of Customs, giving reasons for failure on his part to seize the vehicle when they are presented for examination with a bill of entry that clearly disagreed with the vehicles

Take measures to close floodgates opened for fraudsters by the former CJ

We, the Customs Whistleblowers, still have not lost the trust in the reelected Peoples’ President Mahinda Rajapakse, who promised to devote his second term to eradicate bribery and corruption in all institutions. In this particular case the damage caused by the bad law created by the former CJ, has several extremely damaging ramifications. Therefore, demand the people to set up an awareness campaign with a view to urge the President Rajapakse to intervene immediately to arrest the deplorable situation created by the bad law that has effectively negated the Statute, the Customs Ordinance. We urge the President to initiate action to bring a revision application to the Supreme Court to nullify the bad law created by the former CJ, which brought in the following ramifications.

1. In effect, as a result of the CJ’s bad law, the importers are encouraged to defraud the government by resorting to follow any fraudulent mythology and the Customs have already experienced heavy revenue loss due to false declarations, misdescription of goods and under statement of valuation of goods.

2. Thanks to CJ’s irrational ruling, the power vested in the officers by the section 125 of the Customs Ordinance have been completely nullified and negated. And no goods on which government revenue has been defrauded and hence forfeited by operation of law can be seized by customs any more and such action have been declared ultra vires ipso facto.

3. In the event any fraud is detected by frauds preventive officers, after released of goods, the importer can simply get away from effect of the operation of law against them. The goods so imported by unlawful means and thereby forfeited by operation of law are no more considered forfeited by the operation of law.

4. Now, with the bad law created by the former CJ, a new precedence has been set up. And the revenue fraudsters are encouraged to exploit the bad law to their advantage and maximize the defrauding of the government revenue. In the very unlikely event of been detected, now the fraudsters are allowed to pay the amount of government revenue so defrauded to customs and get away from forfeiture of goods and further forfeitures that would have been imposed on them for knowingly concerned in defrauding the government revenue.

මාලදිවයින රජය පෙරළු ඡේම්ස්‌ මැක්‌ග්‍රාත්ගේ ශ්‍රී ලංකා රජය පෙරළීමේ මෙහෙයුම බිඳ වැටීම

2010-02-06T04:35:00.001+05:30

කීර්ති වර්ණකුලසූරිය-දිවයින
ඡේම්ස්‌ මැක්‌ග්‍රාත්ගේ අරමුණ වූයේ මාලදිවයිනේ ඒකාධිපතියා ඉවත් කිරීමයි.

තිස්‌හය හැවිරිදි ඡේම්ස්‌ ඇන්තනි මැක්‌ග්‍රාත් නමැති ඕස්‌ටේ්‍රලියානු ජාතිකයා ගැන මුලින්ම අසන්නට ලැබුණේ මාලදිවයිනේදීය. පසුගිය අගෝස්‌තු 23 වැනිදා මොහු කටුනායක ගුවන්තොටුපලින් දිවයිනට පිවිසින්නේ සංචාරකයකු වේශයෙනි. එහෙත් මෙරට බුද්ධි අංශ ඔහු කවුරුන්ද ශ්‍රී ලංකාවට පැමිණියේ කුමකටද යන්න විමර්ශනය කළේ නැත. අගෝස්‌තු 23 වැනිදා මෙරටට පැමිණි මැක්‌ග්‍රාත් එදින රාත්‍රියේම මෙරටින් පිටව ගියේය. යළි ඔහු මෙරටට සම්ප්‍රාප්ත වූයේ දෙසැම්බර් 14 වැනිදායි. හෙතෙම ජනවාරි 03 වැනිදා තෙක්‌ මෙරට රැඳී සිට සියරට බලා ගියේය. එහෙත් කිසිම විමර්ශනයක්‌ නොවිණි. මන්ද සංචාරයකු නිසාය. ජනවාරි 18 වැනිදා ඡේම්ස්‌ මැක්‌ග්‍රාත් යළි මෙරටට ආවේය. එවර ඔහුට පෙබරවාරි 17 තෙක්‌ වීසා බලපත්‍ර ලැබිණි. මේ ඡේම්ස්‌ මැක්‌ග්‍රාත් වෙනින් කවුරුත් නොව මාලදිවයිනේ ජනාධිපති මයුම් අබ්දුල් ගයුqම්ගේ රජය පෙරළා දැමිමට බ්‍රිතාන්‍ය කොන්සර්වෙටිව් පක්‍ෂ බලධාරීන් විසින් රජයේ අරමුදල්වලින් ගුවන් ප්‍රවේශපත් හා හෝටල්වල නතර වීම සඳහා මූල්‍ය පහසුකම් ලබාදී එවූ කොන්ත්‍රාත්කරුය. මැක්‌ග්‍රාත් මාලදිවයින විපක්‍ෂ නායක නෂිද් වෙනුවෙන් ජනාධිපති ගයුම්ට එරෙහිව විවිධ ක්‍රමවේද දියත් කරනු ලැබිණ. ඉන් එක්‌ ක්‍රමවේදයක්‌ නම් සාවද්‍ය විද්යුත් ලිපියි. මේවා මාලදිවයින මාධ්‍ය විසින් ද හෙළිකෙරුණි.
ඡේම්ස්‌ මැක්‌ග්‍රාත්ගේ ඊළඟ කොන්ත්‍රාත්තුව ශ්‍රී ලංකා ජනාධිපති ප්‍රමුඛ රජය පෙරළා දැමීමයි. මේ සඳහා බ්‍රිතාන්‍ය රජය අනියම් ලෙස සහාය වී ඇති බව සැක කළ හැකිය.
රජයේ අරමුදල් ලබාදෙමින් බ්‍රිතාන්‍ය කොන්සර්වෙටිව් පක්‍ෂය මාලදිවයින ජනාධිපතිට එරෙහිව ක්‍රියා කළා නම් වත්මන් බ්‍රිතාන්‍ය රජයේ විදේශ ඇමැති මිලිබෑන්ඩ් ප්‍රමුඛ කල්ලිය මෙරට ජනාධිපතිට එරෙහිව ක්‍රියා නොකර ඇතැයි කිවහැකිද?
ඔයෑ ඊරසඑසිය ජදබිeරඩ්එසඩැ ච්රඑහ මිed a ටදඩඑග ඨර්බඑ එද මෙබා යසි aසරෙaරු aබා යදඑeක ජදිඑs දෙර බසබැ daහි as a sයදඅ දෙ sමචචදරඑ දෙර එයෑ දචචදිසඑසදබ ච්රඑහග
මෙලෙස මාලදිවයින රජය පෙරළා දැමීමට ක්‍රියා කළ මැක්‌ග්‍රාත් කොළඹ තරුපහේ හෝටලයකට වී සිදු කළ මෙහෙයුම ගැන හෙළි වූයේ ජනාධිපතිවරණ දිනයේය. මෙහිදී නැඟෙන ප්‍රශ්නය නම් ඔස්‌ටේ්‍රලියානු ලිබරල් පක්‍ෂයේ නියෝජ්‍ය අධ්‍යක්‍ෂ ඡේම්ස්‌ මැක්‌ග්‍රාත්ට මෙරට දේශපාලන කටයුතුවලට මැදිහත් විය හැකිද යන්නයි.
කොටින්ගේ ටැමිල් ජස්‌ටිස්‌ නමැති වෙබ් අඩවිය විසින් ඡේම්ස්‌ මැක්‌ග්‍රාත් සම්බන්ධව මෙලෙස හෙළි කර තිබිණි. පසුගිය දෙසැම්බර් මාසයේ සිට මැක්‌ග්‍රාත් ශ්‍රී ලංකාවේ විරුද්ධ පක්‍ෂ සංධානය සමග නිහඬව කටයුතු කරනු ලැබීය. හිටපු හමුදාපතිවරයාව ජයග්‍රාහී මාවතට ගෙන ඒම සඳහා කරුණු දහයක්‌ මත ඔහු ක්‍රියා කළේය. ශ්‍රී ලාංකිකයන්ගේ ප්‍රශ්නවලට ප්‍රතිචාර දැක්‌වීම සඳහා ස්‌ථාවර රජයක්‌ තිබිය යුතු යෑයි ඔහු කියා සිටියේය.
බ්‍රිතාන්‍ය ටෙලිග්‍රාප් පුවත්පත පෙබරවාරි 2 වැනිදා පුවතක්‌ පළ කරමින් විධායක බලතල ඉවත් කිරීම අගමැතිගේ කටයුතු ස්‌ථාපිත කිරීම සහ ද්‍රවිඩයන්ව නැවත පදිංචි කරවීමේ කටයුතු වේගවත් කිරීම සඳහා ඡේම්ස්‌ මැක්‌ග්‍රාත් පිඹුරුපත් සකස්‌ කළ බව කියා සිටියේය.
මේ නිසා වෙනත් අටුවාටිකා අවශ්‍ය නැත. විපක්‍ෂයේ දේශපාලනඥයකු විසින් ඡේම්ස්‌ මැක්‌ග්‍රාත්ව මෙරටට කැඳවනු ලැබූ බව මෙම ටෙල්ග්‍රාප් පුවත්පත තහවුරු කරද්දී හෙළිවන සැබෑ යථාර්ථය කුමක්‌ද?
ඒ ඡේම්ස්‌ මැක්‌ග්‍රාත් සහ ඔහු පිටුපස සිටි විදේශ බලවේගයි. මෙහිදි මතුවන ප්‍රශ්න මෙසේයි.
* සංචාරකයකු වේශයෙන් මෙරටට සම්ප්‍රාප්ත වූ ඡේම්ස්‌ මැක්‌ග්‍රාත් කර ඇත්තේ නීති විරෝධී ක්‍රියාවකි.
මේ නිසා මේ ඔස්‌ටේ්‍රලියානුවාට මෙරටට පැමිණීම තහනම් කළ යුතුය.
ඡේම්ස්‌ මැක්‌ග්‍රාත් මෙරටට සම්ප්‍රාප්ත වී දින ගණනාවක්‌ම සුපිරි හෝටලයක නතර වී රජය පෙරලා දැමීමේ මෙහෙයුම් දියත් කරද්දී බුද්ධි සේවා සිටියේ කොහේද?
ඊශ්‍රායලයේ මොසාඩ් ඔත්තු සේවාව තම රටට එන සංචාරකයන්ගේ හා මාධ්‍යවේදීන්ගේ පසුබිම දනී. එහෙත් මෙරට එවැනි පර්යේෂණ අංශයක්‌ නැත. මෙය පුදුමයක්‌ නොවේ.
ගාසා තීරයට ගොස්‌ ඊශ්‍රායල් හමුදාවට එරෙහිව තොරතුරු සෙවූ කැරිනා මිර්ජාම් නමැති ස්‌විස්‌ මාධ්‍යවේදිනියට මෙරටට ඒමට ද ඉඩ ලැබිණි.
මෙම තත්ත්වය මත සංචාරකයන් වේශයෙන් මෙරටට එන විදේශිකයන්ට මෙරට අභ්‍යන්තර කටයුතුවලට මැදිහත්වීමට ඉඩ ලැබී ඇතැයි පැහැදිලිය.
මාලදිවයිනේ හිටපු ජනාධිපති මයිමු අබ්දුල් ගයුම් වරක්‌ පැවසුවේ අධික මුදලක්‌ ගන්නා සාවද්‍ය තොරතුරු විකාශනය කරන මැක්‌ග්‍රාත් මාලදිවයිනේ මුස්‌ලිම් ආගම අවතක්‌සේරුවකට ලක්‌ කරන බවයි.
මාලදිවයිනේ ජනාධිපති පැන්නීම සඳහා මැක්‌ග්‍රාත් දියත් කළ මෙහෙයුම සාර්ථක විය. පසුගිය 29 වැනිදා ඔහු ශ්‍රී ලංකාවේ කොන්ත්‍රාත්තුව පරාද වීම සහ මෙරටින් පිටව ගියේය. ඊට පෙර බ්‍රිතාන්‍ය මාධ්‍ය ඇමතූ ඡේම්ස්‌ මැක්‌ග්‍රාත් රජයේ මාධ්‍ය විසින් ජනාධිපතිට දුන් ප්‍රචාරය නිසා අප විනාශ වුයේ යෑයි කියා සිටියේය.
මෙයට පෙර ලන්ඩන් නගරාධිපති බොරිස්‌ ජොන්සන්ගේ මැතිවරණ උපදේශක ලෙස ක්‍රියා කළ මැක්‌ග්‍රාත් කළු ජාතිකයන්ට ඕනෑ නම් බ්‍රිතාන්‍යයෙන් පිටව යාහැකි යෑයි ප්‍රකාශ කිරීම නිසා එකී ධුරයෙන් ඉවත් කෙරුණි.
මේ තත්ත්වය මත ශ්‍රී ලංකාවේ ජනතාව විසින් පත් කර ගත් ජනාධිපතිව ඉවත් කිරීම සඳහා මෙරටට ගෙන්වූයේ ඡේම්ස්‌ මැක්‌ග්‍රාත්ය. මේ නිසා මතුවන ප්‍රශ්නය නම් සංචාරකයන් වේශයෙන් එන විදේශිකයන්ට මෙරට අභ්‍යන්තර කටයුතුවලට මැදිහත්වීමට ඉඩ දෙන්නේද යන්නයි.

හමුදාව ජෙනරාල්කරණයෙන් යන යකා කොරහත් බිඳගෙන ගියා

2010-02-05T03:53:00.000+05:30

සිරිමෙවන් කස්‌තුරිආරච්චි

යන යකා කොරහත් බිඳගෙන ගියා සේ ජෙනරාල් සරත් ෆොන්සේකා ගියේද යුද හමුදාව දෙකඩ කර භේද බින්න කරවමිනි.

ඔහු සියලු ආකාරයේ පාවාදීම් සිදු කරමින් දේශපාලනයට පිවිසීම ගැන ප්‍රශ්නයක්‌ නැත. එහෙත් අවසානයේදී යුද හමුදාව ජාත්‍යන්තරයට පාවාදී ඉන් නොනැවතී යුද හමුදා නිලධාරීන් රැසක්‌ හමුදා කුමන්ත්‍රණයකට පොළඹවාගෙන සිදු කිරීමට සූදානම් වූ මහා විනාශය සහ ඊට එක්‌ව සිටි හමුදා ප්‍රධානීන්ට අද අත්වී තිබෙන ඉරණම පිළිබඳ වගකීම ජෙනරාල් ෆොන්සේකාට භාර ගැනීමට සිදුවී ඇත.ජෙනරාල් ෆොන්සේකාගේ ජනාධිපතිවරණ සටනට සහාය දුන් සහ ඔහුගේ කුමන්ත්‍රණකාරී මෙහෙයුමට සූදානම්ව සිටි බවට චෝදනා ලැබ සිටින විශ්‍රාමික හා පැනගිය හමුදා නිලධාරීන් පිළිබඳවද අනාවරණය වී තිබේ. කෙසේ වෙතත් හමුදා සේවයේ උසස්‌ තනතුරු දරමින් සිටියදී ජෙනරාල් ෆොන්සේකාගේ සහායට කටයුතු කළේ නම් එම හමුදා නිලධාරීන් බරපතල වරදක්‌ කර ඇති බව කිව යුතුය. මෙහි තිබෙන අතිශය බරපතල තත්ත්වය වනුයේ යුද හමුදාවේ දෙවැන්නාගේ සිට ජ්‍යෙෂ්ඨ නිලධාරීන් රැසක්‌ම රාජකාරියෙහි නිරතව සිටියදීම හිටපු යුද හමුදාපතිවරයාට සහයෝගයදී හමුදා කුමන්ත්‍රණයක පාර්ශ්වකරුවන් වී සිටින බවට චෝදනා එල්ල වීමයි.
ප්‍රජාතන්ත්‍රවාදයට පටහැනි මෙවැනි හමුදා කුමන්ත්‍රණයට සම්බන්ධ වූ බවට චෝදනා ලද හමුදා නිලධාරීන් රැසක්‌ම මේ වන විට ආරක්‍ෂක අංශ අත්අඩංගුවේ පසුවෙති. ඔවුන් අතර විශ්‍රාමික හා හමුදාවෙන් පැනගිය මෙන්ම තවමත් සේවයෙහි නිරත හමුදා නිලධාරීහු ද වෙති. ඊට අමතරව ජනාධිපතිවරණ ප්‍රතිඵල නිකුත්වීමෙන් පසුව ප්‍රචණ්‌ඩ ක්‍රියා සිදුකරමින් යුද හමුදාවේ සහයෝගය ලබාදීමේ හමුදා කුමන්ත්‍රණයට රහසිගතව සම්බන්ධ වී සිටි බව කියන ජ්‍යෙෂ්ඨ හමුදා නිලධාරීන් රැසක්‌ පිළිබඳ තොරතුරු ද අනාවරණය වී තිබේ.
මේ වන විට ඔවුන්ගෙන් කොටසක්‌ හමුදා සේවයෙන් අනිවාර්ය විශ්‍රාම ගන්වා ඇති අතර, සෙසු අය දරමින් සිටි වගකිව යුතු උසස්‌ තනතුරුවලින් ඉවත්කර සාමාන්‍ය රාජකාරි සඳහා යොදවා ඇතැයි ද වාර්තා වේ. එහි ප්‍රතිඵලයක්‌ ලෙස යුද හමුදා මාණ්‌ඩලික ප්‍රධානි (Cයසැෙ දෙ sඒෙෙ) තනතුර උසුලමින් යුද හමුදාවේ දෙවැන්නා ලෙස කටයුතු කළ මේජර් ජෙනරාල් මෙන්දක සමරසිංහ වහාම එම තනතුරින් ඉවත්කර මේජර් ජෙනරාල් දයා රත්නායක එම තනතුරට පත්කිරීමට ජනාධිපති මහින්ද රාජපක්‍ෂ මහතා පියවර ගනු ලැබීය. ඒ සමගම යුද හමුදාවේ ප්‍රධාන තනතුරුද හොබවමින් සිටියදීම රහසිගතව ජෙනරාල් සරත් ෆොන්සේකාට සහාය දෙමින් ද්විත්ව ඒජන්තයන් (Dදමඉකැ aටැබඑ) ලෙස කටයුතු කළ තවත් ජ්‍යෙෂ්ඨ නිලධාරීන් රැසක්‌ද ඔවුන්ගේ තනතුරුවලින් ඉවත්කර වෙනත් තනතුරුවලට මාරුකර තිබේ.මෙම හමුදා කුමන්ත්‍රණයේ ඇති භයානක තත්ත්වය නම් යුද හමුදාවේ මාණ්‌ඩලික ප්‍රධානි ස්‌වේච්ඡා බලසේනා සේනාවිධායක , නියෝජ්‍ය මණ්‌ඩලික ප්‍රධානි යුද උපකරණ පාලක ජෙනරාල් සේනාංකාධිපති බලසේනාධිපති අණදෙන නිලධාරි වැනි වගකිව යුතු උසස්‌ තනතුරු හොබවන ජ්‍යෙෂ්ඨ නිලධාරීහු රැසක්‌ ඊට සහභාගි වී ඇති බවට තොරතුරු හෙළිවීමය.
එම නිලධාරීන් පිළිබඳව බුද්ධි අංශ විසින් තොරතුරු අනාවරණය කර ගැනීමෙන් අනතුරුව ඔවුන් වහාම එම තනතුරුවලින් මාරුකර යෑවීමට පියවර ගන්නා ලදී.
යුද හමුදා ස්‌වේච්ඡා බලසේනාවේ සේනාවිධායක මේජර් ජෙනරාල් ඡම්මික ලියනගේ එම තනතුරින් ඉවත්කර පසුව ඔහු අනිවාර්ය විශ්‍රාම යෑවීමට පියවර ගත් අතර, එම තනතුරට මේජර් ජෙනරාල් අරුණ ජයතිලක පත් කළේය.
යුද හමුදාවේ විධායක ජෙනරාල් (Adවමඒබඑ ඨැබැර්ක) තනතුරු උසුලමින් සිටි ඔහු සිංහ රෙජිමේන්තු අධිපති (ඤකදබැක දෙ එයෑ Reටසපැබඑ) වශයෙන්ද කටයුතු කරයි. සිංහ රෙජිමේන්තුවට අයත් ජ්‍යෙෂ්ඨ නිලධාරීන් කීපදෙනකුම ජෙනරාල් සරත් ෆොන්සේකා යුද හමුදාපතිව සිටියදී ඔහුගේ උදහසට ලක්‌වී සිටි අතර, මේජර් ජෙනරාල් අරුණ ජයතිලක ද එසේ පලිගැනීමට ලක්‌වූ නිලධාරියෙකි. මේජර් ජෙනරාල් පරාක්‍රම පන්නිපිටිය, බ්‍රිගේඩියර් චන්දන බණ්‌ඩාර රාජගුරු, බ්‍රිගේඩියර් බොනිෆස්‌ පෙරේරා සහ විශ්‍රාමික මේජර් ජෙනරාල් සනත් කරුණාරත්න හිටපු යුද හමුදාපතිවරයාගේ පලිගැනීමට ලක්‌වූ සිංහ රෙජිමේන්තුවට අයත් ජ්‍යෙෂ්ඨ නිලධාරීහු වෙති.
බ්‍රිගේඩියර් චන්දන බණ්‌ඩාර රාජගුරු කිලිනොච්චිය ආරක්‍ෂක සේනා ආඥපති වශයෙන් පසුගියදා වැඩ භාරගනු ලැබීය. ඒ සමඟ තවත් නව ආරක්‍ෂක සේනා ආඥපති තිදෙනකු පත්කළ අතර, මේජර් ජෙනරාල් මහින්ද සතුරුසිංහ (යාපනය) මේජර් ජෙනරාල් අතුල ජයවර්ධන (මුලතිව්), බ්‍රිගේඩියර් සුසිල් උඩුමලගල (නැගෙනහිර) එම නව ආඥපතිවරු වෙති.
මේ අතර නැගෙනහිර හිටපු ආරක්‍ෂක සේනා ආඥාපති මේජර් ජෙනරාල් ජගත් රඹුක්‌පොත යුද හමුදා මූලස්‌ථානයේ යුද උපකරණ පාලක ජෙනරාල් වශයෙන් පත්කරන ලදී. කාලතුවක්‌කු රෙජිමේන්තුවට අයත් දක්‍ෂ නිලධාරියකු වන හෙතෙම වන්නි මානුෂීය මෙහෙයුම ආරම්භක සමයේදී කලක්‌ 56 වැනි සේනාංකාධිපති වශයෙන් ද කටයුතු කළේය. නව තනතුරට අමතරව මේජර් ජෙනරාල් රඹුක්‌පොත කමාන්ඩෝ රෙජිමේන්තු අධිපති ලෙසද පත්කර ඇත.
එවක ජගත්ලා තිදෙනකුගේ නායකත්වය වන්නි මානුෂීය මෙහෙයුමට ලැබී තිබිණි. වන්නි මෙහෙයුමේ අවසන් විජයග්‍රහණය දක්‌වා වන්නි ආරක්‍ෂක සේනා ආඥපති වශයෙන් සේනාංක සියල්ලටම සමස්‌ත නායකත්වය දුන් වත්මන් යුqද හමුදාපති ලුතිනන් ජෙනරාල් ජගත් ජයසූරිය ඉන් එක්‌ අයෙකි.
වන්නි මෙහෙයුම අවසානය දක්‌වා 57 වැනි සේනාංකයට නායකත්වය දුන් මේජර් සේනරාල් ජගත් ඩයස්‌ අනෙක්‌ ජගත් විය.
ජෙනරාල් සරත් ෆොන්සේකා බලයට පත්කිරීම සඳහා සැලසුම් කර තිබූ බවට තොරතුරු අනාවරණය වී ඇති හමුදා කුමන්ත්‍රණයට සම්බන්ධවී ඇතැයි සැක කෙරෙන සක්‍රීය හමුදා සේවයේ නිරතව සිටි හමුදා නිලධාරීන් 14 දෙනකු අනිවාර්ය විශ්‍රාම යෑවීමට පියවර ගෙන ඇති අතර, ඔවුන් අතර සිටින බ්‍රිගේඩියර්වරයකු මේ වන විට අත්අඩංගුවට ගෙන රැඳවුම් නියෝග මත රහස්‌ පොලිසිය භාරයේ පසුවෙයි. සිංහ රෙජිමේන්තුවට අයත් බ්‍රිගේඩියර් දුමින්ද කැප්පෙටිවලාන එම බ්‍රිගේඩියර්වරයා වන අතර, ජෙනරාල් ෆොන්සේකා යුද හමුදාපති තනතුර හෙබවූ සමයේ බ්‍රිගේඩියර් කැප්පෙට්‌වලාන ඉතා ප්‍රබල හමුදා චරිතයක්‌ බවට ප්‍රකටව සිටියේය.
මේජර් ජෙනරාල් ඡම්මික ලියනගේ (කාලතුවක්‌කු), මේජර් ජෙනරාල් රාජිත සිල්වා (විජයබාහු), මේජර් ජෙනරාල් මහේෂ් සේනානායක (ඉංජිනේරු), මේජර් ජෙනරාල් ජයනාත් පෙරේරා, (සිංහ) මේජර් ජෙනරාල් සමන්ත සූරියබණ්‌ඩාර (කමාන්ඩෝ) බ්‍රිගේඩියර් දුමින්ද කැප්පෙටිවලාන (සිංහ), බ්‍රිගේඩියර් අතුල හැන්නැදිගේ (සිංහ), බ්‍රිගේඩියර් ජනක මොහොට්‌ටි (සිංහ), බ්‍රිගේඩියර් බිමල් ඩයස්‌ (යුද හමුදා පොලිසිය), බ්‍රිගේඩියර් වසන්ත කුමාරපෙරුම (සිංහ), කර්නල් තිලක්‌ උභයවර්ධන (යුද හමුදා පොලිසිය) ලුතිනන් කර්නල් ජයසූරිය සහ කපිතාන් ක්‍රිශාන්ත අනිවාර්ය විශ්‍රාම යෑවූ හමුදා නිලධාරීහු වෙති.
මෙම නිලධාරීන්ට අමතරව තවත් හමුදා නිලධාරීන් රැසක්‌ පිළිබඳව තොරතුරු බුද්ධි අංශ වෙත අනාවරණය වී ඇති අතර, දැනට තනතුරුවලින් මාරුකර යවා සිටින එම නිලධාරීන් පිළිබඳ ඉදිරියේදී අවශ්‍ය නීතිමය පියවර ගැනීමට නියමිතව ඇත.
ජෙනරාල් සරත් ෆොන්සේකාට සහයෝගය දැක්‌වූ බවට සහ හමුදා කුමන්ත්‍රණයකට සූදානම්ව සිටි බවට සැක කෙරෙන හමුදා ප්‍රධානීන් රජයට සහ යුද හමුදාපතිවරයාට විශ්වාසවන්ත අයුරින් කටයුතු කළ බැවින් ඔවුන්ට උසස්‌ වගකිවයුතු තනතුරු ලබාදීමට ද යුද හමුදාපති ලුතිනන් ජෙනරාල් ජගත් ජයසූරිය පියවර ගෙන තිබිණි.
එසේ තිබියදී එම නිලධාරීන් ද්විත්ව රඟපෑමක නිරතව මිරිඟුවක්‌ පසුපස දිවගොස්‌ අවසානයේදී සිය හමුදා ජීවිතයද අවදානමකට ලක්‌කරගෙන අද රාජෙද්‍ර`හීන් බවට පත්ව සිටීම ෙ€දජනක තත්ත්වයකි.
හමුදා මාණ්‌ඩලික ප්‍රධානියාව සිටි මේජර් ජෙනරාල් මෙන්දක සමරසිංහ එම තනතුරින් ඉවත්කර මේජර් ජෙනරාල් දයා රත්නායක එම තනතුරට පත්කරන ලදී.
බඳවාගැනීම් අංක 13 යටතේ 1980.02.06 වැනි දින කෙඩෙට්‌ නිලධාරියකු ලෙස යුද හමුදාවට බැඳුන හෙතෙම 1981.07.18 වැනි දින දෙවන ලුතිනන්වරයකු ලෙස පාබල රෙජිමේන්තුවට එක්‌විය.
මාණ්‌ඩලික ප්‍රධානි තනතුරට පත්වන එම මේජර් ජෙනරාල් රත්නායක පුනරුත්ථාපන කොමසාරිස්‌ ජෙනරාල් වශයෙන් සහ පාබල රෙජිමේන්තුවේ අධිපති වශයෙන් කටයුතු කරමින් සිටියේය.
නැගෙනහිර මානුෂීය මෙහෙයුම ඇරඹෙන විට වැලිකන්ද 23 වැනි සේනාංකාධිපතිව සිටි ඔහු නැගෙනහිර මුදා ගැනීමේ විජයග්‍රහණයට නායකත්වය දුන් අතර පසුව ජෙනරාල් සරත් ෆොන්සේකාගේ පලිගැනීමට ලක්‌වීම නිසා ඔහුට 23 වැනි සේනාංකාධිපති තනතුර අහිමි විය. එහිදී ඔහුට සිදු වූයේ සටන් බිමට නායකත්වය දීම පසෙකලා උතුරු ප්‍රදේශයේ ඉදිරි නඩත්තු ආඥපති ලෙස කටයුතු කිරීමටය.
දක්‍ෂ සටන් බිම අණදෙන්නකු ලෙස යුද හමුදාව තුළ පිළිගැනීමට ලක්‌වී සිටි මේජර් ජෙනරාල් දයා රත්නායකට එසේ සටන් බිමින් ඉවත්වී සිටීමට සිදු වුවද, කලකට පසුව හෝ සිය දක්‍ෂතාවට සහ කැපවීමට සුදුසු පරිදි සාධාරණය ඉටුවීම සතුටට කරුණකි.
එය එසේ සිදුවන අතරේ යුද හමුදාවේ මාණ්‌ඩලික ප්‍රධානි මේජර් ජෙනරාල් මෙන්දක සමරසිංහ, නියෝජ්‍ය මාණ්‌ඩලික ප්‍රධානි මේජර් ජෙනරාල් උපුල් පෙරේරා, අධ්‍යක්‍ෂ ජෙනරාල් ප්‍රධාන මාණ්‌ඩලික මේජර් ජෙනරාල් ශ්‍රීනාත් රාජපක්‍ෂ යන ජෙZHෂ්ඨ නිලධාරීන්ටද සිය තනතුරු අහිමිව ආරක්‍ෂක මාණ්‌ඩලික ප්‍රධානි මාණ්‌ඩලික ප්‍රධාන මූලස්‌ථානයට මාරුවී යැමට සිදුවී ඇත.
රටේ ජාතික ආරක්‍ෂාවට සෘජුවම බලපාන විශාල අර්බුදයක්‌ යුද හමුදාව තුළ ගොඩනැඟීමට මෙරට බලලෝභී දේශපාලනය හේතුවී තිබීම අවාසනාවන්ත තත්ත්වයක්‌ බව අප සැම වටහාගත යුතුව ඇත.

කිරිබත් හා මිනිමස්

2010-02-04T01:30:00.002+05:30

චන්ද්‍රසේන පණ්ඩිතගේ විසිනි.

පෙබරවාරි මස 2වෙනිදා TNL රූපවාහිනී නාලිකාවේ පැවති ජනහඩ දේශපාලන සංවාදයේදී, බිමල් රත්නායක මන්ත්‍රිතුමාණෝ පැවති ජනාධිපතිවරණය සම්බන්ධව අපූරු අදහස් පෙලක් පල කලහ. "ඔය කියන විදියට ජයග්‍රාහණයක් ලෑබුවා නම්, කෝ සැමරුම් උත්සව?" ඔහුගේ එක පැනයක් විය.

සත්‍යවශයෙන්ම එය ඔහුට ඇගට දැණුන තත්වයක් විය. කෝ සැ..මැරුම්........කෝ සැ....මැරුම් ඔහු පුන පනා නගන ප්‍රශ්නයයි. බිමල් රත්නායන මහත්තයලා ජයග්‍රහණය සමරණ ආකාරය හා මහින්ද රාජපක්ෂ, ගෝඨාභය රාජපක්ෂ ප්‍රමුඛ දේශප්‍රේමීන් ජයග්‍රහණය සමරණ ආකාරය සම්පූර්ණයෙන්ම වෙනස් සංස්කෘතීන් දෙකකි. නමුත් මෙදා ජයග්‍රහණය සැමරුවේ ජනතාව වීම විශේෂත්වයයි. ඒ නිසා මහින්ද රාජපක්ෂ මහතා ජයග්‍රහණය සමරණවාදැයි බලමින් බටහිර තානාපතිලාගේ නියමයෙන් ලහි ලහියේ Orange revolution එක සංවිධානය කරමින් සිටි බිමල් රත්නායකලා ප්‍රමුඛ කාල භක්ෂකයින්, ජනතාව සංවිධානය කල උත්සව හෝ රටපුරා පැවති කිරිබත් දන්සැල් දුටුවේම නැත. තවද ඔවුනගේ සංස්කෘතියට අනුව ඔවුනගේ නායකතුමා 1977දී, බලය ලබාගෙන කල ආකාරයේ ඇගට බදල අල්ලන ආකාරයේ සැමරීමක්ම අවශ්‍ය බව බිමල් රත්නායක මහතාගේ ප්‍රකාශයෙන් මැනවින් පැහැදිලි වේ. ගෙවල් වලට ගිනි තබමින්, ඒවායේ දේපල කොල්ල කමින්, මිනී මරමින්, ඒවායේ සිටි තරුණියන් දූෂණය කරමින් එදා කල ආකාරයේ සැමරීමක් කිරීමට බලා සිටි බිමල් රත්නායකලාට මෙදා විශාල වැරදීමක් සිදුවෙලාය.ප්‍රසිද්ධියේ වේදිකා දෙදරවමින් මහින්ද රාජපක්ෂ, ගෝඨාභය රාජපක්ෂලා බෝගම්බර සිරගෙදරට යවීමට ජම්පර 126 ක් මහණ බවට ප්‍රකාශ කල ටිල්වින්ලා බිමල් රත්නායකලාගේ නඩය එදා ජම්පර මැසීමට ගෙනා රෙදි වලින්ම තමන්ගේ විලි වහගන්නට ඇදුම් මසා ගන්නට වීම කොතරම් සරදමක්ද?

බිමල් රත්නායකලා ඉල්ලන්නේ ලේ හා මිනී මස්ය. ඔවුනගේ ගජ මිතුරන් වූ රනිල්ලා කල ආකාරයේ බටලන්ද වධකාගාර නිර්මාණය කරගෙන ඒවා තුලට රාජපක්ෂලා හා ශවේන්ද්‍ර සිල්වලා ප්‍රමුඛ දේශප්‍රේමීන්ව ගාල්කර, මනෝ ගනේෂන්ලා, රනිල්ලා,රවුෆ් හකිම්ලා සමග මධුවිත තොලගාමින්, රනිල්ලාගේ අතීත වධකාගාර රසාංග වලට ඇහුම් කන් දෙමින්, වධදී මරණ ආකාරය නරඹමින් ජය සමරන්නටය. නුඹලාට කිසිදාක ඒ සැමරුම කරන්නට මෙරට ජනතාව අවස්ථාවක් ලබා දෙන්නේ නැත. තවද නුඹලාගේ විධායක ජනාධ්පතිකම අහෝසි කිරීම ප්‍රමුඛ බටහිර තානාපති ඉල්ලීම් මේ වනවිට ජනතාව පරාජය කර ඇත. හෙට දිනමේදී ජනතා අභිලෂය වන්නේ, මෙතරම් නිර්ලජ්ජිත ආකාරයේ පහත්දේශපාලන ක්‍රියාවලියක් කල වාමාංශික එක්සත් ජාතික පක්ෂයේ එකද මන්ත්‍රිවරයකුට පාර්ලිමේන්තුව තුල නියෝජනයක් ලබා නොදීමයි. එදාටත් ජනතාව කිරිබත්ම පිසිනු ඇත.

මරණය

2010-02-04T01:27:00.000+05:30

චන්ද්‍රසේන පණ්ඩිතගේ විසිනි.
ශ්‍රී ලංකාද්වීපයේ පාලනයේ උරුමය සදහා පැවති මැතිවරණය නිමාව ඇත. විපක්ෂය, බටහිරට පක්ෂව, මෙරට ජනතාවට විපක්ෂව සෘජුවම සටන ආරම්භ කලහ. රූකඩ කලාවට සම්බන්ධ සුප්‍රකට නගරයක්වූ අම්බලන්ගොඩින් මතුකරගත් මේ රූකඩය; සුපිරිසිදු හංසයකු සේ හුවා දක්වමින් ප්‍රතිගාමීන් රට පුරාම සැරි සැරූහ. මේ හංසයා ගරු ගාම්බීර ලෙස රට පුරා සැරිසරමින් ජනතාව අමතන විට ජනතාවට විශාල අමුත්තක් හැගිණ. සැබෑ ලෙසම මේ ඉන්නේ හංසයකු නොව, හංස රුවක් මවාගත් වෙනත් භයානක සත්වයකු බව වැටහිණි.මේ සත්වයා මරණය දුටුවේ මහ භයා‍නක සංසිද්ධියක් ලෙසය. තමා මරණයට භය නිසා අනිකුත් අයත් ඒ ආකාරයෙන්ම භයක් දක්වනවා ඇතැයි ඔහු සිත තුල තිබුණ ප්‍රබල සිතුවිල්ලක් විය. උපතින්ම රුගෙන එන මරණයට බිය මේ සත්වයා, එය තම දේශපාලන ප්‍රතිවාදීන්ට උරුම කරදීමට ඉටා ගත්තේය. කලාපයේ ත්‍රස්තවාදය පැතිරවීම ප්‍රභාකරන්ගේ මරණයත් සමගම නතරවීම හරහා මහත් දුෂ්කරතාවයකට මුහුණදී සිටි බටහිර අධිරාජ්‍යවාදීන්ද මේ කාර්යයේදී මේ සත්වයා සමග සෘජුවම සිට ගත්හ.

මහින්ද රාජපක්ෂ, ගෝඨාභය රාජපක්ෂ යන මහත්වරුන් ප්‍රමුඛ මෙරට දේශප්‍රේමීන්ව දස ලක්ස ගනනින් මරා දැමීම අරමුණු කරගත් ව්‍යාපෘතියට තිතක් තැබුණේ කොහොමද? ස්වභාව ධර්මයේ යාන්ත්‍රණය සම්බන්ධව බිදකුදු අවබෝධයක් නැති මේ ඝාතක පරපුරට මෙය මහා ප්‍රශ්නයක් විය. සරත් ‍ෆොන්සේකා මහතාගේ ආත්මීය කාර්යය භාරය මෙරට දේශප්‍රේමීන්ව සුදු අධිරාජ්‍යවාදීන්ට පාවාදීමයි. එදා පුරන්අප්පුව බදලා කුදලා සුද්දාට අල්ලා දුන්නා සේ, මෙදා එම විරුවන්ගේ පුණර්භවයන්ද බදලා කුදලා ඝාතනයට ලක් කිරීමට ගත් උත්සහයය ලත් තැනම ලොප් කිරීමට මෙරට සිටි අතීත රණ විරුවන්ගේ ප්‍රතිමූර්තීන්ට මෙදා මනාව හැකිවිය.
මෙරට දේශප්‍රේමීන්ට මරණය හොදට හුරුපුරුදුය. අතීත රණවිරුවන් හා බද්ධ මේ පරපුර සියලූම ආකාරයේ මරණයන් ඉතා හොදින් හදුනයි. මේ මරණයන් අතරින් ඔවුන් ඉතා අගය කරන්නේ ශ්‍රෙෂ්ඨ මිනිසුන් වශයෙන් ඔවුන් ලබන ඔවුනට හිමි මරණයයි. ඒ මරණය උදෙසාම ඔවුන් තව තවත් මේ රටට ජාතියට බද්ධව කටයුතු කරන්න පෙලඹේ. මේ මෙරට සකල දේශවාසී සියලු දේශප්‍රේමීන්ගේ පණිවුඩයයි. මහින්ද රාජපක්ෂ, ගෝඨාභය රාජපක්ෂ ප්‍රමුඛ මෙරට රණ විරුවන් අපේක්ෂා කරන්නේද මෙවන් මරණයකි. මෙරට පැලපදියන්ව සිටි බටහිර සුපිරි නිශ්පාදනයක්වූ ලෝකයේ විශ්මිතයයිද, අති ප්‍රබල යයිද, අපරාජිතයයිද හඩගා ආසියාකරයේ ස්ථාන ගත කල කොටි සංවිධානය කඩදාසි ගුලියක්සේ කඩා විසුරුවා හල ඔවුනව අමරණීයත්වයට පත්වී හමාරය.
සරත් ෆොන්සේකලා සෝමවංශ අමරසිංහලා තම විදේශ ගත දූ දරුවන්ගේ වියදමට අවශ්‍ය මුදල් අපේක්ෂාවෙන් බටහිරට අවශ්‍ය කරන මිනී මස් සැපයීමේ කොන්ත්‍රාත්තුව මෙරට දේශප්‍රේමීන්, අවලංගු කල බව වටහා ගැනීමට තරම් බුද්ධියක් ඇති ජනතාවක් මෙරට සිටී.
බටහිර ජාතීන්ට ඉඩි අමීන්ලාට හා බොකාසාලාට වඩා මිණී මස් අවශ්‍ය කරන අතර, ඒ අවශ්‍ය කරන මිනී මස් සැපයීමේ කටයුතු සම්පාදනය කිරීම බටහිර තානාපතිලාගේ ප්‍රධාන කාර්යය භාරය වේ. මේ අනුව ඔවුනගේ සා පිපාසාවන් උදෙසා හිරෝෂීමා හා නාගසාකි වල අහිංසක ජනතාව ක්ෂණිකව 150,000 ක් ඝාතනය කලහ. ඊට අමතරව, කොරියානු යුද්ධයේදී මිලියන දෙකකට වැඩි පිරිසක්ද, වියට්නාම් යුද්ධයේදී මිලියන තුනකට අධික ජනතාවක් ඝාතනය කලහ. තවද කාම්බෝජය, ලාවෝසය තුල විවිධ කුප්‍රකට ක්‍රම වේදයන් මාර්ගයෙන් තව මිලියන තුනකට අධික ජන සංහාරයක් කල දේ ඝාතකයෝ; ජෙනරාල් සුහර්තෝ බලයට පත්කර මිලියන දෙකහමාරක්වූ ඉන්දුනීසියානු ජනතාව; 1988-1989 අප මෙරට දුටු ආකාරයේ සංහාරයකට භාජනය කලහ. 1988- 1989 යුගයේදී, දකුණු අප්‍රිකාවේ විමුක්ති ව්‍යාපාරය මර්ධනය කිරීම සදහා භාවිතා කල ගෝනි බිල්ලා සංකල්පය හා සමූහ ඝාතන තාක්ෂණය මෙරට හමුදාවන්ට හදුන්වාදී මෙරට 60,000ක මිනිස් සංහාරයකට දායක වූ මේ බටහිර ඝාතකයෝ, මේ වන විට ඔවුනට අවශ්‍ය මිනීමස් සපයා ගන්නේ, ඇෆ්ගනිස්ථානය හා ඉරාක යෙනි. මේ කෙටි කාලය තුලදී බටහිර අධිරාජ්‍යවාදීන්ගේ මානසික පරිභෝජනය සදහා පමණක් ඉරාක අහිංසක ජනතාව කුඩා දරුවන් හා ගැඹිණි මව් වරු ඇතුලුව 700,000 ක් ඝාතනය වී හමාරය. නිවැරදිව හදුනා නොගත් විශාල සංඛ්‍යවක් ඇෆ්ගනිස්ථානයේද ඝාතනය වී හා ඝාතනය කරමින් පවතී. මේ සියලූම මරණ හමුවේ කුඩු වලින් මත්වූවෙකු සේ එක්සත් ජාතීන්ගේ සංවිධානය නිරුවත්ව බලා සිටින අතර; මරණය යනු මහා දඩුවමක් සේ සිතා ලෝකය පුරා සිටින විමුක්තිකාමී ජනතාවට, මරණය බෙදා හරිමින් සිටී.
අපගේ අතීත විරු රජවරු හා විරු සෙනෙවියන් අප අතර ගැවසෙන බව අප දන්නෙමු. ඔවුනගේ සුවද හදුනන්නෙමු. ඒ පරපුර අතර ජීවත්වෙන මහින්ද රාජපක්ෂ, ගෝඨාභය රාජපක්ෂ ප්‍රමුඛ රණවිරුවන් ඇතුලු මෙරට 6,015,934 චන්ද දායකයින් සංඛ්‍යාවක් මෙරට සිටීමම අප ලැබූ භාග්‍යයකි. අප කිලිටි කර නොගත යුත්තේද මේ සංඛ්‍යාවයි. රැකගත යුත්තේද මේ සංඛ්‍යාවයි. අමරණීයත්වයට පත්කර ගතයුත්තේද මේ සංඛ්‍යාවයි.
මෙරට වර්තමාන ඉතිහාස‍යේ රට පාලනය කල දේශපාලන නායකයින් වන ඩී. එස්. සේනානායක මහතා, එස්. ඩබ්ලිව්. ආර්. ඩී. බණඩාරනායක මහතා,හා සිරිමා බණ්ඩාරනායක මහත්මිය හා ඩඩ්ලි සේනානායක මහතා යන හිටපු පාලකයින් හැර අනිකුත් පාලකයින් සියලු දෙනාම සැබෑ ලෙසම මියගොස් හමාර වන අතර, ඒ පරපුරේ දැනට ජීවතුන් අතර සිටින එකම නායිකාවද ජීවත් වන මලකදක් බවට පත්ව සිටීම, මරණය යනු කුමක්දැයි හදුනා ගැනීමට හොදම සාධකයයි.

කට කතා පරදවා සත්‍ය ජයග්‍රහණය කර වූ වගයි

2010-02-01T02:53:00.001+05:30

මහාචාර්ය ඊ. ඒ. වික්‍රමසිංහ-දිනමිණ
2010 ජනවාරි 26 දින පැවති ජනාධිපතිවරණයට දින නියම වීමත් සමඟ ම මහින්ද රාජපක්ෂ මහතා ප්‍රමුඛ එතුමාගේ දරුවන්, සහෝදරයන් හා ඥාතින් සම්බන්ධයෙන් රට තුළ විවිධ කට කතා ශීඝ්‍රයෙන් සංවිධානාත්මක ලෙස ප්‍රචාරය විය.

2005 වර්ෂයේ දී ජනාධිපති පදවියට පත් මහින්ද රාජපක්ෂ මහතා තවත් දෙවසරක පාලන කාලය ඉතිරිව තිබිය දී යළිත් ජනමතය විමසා බැලීම සඳහා ජනාධිපතිවරණයකට ඉදිරිපත් වූයේ ඒ වනවිට රට තුළ තිස් වසරක් පුරා ක්‍රියාත්මක වූ කුරිරු ම්ලේච්ඡ ත්‍රස්තවාදය මුළුමනින් ම විනාශයට පත් කළ පසුව යි. මේ රටේ සියලු දෙනා තුළ මරණය කොයි මොහොතේ කොතැනක දී කවර ආකාරයකින් උරුම වේ දැයි කිව නොහැකි, සිතිය නොහැකි තරම් අවිනිශ්චිත බවක් ඇති වී තිබුණි. ඒ වනවිටත් දහස් ගණන් ජීවිත මෙන් ම මිල කළ නොහැකි තරමට රාජ්‍ය හා පෞද්ගලික දේපළ විනාශ වී තිබුණි.

2005 බලයට පත් මහින්ද රාජපක්ෂ මහතා ජනතාවට දුන් ප්‍රධානතම පොරොන්දුව වූයේ ත්‍රස්තවාදය මුලිනුපුටා සාමය ඇති කරන බව යි. පොරොන්දු වූ පරිදි ම ජනාධිපතිතුමා රට තුළ ත්‍රස්තවාදය විනාශ කිරීමට ඇරැඹි මානුෂික මෙහෙයුම නන්දිකඩාල් කළපුවෙන් අවසන් කිරීමට හැකිවූයේ වසර තුන හමාරක් වැනි කෙටි කලකිනි

ලොව භයානක ම ත්‍රස්ත කණ්ඩායම මෙලෙස විනාශ කර දැමීමට මෙවන් සුළු කලකින් හැකි වූ ප්‍රධාන කරුණක් නම් ජනාධිපති මෙන් ම සේනාධිනායක මහින්ද රාජපක්ෂ මහතාගේ දුරදක්නා තියුණු දේශපාලන නුවණ යි. එමෙන් ම ත්‍රිවිධ හමුදාව ප්‍රධාන සකල ආරක්ෂක බලමුළුවල අභීත අවංක කැපවීම යි.

මොවුන් එදා අප රට නිදහස් කර දුන් නිසා ජාති ආගම් භේදයෙන් තොර ව සියලු දෙනා ත්‍රස්තවාදයේ අවසානය ඇසීමත් සමඟ ම ප්‍රීති ඝෝෂා පැවැත්වූහ. උත්සව පැවැත්වූහ. මහමඟ කැවුම් කොකිස් සකස් කොට දන්සල් පැවැත්වූහ.

මෙරට ස්වාධීන රාජ්‍යයක් බවට පත්වීමේ පුවත දේශීය හා විදේශීය බලවේගවලට නම් අශුභ ආරංචියක් විය. එකී යුද්ධය පැවති කාලයේ පවා ජාතිද්‍රෝහි දේශීය හා විදේශීය අධිරාජ්‍යවාදීහු ලක් රජය අකර්මණ්‍ය කිරීමට විවිධ උපාය උපක්‍රම යෙදූහ. ඒ අතර කට කතා ද ප්‍රබල උපායක් විය.

දේශීය ජනයා පවා නොමඟ යැවීමට තරම් ප්‍රබල එකී කට කතා නිර්මාණය කළ වුන් අතර ශ්‍රී ලංකා පාර්ලිමේන්තුව නියෝජනය කළ විපක්ෂ දේශපාලකයෝ ද වූහ. එහෙයින් රටේ ජනතාව තුළ සත්‍යය අවබෝධ කොට දී යුද්ධය ඉදිරියට පවත්වාගෙන යෑමට ජනාධිපතිතුමාට බොහෝ වෑයමක් දැරීමට සිදුවිය.

එවැනි ප්‍රබල බාධක හමුවේ නවීන යුද අවි ගෙන්වා එමගින් ප්‍රබල කොටි ත්‍රස්තවාදීහු ද පරාජය කරන ලදහ. මේ නිසා ම ජනපති මහින්ද රාජපක්ෂ මහතා පුරාණ ලංකාවේ විජාතික බලවේග මුළුමනින් දුරලා රට එක් සේසත් කළ දුටුගැමුණු පරාක්‍රමබාහු වැනි රජවරුන්ගේ තත්ත්වයෙහි ලා ගෞරව කරන්නට ජනතාව නිරායාසයෙන් ම පෙලඹුණහ. එසේ සලකන්නට ද වූහ. ඒ අන් කරුණක් නිසා නොව රට තිරසාර සාමයෙන් යුතුව දිගු කලක් පවත්වා ගැනීමට අවශ්‍ය ශක්තිමත් අඩිතාලමක් යොදා තිබූ හෙයිනි.

දෙවැනි වරට ජනාධිපති තරගයට මහින්ද රාජපක්ෂ මහතා ඉදිරිපත් වීමත් සමඟ ඔහුට එරෙහි ව යළි කටකතා නිර්මාණය ශීඝ්‍රයෙන් වර්ධනය වී රට පුරා පැතිරී ගියේය. බොහෝ ජනයා ඒවා අසා මවිත වූහ. සොයා බැලිය යුතු යැයි කීහ.

කිසිසේත් එසේ විය නොහැකි යැයි තර්ක කළහ. ඒවා පිළිබඳ අහිංසක ජනයා තව තව අයගෙන් ඇසූහ. කිසිවක් කරකියා ගත නොහැකි තැන නිහඬ වූහ. ජනපතිවරණය සඳහා දින නියම වූ දා සිට යළිත් නැවුම් මුහුණුවරක් ගත් එකී කටකතා ජනාධිපතිතුමා හා ඔහුගේ ඥාතීන් සම්බන්ධ දූෂණ ලෙසින් කිසිදු අයුරකින් තහවුරු කළ නොහැකි, සාධකයකින් තොර ව ඉදිරිපත් වීම නිසා ජනයා ඒවා විශ්වාස කළේ නැත.

ඊට හේතුව දේශීය හා විදේශීය ජාතිද්‍රෝහී බලවේග ජනාධිපතිතුමාට එරෙහි ව එල්ල කරන කටකතා සහ ඔවුන් නියෝජනය කරන ලද දේශපාලන කණ්ඩායම් පිළිබඳ ජනතාවට මනා අවබෝධයක් තිබීම යි.

කොටින් විනාශයට පත් කළ යුද්ධයේ ගෞරවය ජනාධිපතිතුමාගෙන් ඉවත් කොට අන් අයෙකුට ආරෝපණය කොට දී ජනහදවත් තුළ ජනපති කෙරෙහි පවතින ජනප්‍රසාදය ඉවත් කිරීමට උත්සාහ කළත් ලක්වැසි ජනයා මුලාවට පත් නොවූහ. ශ්‍රී ලංකාවාසීන්ට අද නිදහසේ මේ රටේ ඕනෑ ම තැනක ඕනෑ ම වේලාවක මරබියෙන් තොර ව යෑම් ඊම් කළ හැක්කේ ත්‍රස්තවාදී උවදුර ඉවත් වී තිබීමෙනි.

ඒ තත්ත්වය උදාකරන ලද ජනාධිපතිතුමා කෙරෙහි එකිනෙකා නිර්මාණය කළ සත්‍යයෙන් තොර අසත්‍යයෙන් පිරුණු ද්වේෂ සහගත කටකතා නොසලකා ශ්‍රී ලංකාවාසී ජාති හිතෛෂී බොහෝ දෙනා මහින්ද රාජපක්ෂ මහතා දෙවැනි වරටත් ජනාධිපති බවට පත් කරන ලද්දේ පළමුවර ලබාගත් ඡන්දවලට වඩා වැඩි ප්‍රතිශතයක්ද සහිතව යි.

මේ ප්‍රතිඵලයෙන් අපට කටකතා නිර්මාපකයන්ගේ ඡන්ද පදනම ද වටහා ගැනීම ඉතා පහසු විය. 2005 ජනාධිපතිවරණයේ දී රනිල් වික්‍රමසිංහ මහතා තනි ව එක්සත් ජාතික පක්ෂයෙන් තරග කොට ලක්ෂ 46ක් පමණ ඡන්ද ලබා ගති.

ඒ අවස්ථාවේ උතුරු නැඟෙනහිර කිසිවෙක් ඡන්දය පාවිච්චි නොකළහ. මෙවර අලුතින් ඡන්ද දායකයින් විශාල ප්‍රමාණයක් ඡන්ද ප්‍රකාශ කිරීමට වරම් ලබා තිබුණි. එසේ ම එක්සත් ජාතික පක්ෂය සමඟ ජනතා විමුක්ති පෙරමුණ ප්‍රමුඛ තවත් විපක්ෂයේ පක්ෂ කීපයක් ප්‍රමුඛ ව පොදු අපේක්ෂකයකු ඉදිරිපත් කොට ලබාගෙන ඇත්තේ ඡන්ද හතළිස් එක් ලක්ෂයක් පමණි.

එහි දී මහින්ද රාජපක්ෂ මහතා සමඟ තරග කිරීමට ඉදිරිපත් කර ඇත්තේ ජනාධිපතිතුමා යුද්ධය විකුණාගෙන කනවා යැයි චෝදනා කොට යළි එයට ඉඩ නොතැබීමට සමත් අයෙකු ලෙස සැලකූ හිටපු යුද හමුදාපති සරත් ෆොන්සේකා මහතා ය.

එහෙත් විපක්ෂය ජනාධිපති මහින්ද රාජපක්ෂ මහතාට එල්ල කරන ලද එකී චෝදනා නිෂ්ප්‍රභ වූ බව සරත් ෆොන්සේකා මහතා පරාජය වීමෙන් ම තහවුරු වේ.

මේ සියල්ල තුළ අන්තර්ගත වන්නේ ශ්‍රී ලාංකේය ජනතාව කළගුණ හඳුනන ජනතාවක් බව යි. ඒ නිසා අකෘතඥ නිලධාරියෙකුට හෝ වෙනත් ඕනෑ ම කෙනෙකුට හදවතට එරෙහි ව යමින් පෞද්ගලික එදිරිවාදිකම් පිරිමසා ගැනීමට යෑමෙන් සිදුවූයේ සදාකාලික ව හිමිවීමට තිබූ කීර්තිය, ගෞරවය අහිමි වීම යි. ජනපතිවරණය අවසන් වූ පසුද තම පරාජය පිළිගැනීමට අකමැති විපක්ෂයේ ඇතැම් අය විවිධ කටකතා පතුරුවා හැරියහ.

දේශීය හා විදේශීය කුමන්ත්‍රණවලින් දෙවැනි වරටත් රට ආරක්ෂා කර ගැනීමට මහින්ද රාජපක්ෂ මහතා ජනාධිපති කර වූ සත්පුරුෂ කෘතවේදී ශ්‍රී ලංකාවාසී ජනතාවට සුබ අනාගතයක් සැබවින්ම ඇති කිරීමට නව ජනාධිපතිතුමාට ආයුෂ, ශක්තිය, බලය, ප්‍රඥාව තව තවත් ලැබීමට තෙරුවන්ගෙන් හා දෙවියන්ගේ් ආශිර්වාදය ලැබේවායි ප්‍රාර්ථනා කරමි!

පරිච්ඡේදයක අවසානය

2010-01-31T22:37:00.001+05:30

මහාචාර්ය නලින් ද සිල්වා-දිවයින
තවත් ජනාධිපතිවරණයක්‌ පමණක්‌ නොවූ නිලවරණයක්‌ අවසන් වී ඇත. මහින්ද රාජපක්‌ෂ මහතා අති විශිෂ්ට ජයග්‍රහණයක්‌ අත් කරගෙන තවත් අවුරුදු හයක්‌ සඳහා ජනාධිපති ලෙස කටයුතු කිරීමට වරම් ලබා ඇත. එහෙත් තවමත් ජනාධිපතිවරණය පිළිබඳ සියලු කටයුතු අවසන් යෑයි කිව නොහැකිය. සරත් ෆොන්සේකා ජනාධිපතිවරණයෙහිදී ජනතාව දී ඇති තීන්දුව නොපිළිගනියි. ඒකාධිපතිවාදී මනසක්‌ ඇති ඔහු ජනතා තීන්දුවක්‌ නොපිළිගැනීම පුදුමයට කරුණක්‌ නොවේ. එහිදී ඔහුට ජ.වි. පෙරමුණේ ද සම්පූර්ණ සහාය ලැබෙනු ඇත. සරත් ෆොන්සේකාටත් ජවිපෙටත් ජනතා තීන්දු යනු තම තමන්ගේ තීන්දු මිස අනෙකක්‌ නොවේ.
ජනාධිපතිවරණයේ දී විපක්‌ෂයට හා අනෙක්‌ විජාතික බලවේගවලට (අනුර දිසානායකගේ දේශපාලන නායකත්වය යටතේ ජවිපෙ ද දැන් විජාතික බලවේගයකි) අරමුණු තුනක්‌ විය. එකක්‌ ඊනියා සාක්‌ෂි එකතු කරගනිමින් මහින්ද රාජපක්‌ෂ, ගෝඨාභය රාජපක්‌ෂ, ශවේන්ද්‍ර සිල්වා, ප්‍රසන්න සිල්වා මහත්වරුන් ඇතුළු කිහිප දෙනකු යටත් විජිතවාදීන්ගේ යුද්ධාධිකරණ දංගෙඩියට යෑවීමය. දෙවැන්න ජවිපෙ ඔස්‌සේ රටේ අවුල් ඇතිකර හැකිනම් මහින්ද රාජපක්‌ෂ මහතාගේ ජයග්‍රහණය වැළැක්‌වීම හා එසේ වැළැක්‌වීමට නොහැකි වුවහොත් රට අරාජික කිරීමට උත්සහ කිරීමය. ජවිපෙ නායකයකු වූ විජිත හේරත් සහ පිරිසක්‌ ඊනියා ඡන්ද මංකොල්ලයක්‌ වැළැක්‌වීමට යෑයි කියමින් ජනාධිපතිවරණය දිනයේ උතුර බලා ගියේ මෙහි එක්‌ පියවරක්‌ ලෙස බව පැහැදිලිය. තුන්වැනි අරමුණ වූයේ සම්බන්ධන් මාර්ගයෙන් ඊනියා ස්‌වයං නිර්ණ අයිතිය ආදී නන්දිකඩාල් කලපුවේ දී මරා දමනු ලැබූ සංකල්ප නැවතත් ගොඩගැනීම හා ඒ ඔස්‌සේ දෙවැනි ප්‍රභාකරන් කෙනකු බිහිකිරීම ය.

ජනාධිපතිවරණය අවසන් වීමටත් පෙර සිනමන් ලේක්‌සයිඩ් (ට්‍රාන්ස්‌ ඒෂියා) හෝටලයේ කාමර සියයකට පමණ ගිය සරත් ෆොන්සේකා රනිල්, අනුර දිසානායක, සම්බන්ධන්, මංගල, හකීම්, ෆොන්සේකාගේ ඊනියා ආරක්‌ෂක භටයන්, පවුලේ උදවිය ආදිය මේ වන විට ඉන් පිටවී ගොස්‌ය. ඒ අතර සරත් ෆොන්සේකාගේ බිරිතානි ජාතික නිලවරණ උපදේශකයා සිටියේ දැයි දැනගැනීමට නොහැකිය. ඒ කෙසේ වෙතත් මේ හෝටල් කාමරවල සිට සරත් ෆොන්සේකා ලලිත් වීරතුංග මහතාට කතාකර තමාට දිවුරුම් දීමට කටයුතු කරන මෙන් ඉල්ලා ඇතැයි වාර්තා වෙයි. ඒ නිලවරණ ප්‍රතිඵල නිකුත්වීමටද පෙරය. නිලවරණයෙන් පරාජය වූ බව දැන ගැනීමෙන් පසුව ඇමරිකන් තානාපති කාර්යාලයේ වාහන දෙකක්‌ සරත් ෆොන්සේකා රැගෙන යැමට පැමිණි බවත් හෝටලය වටා රැඳී සිටි ආරක්‌ෂක හමුදා එයට ඉඩ නොදුන් බවත් කියෑවෙයි. නිලවරණයෙන් පසුවදා සරත් ෆොන්සේකාගේ පහරදීමකට ලක්‌වූයේ යෑයි කියන මංගලද, රනිල් ඇතුලු අනෙක්‌ පිරිසද හෝටලයෙන් පිටත්ව ගොස්‌ ඇති නමුත් හිටපු ජෙනරාල්වරයා හෝටලයේම රැඳී සිටිමින් ජනමතය වංචා කිරීම හා ආණ්‌ඩුවේ ඊනියා දූෂණ එම ජීවිතයට ඇති තර්ජන ආදිය ගැන බටහිර ජනමාධ්‍යවලට ප්‍රකාශ කරමින් තවදුරටත් තම පළිගැනීමේ දේශපාලනයෙහි නිරත වී ඇත. අද ඔහුට රනිල් ඇතුලු පිරිස නැත. රනිල් ජනාධිපතිවරණය සාධාරණ බවට ප්‍රකාශයක්‌ නිකුත් කර ඇත. සරත් ෆොන්සේකාගෙන් අද තවදුරටත් ප්‍රයෝජනයක්‌ ඇත්තේ බටහිර යටත්විජිතවාදීන්ට හා ජවිපෙට පමණය. බටහිරයන් මහින්ද රාජපක්‌ෂ මහතා ඇතුලු පිරිස දංගෙඩියට දැක්‌කීමට ෆොන්සේකා යොදාගනු ඇත.

දහඅට ලක්‌ෂයකට වැඩි ඡන්ද සංඛ්‍යාවකින් මහින්ද රාජපක්‌ෂ මහතා ජයග්‍රහණය කර තිබියදී ජවිපෙ සෙල්ලම්වලට වුවද ජනතාවගෙන් ඉඩක්‌ නොලැබෙයි. අනුර දිසානයක, ටිල්වින්, සෝමවංස (සෝමහංස), විජිත හේරත් නායකත්වයට පින් සිදුවන්නට ජවිපෙ මුළුමණින්ම මෙන් කඩාවැටී ඇත. ජවිපෙ දැනටමත් තවත් ත්‍රිරෝද පක්‌ෂයක්‌ බවට පත්වී ඇත. ජාතිකත්වයෙන් ඊනියා මාක්‌ස්‌වාදී ජාත්‍යන්තර දේශපාලනයට දෝලනය වූ ජවිපෙ ට අද ලයනල් බෝපගේ ම පිහිටය. ජ.වි. පෙරමුණේ වෛරී දේශපාලනයට තවදුරටත් මෙරට දේශපාලනයේ ඉඩක්‌ නැත. මෙරට විශ්වවිද්‍යාලවලින්ද, ජවිපෙ මුළුමණින්ම අතුගෑවී යන දිනය වැඩි ඈතක නොවෙයි. අද කඩා වැටී ඇත්තේ විජාතික බලවේගයක්‌ වූ ජවිපෙ පමණක්‌ නොවේ. අනෙක්‌ විජාතික බලවේගවලට ද අද මෙරට දේශපාලනයෙහි තැනක්‌ නැත. ඔවුන් පවත්වාගෙන යනු ලබන්නේ බටහිරයන්ගේ මුදලිනි. පසුගිය අවුරුදු සියයක පමණ කාලයක ජාතිකත්වය මෙතරම් ශක්‌තිමත් වූ කාල පරිච්ඡේදයක්‌ තිබී නැත. පනස්‌හයේ දී පවා ජාතිකත්වයට බලයක්‌ තිබුණේ සුළු කාලයකට පමණ ය. පනස්‌නවයේදී බණ්‌ඩාරනායක මහතා ඝාතනය කරනු ලැබිණි. එහෙත් දෙදහස්‌පහේ දී බලයට පත්වූ ජාතික බලවේග දෙදහස්‌ දහයේදී තවත් ශක්‌තිමත් වී ඇත.

මේ ජනාධිපතිවරණයේ දී ජාතික බලවේග දුර්වල කිරීමට යොදා ගැණුනේ කටකතා හා මඩ ප්‍රචාර ය. එහෙත් ඒ එකක්‌වත් සාර්ථක වී නැති බව පැහැදිලිය. තරගය කරට කර බවත්, මහින්ද රාජපක්‌ෂ මහතා පරාජය වනු ඇති බවත් ප්‍රචාරය කෙරිණි. ආණ්‌ඩුවේ දූෂණ හේතු කොටගෙන බොහෝ ශ්‍රි.ල.නි. පාක්‌ෂිකයන්ද දූෂණයන් තොර සරත් ෆොන්සේකා ට ඡන්දය දෙනු ඇති බව ඇසෙන්නට විය. සරත් ෆොන්සේකා ඉදිරිපත් කරනු ලැබූයේ ද ඔහු "යුද්ධය" හා සම්බන්ධ වූ බැවින්ය. නැතහොත් පොදු අපේක්‌ෂකයා වීමට සිටියේ සරත් සිල්වාය. විපක්‌ෂයට සිටි හොඳම අපෙක්‌ෂකයා සරත් ෆොන්සේකා විය. බොහෝ දෙනා දෙදහස්‌ පහේදී රනිල් ගත් ප්‍රතිශතය මෙවර සරත් ෆොන්සේකා නොගත් බව පෙන්වා දෙති. එහෙත් ඔවුන් අමතක කරන කරුණ නම් යුද්ධයට පරිභව කළ රනිල් මෙවර ජනාධිපතිවරණයට ඉදිරිපත්වී නම් ඔහුට සිංහලයන් බහුතරය වූ මැතිවරණ බල ප්‍රදේශවලින් සියයට විසිපහක්‌වත් ඡන්ද නොලැබෙන බවය. පළාත් සභා මැතිවරණවලින් පැහැදිලි වූයේ ඒ බවය. සරත් ෆොන්සේකාට ඇටුවන් බෑ එ.ජා.පාක්‌ෂිකයන් හා මහා පරිමාණ

රැස්‌වීම්වල එකම ආකාරයේ රතු සහ කොළ කොඩි වැනූ ජ.විෙ.ප. තරුණයන් හැරුණු විට ඔහු යුද්ධයට සම්බන්ධ වූ බැවින් ඡන්දය දුන් සිංහලයෝ සුළු පිsරිසක්‌ද වූහ.

කෙසේ වෙතත් සරත් ෆොන්සේකා තරගයෙහි කරට කර සිටින බව නාගරික ශ්‍රි.ල.නි. පාක්‌ෂිකයන් ද විශ්වාස කළහ. ඇතැම්හු විශේෂයෙන්ම ජෙහාන් පෙරේරා ෆිලිප් රාජන්ස්‌ වැනි ඉංගිරිසි පත්තරවලට ලියන අය සරත් ෆොන්සේකා දිනන බවක්‌ ඇඟවීමට උත්සාහ කළහ. සරත් ෆොන්සේකා දිනුවහොත් බලය මාරුවිය යුත්තේ කෙසේද යනුවෙන් සාකච්ඡා කළ අයද සිටියහ.

එහෙත් ඡන්දදායකයෝ මේ සියල්ල බොරු කළහ. සිංහලයන්, විශේෂයෙන් ම සිංහල බෞද්ධයන්, බහුතරය වූ ප්‍රදේශවල මහින්ද රාජපක්‌ෂ මහතාට තරගයක්‌ නැතිවිය. සමස්‌තයක්‌ ලෙස ගත්කල සිංහල බෞද්ධයන්ගෙන් සියයට හැත්තෑවකට වඩා මහින්ද රාජපක්‌ෂ මහතාට ඡන්දය දී ඇති බව දළ වශයෙන් කිව හැකිය. අද මෙරට ඡන්දදායකයන්ගේ සියයට අසූවකට ආසන්න ප්‍රමාණයක්‌ සිංහලයන් බව අමතක නොකළ යුතුය. සරත් ෆොන්සේකා මහතා ඉදිරිපත් කෙරුණේ "යුද්ධයට" ඔහුගේ ඇති සම්බන්ධතාව නිසාය. එමෙන්ම ඔහුට ඡන්දය දුන් පිsරිසෙන් යම් ප්‍රමාණයක්‌ "යුද්ධය" අනුමත කරති. එබැවින් ඉතා පැහැදිලි කරුන නම් සිංහලයන්ගෙන් අති විශාල බහුතරය "යුද්ධය" අනුමත කරන බවය. ජනාධිපතිවරණයේ දී තවත් වැදගත් කරුණක්‌ සිදු විය. එනම් නන්දිකඩාල් කලපුවේ දී දේශපාලනිකව හා යුදමය වශයෙන් මරා දමනු ලැබූ ස්‌වයං නිර්ණ අයිතිය නිජභූමිය ආදී සංකල්ප නැවතත් ගොඩගැනීමට නොහැකි වන අයුරින් ආදාහනය කිරීමය. කිසිවකටවත් මේ සංකල්ප මරණයෙන් නැගිට්‌ට විය හැකි නොවේ. මේ සංකල්ප හා දෙමළ ත්‍රස්‌තවාදය න්‍යායිකව පරාජය කෙරී බොහෝ කල්ගත වූවත් දේශපාලනිකව හා යුදමය වශයෙන් පරාජය කෙරුණේ (මරාදමනු ලැබූයේ) නන්දිකඩාල් කලපුවෙහිදීය. ජනාධිපතිවරණයෙහි දී ඒ සංකල්ප ආදාහනය කෙරුණේ දෙමළ බෙදුම්වාදය ද සමගිනි. අද අපට තවමත් දේශපාලන වශයෙන් පරාජය කිරීමට ඇත්තේ දෙමළ ජාතිවාදය පමණකි. (දෙමළ ජාතිවාදය ද න්‍යායිකව පරාජය කෙරී බොහෝ කල්ය.)

ජනාධිපතිවරණ ව්‍යාපාරයෙහි එක්‌ අවස්‌ථාවක මේ සංකල්ප ගැන කතා කරමින් ජනාධිපතිතුමා කීවේ දැන් ඒ පරිච්ඡේදය අවසන් බවය. දෙමළ ජාතිවාදය පරාජය කිරීමේදී බාධකයක්‌ ලෙස ඇත්තේ සිංහලයන්ට විරුද්ධව දෙමළ ජාතිවාදය යොදා ගන්නා බටහිරයන්ය. එහෙත් ඒ පරාජය කිරීමට අපට හැකිය. මෙරට දෙමළ ජාතිවාදය ඇතිකර පෝෂණය කළේ බටහිරයෝය. මෙරට දෙමළ ජනයාට දෙමළ වීම නිසා ම සිදුවී ඇති අසාධාරණයක්‌ නැත. ඉංගිරිසි උගත් දෙමළ ජනයාට හිමිව තිබූ වරප්‍රසාද කිහිපයක්‌ නැතිවීම ඊනියා අසාධාරණයක්‌ ලෙස සැලකෙයි. ප්‍රභාකරන් ඇතුළු ඉංගිරිසි නූගත් දෙමළ තරුණයන් පසු කලෙක සටන් කළේ මේ ඉංගිරිසි උගතුන් වෙනුවෙනි. අද ඒ ඉංගිරිසි උගත්තු බටහිර රටවල විසිරී සිටිති. අද අප කළ යුත්තේ ඉංගිරිසි උගත් දෙමළ ජනයා මේ විසිරුණු ඉංගිරිසි උගතුන් ගෙන් හා බටහිරයන් ගෙන් මුදා ගැනීමය. එහිදී උතුරු හා නැගෙනහිර පළාත් සංවර්ධනයටද වඩා වැදගත් වන්නේ ඔවුන්ට මෙරට ඉතිහාසය ඉගැන්වීමය. දෙමළ ජනයා අද නැවතත් කල්පනා කළ යුතුය. අපේ ඉතිහාසයේ නව පරිච්ඡේදයක්‌ ලිවිය යුතු දිනය එළඹී ඇත. එහිදී සිංහල බෞද්ධ සංස්‌කෘතිය මෙරට විශේෂිත සංස්‌කෘතිය බව පිළිගැනීම තම සංස්‌කෘතික අනන්‍යතාවට පහරක්‌ නොවන බව දෙමළ ජනයාට තේරුම් කළ යුතුය.

මව්බිම වෙනුවෙන් ජනතාව දුන් තීන්දුවක්‌ !-ජ්‍යෙෂ්ඨ අධිනීතිඥ ගෝමින් දයාසිරි

2010-01-31T22:34:00.000+05:30

සාකච්ඡා කළේ පාලිත සේනානායක- දිවයින

අපේ රටේ මෙතෙක්‌ පැවති ජනාධිපතිවරණ අතුරින් සුවිශේෂ ජනාධිපතිවරණයක්‌ ලෙස හැඳින්වුණු මෙවර ජනාධිපතිවරණයේ ජනතා තීන්දුව දැන් ප්‍රකාශයට පත් වී හමාරය. ජනාධිපති මහින්ද රාජපක්‍ෂ මහතා ලද ඒ ඓතිහාසික විජයග්‍රහණයට පසුබිම් වූ කරුණු පිළිබඳ ජ්‍යෙෂ්ඨ අධිනීතිඥ ගෝමින් දයාසිරි කරන විග්‍රහයකි මේ ජනාධිපතිතුමා ලැබූ විශිෂ්ට ජයග්‍රහණය ඔබ දකින්නෙ කොහොමද?මේ ජනාධිපතිවරණය පිළිබඳ සිදුකෙරුණු සමීක්‍ෂණ වාර්තා කිසිවකින් වත් මේ තරම් විශාල ජයග්‍රහණයක්‌ පෙන්නුම් කළේ නැහැ. නමුත් අවසාන දින දහයක පමණ කාලය තුළ මේ ජනාධිපතිවරණයේදී ඡන්දය ප්‍රකාශ කළ යුත්තේ කාටද යන්න පිළිබඳ ජනතාව කරුණු 3 ක්‌ සම්බන්ධයෙන් අවධානය යොමු කළා.

පළමු කාරණය හැටියට රනිල්, හකීම්, මනෝ ගනේෂන් වැනි එදා ත්‍රස්‌තවාදය පැරැදවීමේ යුද්ධයට එරෙහිව කටයුතු කළ පිරිසක්‌ සමග ජෙනරාල් වැනි එම යුද්ධයේ වීරයකු එකතු වීමෙන් කුමන තත්ත්වයක්‌ ඇතිවෙයි දැයි ජනතාව කල්පනා කළා. ජනතාව තුළ වූ එම කුතුහලය ජෙනරාල් බලයට පත් වුවහොත් යළිත් රට බෙදීමේ අනතුරක්‌ ඇතිවේය යන සැකය බවට පෙරළුණේ සම්බන්ධන් මහතාත් ජෙනරාල් දිනවීමේ මැතිවරණ සටනට එකතුවීමෙන් පසුවයි. මේ රට රැකගැනීමේ අවශ්‍යතාව ගැන ජනතාව සිත යොමු කළා. දෙවැනි කාරණය ලෙස මා දකින්නේ සරත් ෆොන්සේකා මහතා වේදිකාවේ ඉතාමත් අමිහිරි කතා කියමින් එතෙක්‌ තමන් ගොඩනඟාගෙන තිබූ දැවැන්ත ප්‍රතිරූපයේ වීරත්වය විනාශ කර ගත් ආකාරයයි. ඔහුගේ ඒ හැසිරීම් ස්‌වභාවයෙන් ඔහු මේ රටේ ජනාධිපති තනතුර වැනි උසස්‌ තනතුරකට සුදුස්‌සෙක්‌ ද යන පැනය ජනතාව තුළ පැනනැඟුණා. මේ නිසා සරත් ෆොන්සේකා මහතා ජනාධිපති තනතුරට පත් වුවහොත් කුරිරු ආඥදායකයකු ලෙස කටයුතු කරනු ඇතැයි බියක්‌ ජනතාව තුළ ඇති වුණා. අපේ රටේ වැඩිදෙනා ශිෂ්ටසම්පන්න, ආගම දහම අදහන සාමකාමී පිරිසක්‌. ප්‍රජාතන්ත්‍රවාදය අගයන මේ පිරිස කිසිවිටෙක ආඥදායකත්වයට කැමති වන්නේ නැහැ.

මේ ජයග්‍රහණය ලබාදීමට ජනතාව කල්පනා කළ අනෙක්‌ කාරණය නම් ජනාධිපතිවරණයට සති 2 කට පමණ ඉහත සිට මේ ජනාධිපතිවරණයෙන් සරත් ෆොන්සේකා මහතා ජයග්‍රහණය කරන බවට සමීක්‍ෂණ වාර්තා පෙන්නුම් කළ බව ප්‍රචලිත කළා. විශේෂයෙන් කොළඹ ප්‍රභූ පන්තියට (කොළම්බියන්ස්‌) එම පණිවිඩය යෑවීමෙන් එය මුළු රටේම ප්‍රචාරය වුණා. නමුත් රට පුරා සාමාන්‍ය ජනතාව එය බාර ගත්තේ ත්‍රස්‌තවාදය පරදවා රට දිනවූ ජනාධිපතිතුමාට සිදු කරන ෙද්‍රdaහිකමක්‌ හැටියට. රට දිනවූ ජනාධිපතිතුමාට කෙළෙහි ගුණ දක්‌වන්නට ජනතාවට අවශ්‍ය වුණා. මේ මහා ජයග්‍රහණය රට ත්‍රස්‌තවාදයෙන් මුදාගත් ජනාධිපතිතුමාට කළගුණ සැලකීමක්‌.

නමුත් එක්‌සත් ජාතික පක්‍ෂයත් ජනතා විමුක්‌ති පෙරමුණත් එකතු වී ජනාධිපතිතුමාට එරෙහිව යම් අභියෝගාත්මක ඡන්ද සංඛ්‍යාවක්‌ එකතු කර ගනීවි යෑයි ඇතමුන් කල්පනා කළා. මේ ප්‍රතිඵලය තුළින් එය සිහිනයක්‌ වී තිබෙනවා නේද?

එක්‌සත් ජාතික පක්‍ෂය සමග එකතු වීම හැර මේ ඡන්දයේදී ජනතා විමුක්‌ති පෙරමුණට වෙනත් විකල්පයක්‌ තිබුණෙ නැහැ. ජවිපෙ දෙකඩ වී එහි ඡන්ද පදනම බිඳවැටීම එයට හේතුවයි. එජාප, ජවිපෙ එකතුව තුළ මේ ඡන්ද ව්‍යාපාරයේ පුරෝගාමීව වැඩ කළේ සුළුතරයක්‌ වූ ජවිපෙ සාමාජිකත්වයයි. ඒ නිසාම ජවිපෙ සහ සරත් ෆොන්සේකා මහතා අතරත් සමීප සබඳතාවක්‌ මේ ඡන්දය පුරාම අපි දුටුවා. කෙසේ නමුත් ජවිපෙ ක්‍රියාකාරී නායකයන්ව සිටි විමල් වීරවංශ මහතා වැනි අය රජයට සම්බන්ධවීම හේතුවෙන් ජවිපෙ, එජාප එකතුව තුළින් විශාල ඡන්ද සංඛ්‍යාවක්‌ එකතුකර ගැනීමට ඔවුන්ට නොහැකි වුණා.

මේ ජයග්‍රහණය ත්‍රස්‌තවාදයෙන් රට මුදාගත් ජනාධිපතිතුමාට ජනතාවගේ කළගුණ සැලකීමක්‌ ලෙස ඔබ හැඳින්වූවා. විපක්‍ෂ සන්ධානය ජනාධිපතිතුමාට එල්ල කළ ඥති සංග්‍රහ සහ දූෂණ චෝදනාවලට ජනතාවගේ අවධානය යොමු නොවුණේ ඇයි?

මේ ඡන්දය ජනතාව දුන්නෙ ජනාධිපතිතුමාට. විපක්‍ෂ සන්ධානය රජයට එල්ල කළ චෝදනා, විශේෂයෙන් ඇතැම් මැති ඇමැතිවරුන් කළ දූෂණ පිළිබඳ චෝදනාවල යම් සත්‍යතාවක්‌ තිබෙනවා. මේ ඡන්දය පොදුවේ රජයට පක්‍ෂපාතීත්වයක්‌ පෙන්නුම් කිරීමක්‌ නොවෙයි. ජනාධිපතිතුමා සම්බන්ධයෙන් ජනතාවට ප්‍රශ්නයක්‌ තිබුණෙ නැහැ. රජය තුළ විවිධ අඩුපාඩුකම් තිබුණත් ජනාධිපතිතුමා ගෙදර යෑවීමට ජනතාව කැමති වුණේ නැහැ. මේ ඡන්ද ප්‍රතිඵලයෙන් පෙන්නුම් කළේ ජනාධිපතිතුමා කිසිදු විදේශ බලවේගයක්‌ හමුවේ මේ රට පාවා නොදෙන බවට ජනතාව තුළ ඇති විශ්වාසයයි. ත්‍රස්‌තවාදීන් සමග සාකච්ඡා නොකරන බවට ජනතාව තුළ ඇති විශ්වාසයයි. පවුල්වාදය ගැන, දූෂණ ගැන රජයට කොයිතරම් චෝදනා එල්ල වුණත් ජනතාව මේ අවස්‌ථාවේ ඒ පිළිබඳ තැකීමක්‌ කළේ නැහැ. ජනතාව කල්පනා කළේ ත්‍රස්‌තවාදයෙන් රට නිදහස්‌ කර ගැනීමත් නිදහස්‌ කර ගත් රට සුරැකීමත් පමණයි.

ජෙනරාල් සරත් ෆොන්සේකා මහතා වැඩියෙන්ම ජයග්‍රහණය කර තිබෙන්නේ ද්‍රවිඩ ජනතාව ජීවත් වන ප්‍රදේශයි. ඔහුගේ එම ජයග්‍රහණයන්ට ඔබ දකින හේතුව කුමක්‌ද?

සුළු ජාතිකයන් බහුතරයක්‌ ජනාධිපතිතුමාට එරෙහිව ඡන්දය ප්‍රකාශ කර තිබෙනවා. මේ යුද්ධය අවසන් වූ පසු දෙමළ ජනතාවගේ ප්‍රශ්නවලට සතුටුදායක විසඳුමක්‌ ලබාදීමට මේ රජය අපොහොසත් වීමේ ප්‍රතිඵලයක්‌ විය හැකියි.

ජනතා විමුක්‌ති පෙරමුණේ අනාගතය මේ මැතිවරණ ප්‍රතිඵල තුළින් කෙබඳු ඉරණමකට ලක්‌කරයිද?

මේ ජනාධිපතිවරණයේ මුල් අවස්‌ථාවේ ඒ ගැන කටයුතු කරමින් සිටියේ ජනාධිපතිතුමාවත් සරත් ෆොන්සේකාවත් නෙමෙයි ජනතා විමුක්‌ති පෙරමුණයි. නමුත් මේ ඡන්දයට ඉදිරිපත් කරන්න ජනතා විමුක්‌ති පෙරමුණට ශක්‌තියක්‌ තිබුණෙ නැහැ. තමුන්ට එවැනි ශක්‌තියක්‌ නොමැති නිසා පිටස්‌තර පුද්ගලයකු එම ස්‌ථානයට යොමුකර අනෙක්‌ පක්‍ෂවලිනුත් ඊට සහයෝගය ලබාගැනීමේ කටයුත්තක ඔවුන් නිරත වුණා. එදා ඔවුන් තිස්‌සමහාරාමය ආසනය දිනාගන්නා විට ඔවුන්ට මුල්බැසගත් පදනමක්‌ තිබූ නමුත් ඒ පදනම අද ඔවුන් තුළින් ගිලිහී ගොස්‌ තිබෙනවා. ජවිපෙ අද ජෙනරාල් සරත් ෆොන්සේකා මේ ඡන්දයෙන් ලද අපකීර්තියේ කොටස්‌කරුවකු වී සිටිනවා. ඔවුන්ට තිබූ ග්‍රාමීය ඡන්ද පදනමට මෙය බලපෑමක්‌ විය හැකියි. ෆොන්සේකා මහතා මාර්ගයෙන් එවැනි පදනමක්‌ ඇතිකර ගැනීමට ඔවුන් අපේක්‍ෂා කළත් එය ඉටුවී නැහැ. එසේම එක්‌සත් ජාතික පක්‍ෂයට කිසිසේත්ම ජනතා විමුක්‌ති පෙරමුණ සමග සමීපව සම්බන්ධ වී කටයුතු කිරීමට අවශ්‍ය ද යන්නත් ප්‍රශ්නයක්‌.

විශේෂයෙන්ම ජනතා විමුක්‌ති පෙරමුණේ පහළ මට්‌ටමේ සාමාජිකයන් එක්‌සත් ජාතික පක්‍ෂය සමග කටයුතු කරන්නට සූදානම් වුණේ නැහැ. එජාප ප්‍රතිපත්ති ජවිපෙ ප්‍රතිපත්ති සමග එකඟත්වයක්‌ ඇතිවන්නේ නැහැ. මේ නිසා ජවිපෙ පහළ සාමාජිකයන් අද ඉන්නේ දෙලොවක්‌ අතර. ඊළඟ මැතිවරණයේදී සරත් ෆොන්සේකා මහතා නැතිව ඔවුන්ට පැවතිය හැකි ද යන්න පවා ප්‍රශ්නයක්‌.

මේ ජයග්‍රහණයත් සමග රජයට මුහුණ දීමට ඇති ඉදිරි අභියෝග මොනවද?

මේ ජයග්‍රහණයෙන් ජය පැන් බොන්නට රජය සූදානම් වෙනවා නම් එය ඉදිරි මහ මැතිවරණයේදී ඔවුන් පරාජය වීමට තබන පියවරක්‌ විය හැකියි. මෙම ජනාධිපතිවරණයේදී ජනතාව ඡන්දය ප්‍රකාශ කළේ රජයේ සියලු අඩුපාඩුකම් අමතක කර ජනාධිපතිතුමා මේ රට සාමකාමී රටක්‌ නිදහස්‌ රටක්‌ බවට පත් කිරීමට ගත් ක්‍රියාමර්ගයට කෘතගුණ සැලකීමක්‌ විදිහටයි. එම නිසා රජයට එල්ල වී තිබෙන චෝදනා නිවැරැදි කර ගැනීම මේ ජයග්‍රහණයත් සමග රජය හමුවේ ඇති ප්‍රධාන අභියෝගයයි. රජයට එල්ල වී ඇති චෝදනාවලින් පැහැදිලිව පෙනෙන්නේ මේ රජයේ ඇමැතිවරුන් සහ මන්ත්‍රීවරුන් වැඩිදෙනා ජනතාවගේ ප්‍රසාදය දිනාගෙන නැති බවයි. එමනිසා මේ ජනාධිපතිවරණයේදී රජයට එල්ල වී ඇති චෝදනා පිළිබඳ සැලකිලිමත්ව ඊට නිසි පිළියමක්‌ යොදන්නට ජනාධිපතිතුමා අපොහොසත් වුව හොත් මේ ජනතා කෘතඥතාවයේ සැබෑ ප්‍රයෝජනයක්‌ රටට නොලැබෙනු ඇත.

ජනාධිපතිතුමනි මේ අහිංසක හිත හොඳ මිනිසුන් රැක ගනු මැනවි

2010-01-31T22:26:00.000+05:30

දෙනගම සිරිවර්ධන-දිවයින

ඒ ගම්වැසියෝ දුප්පත් ය. ඔවුන්ට හැකියාව තිබුණේ යම්තම් එදිනෙදා ජීවිතය ගැට ගසා ගැනීමට පමණි. ඉහළ යන බඩු මිල ගැනද ඔවුහු කතා කළහ. හාල් ටිකට සීනි ටිකට කොච්චර සල්ලියක්‌ ඕනෑද? ඔවුහු ඒ ගැනද එකිනෙකාට කියා ගත්හ.

ජනාධිපතිවරණයක්‌ එන බව ප්‍රසිද්ධ විය. මිනිස්‌සු ජනාධිපතිවරණයට ඉදිරිපත් වන මහින්ද මහතා ගැන දනිති."අපි කාටද ඡන්දෙ දෙන්න ඕන. එය ඔවුන්ට ප්‍රශ්නයක්‌ නොවීය.

"බඩු මිල ඉහළ යනවා. උන්නැහේගේ නෑයෝ ඉඩම් අල්ලනවා. ලොකු මාළිගා හදනවා. ඉතින් උඹලා උන්නැහෙට ඡන්දෙ දෙනවද?

"ගමට ආ අමුත්තෙක්‌ ඇසූහ.

"බඩු මිල නම් ඉහළ යනවා ඇත්තයි. පොළට ගියාම පිස්‌සු හැදෙනවා. අතේ තියෙන සල්ලි ටිකට ගන්න පුළුවන් මොනවද කියල හිතෙනවා. ඒත් ඉතින් අපට මේ වෙලාවේ වෙනත් දෙයක්‌ මතක්‌ වෙනවා. උන්නැහේ තමයි අවුරුදු තිහක්‌ තිබිච්ච යුද්ධෙ ඉවර කළේ. හමුදාවට සෙනග මදිවෙච්ච වෙලාවේ උන්නැහැ තමුන්ගේ පුතාත් හමුදාවට බැන්දෙව්වා. එහෙම කෙනෙක්‌ ඡන්දෙ ඉල්ලන කොට අපි ඉන්න ඕන උන්නැහෙත් එක්‌ක. බඩු මිල අඩුකරනව කියල පොරොන්දු දුන්නට ඔය අනිත් ඇත්තෝ ඒවා කරනවද? අපි ඒ පොරොන්දු තඹේට විශ්වාස කරන්නෙ නෑ.

අපි ඔය වගේ පොරොන්දුවලට කොච්චර රැවැටුනාද?

මහින්ද මහත්තයෝ කට්‌ටිය මේ පළාතේ නම්

ඉඩම් අල්ලල නැහැ මාළිගා හදලත් නැහැ

මොනවා නැතත් මහින්ද මහත්තය දිපූ ලොකුම පොරොන්දුව ඉෂ්ට කළානේ. ඒක තමයි යුද්ධය නතර කිරීම. අපි පහුගිය කාලේ සේරුවිල, තිරියාය, ලංකා පටුන වැඳගෙන කින්නියාවේ උණු දිය ළිං හතෙන්ම නාගෙන ආවා. ඒ වන්දනා ගමන අපට යන්න පුළුවන් වුණේ මහින්ද මහත්තය කොටියා කම්මුතු කළ නිසා. දැන් ඉතින් අපි බය නැතිව ඇවිදිනවා. අපේ වඩුවෝ, මේෂන් බාස්‌ලා කොළඹ රටේ ගිහිල්ලා බය නැතිව ගෙවල් හදනවා. ඔය කාරණේම මැදැ මහින්ද මහත්තයට ඡන්දෙ දෙන්න.

ඔවුහු අර අමුත්තාට කීහ. අමුත්තාට කට උත්තර නැති විය.

පළාතේ පක්‍ෂ සංවිධායකයෝ ඡන්ද ඉල්ලන කොළ පත්‍රිකා රැගෙන ගමට එනතුරු ඒ ගම්වැසියෝ බලා සිටියහ. ජනාධිපතිවරණයට ඇත්තේ තවත් සතියකි. ගමට ඡන්ද කොළ රැගෙන සංවිධායකයෝ ආවේ නැත. විපක්‍ෂයේ පොදු අපේක්‍ෂකයාට ඡන්දය දෙන්නැයි ඉල්ලමින් ජවිපෙ කීප දෙනෙක්‌ නම් ගමේ කොළ බෙදූහ. ගම්වැසියෝ තවත් දවසක්‌ බලා සිටියහ. ඔවුන් අතර සිටි තරුණයෝ කීප දෙනෙක්‌ මැදිවියේ දෙදෙනෙක්‌ එකතු වූහ.

අපි ගමේ ගෙවල්වල ඇවිදිමු. ගමේ මිනිස්‌සු මොනවද වෙන්නෙ කියල දන්නේ නැහැ. අපි කියල දෙමු. මැදිවියේ සිටි අයෙක්‌ කීය.

අපි යමු ඒත් ඉතින් අපට ඡන්ද කොළ නැහැ.

ඡන්ද ලකුණ බුලත් කොලේනේ අපි බුලත් අත් ටිකක්‌ අරන් යමු. බුලත් දීල කියමු බුලතෙට ඡන්දෙ දෙන්න කියල.

පසුදා උදැසන කොටුවෙන් බුලත් කඩාගත් පනහකට වැඩි පිරිසක්‌ ගමේ ගෙවල ඇවිදින්නට වූහ. කොටියා රට කෑලිවලට කඩා දැමූ හැටි, පෙර සිටි ජනාධිපතිවරු කොටියා සමඟ තිස්‌ වසරක්‌ ම යුද්ධ කළ හැටි, රැවටුනු හැටි, පැරදුනු හැටි. මහින්ද රාජපක්‍ෂ ජනාධිපතිතුමා ජනාධිපති වී මාස හයකට පසු කොටියා සමඟ යුද්ධය පටන් ගත් හැටි, මහ කොටියා කම්මුතු කරන තුරුම යුද්ධය නතර නොකළ හැටි. මහ කොටියාගේ මළ කඳ රටටම පෙන්වූ හැටි, යුද්ධය ජය ගත් හැටි. යුද්ධ කරන අතරම ගමට කොන්ක්‍රීට්‌ පාරවල් ලබා දුන් හැටි, උපාධියක්‌ තිබුණත් අවුරුදු ගණන් රස්‌සාවල් නැතිව සිටි ගමේ උපාසක බාප්පාගේ පුතාට ගුරු පත්වීමක්‌ ලබා දුන් හැටි, ඒ වාගේ උපාධිධාරීන් 45000 කට රස්‌සාවල් දුන්නලු. ඔවුහු ගමේ ගෙවල ඇවිදිමින් පැහැදිලි කළහ.

"බඩු නම් මිලයි. ඒත් ඉතින් දැන් අපට අපේ දරුවන්ට ජීවත් වෙන්න රටක්‌ තියෙනවනේ. අපි ඉස්‌සර අලියට ඡන්දෙ දීපු මිනිස්‌සු. දැන් අපි මහින්ද මහත්තයටය කියල හිතාගනිල්ලා."

ඒ ගෙවල වැසියන්ගෙන් ලැබුණේ එබඳු පිළිතුරුය. පවුල් දෙකතුනක්‌ හැරුණු විට ගමේ සියලුම පවුල් බුලත් කොළයට ඡන්දය දෙන බව බුලත් හපමින් ම කීහ.

ඒ ගමේ ජවිපෙ ළමයි ඇළවූ කොළ සහ රතු කොඩි සහ පෝස්‌ටර් මිස නිල් පාටක්‌ නොවීය. මහින්ද මහතාගේ මුහුණ එක ගසකවත්, බිත්තියකවත් නොපෙනිණ.

පළාත් සභා ඡන්දෙ දවස්‌වල නම් මහින්ද මහත්තයාගේ මුහුණ ඡන්දෙ ඉල්ලන ඇත්තන්ගේ මුහුණුත් එක්‌ක ගහපු පින්තූර කොළ හැම තැනම අළවලා තිබුණා. ඒ ඇත්තො ඒ දවස්‌වල නම් ගෙවල් ගානේ කොළ මිටි බෙදුවා. මහින්ද මහත්තයගෙ මුහුණ පෙන්නල ඒ ඇත්තො ඡන්දෙ දිනාගත්ත. ඒ වුණාට දැන් ඒ ගොල්ල මහින්ද මහත්තය දිනවන්න එන්නෙ නැහැ. අන්න ඒ නිසාම තමයි අපි මහින්ද මහත්තය වෙනුවෙන් වැඩ කරන්න ඕන.

ගමේ සර්ප වෙද මහත්තයා කීවේය.

ගමම පිබිද තිබිණ. ඡන්ද මධ්‍යස්‌ථානය පිහිටියේ ගමේ පන්සලේය. උදේ හත වන විට ගමේ ගැහැනු පිරිමි පන්සල් මළුවේ පේළි සැදුණහ. ඔවුහු ඡන්ද පත්‍රිකාවේ බුලත් ලකුණ සොයාගෙන කතිරය ගසා "ඔන්න අපේ වැඩේ කළා. රට බේරලා දුන්නට යුතුකම ඉෂ්ට කළා." යි පාරට පැමිණ කීහ.

මේ මා දන්නා ගම් කීපයකදී ඇසූ කතාවකි.

කොළඹ පැත්තේ ගෙවල් තැනීමට ගිය මේසන් බාස්‌ලා වඩු රාළලා, ඡන්දයට පෙර දා හැන්දෑවේ ගමට ආහ.

"උඹලා දන්නවද කොළඹ පැත්තෙ මිනිස්‌සු කතා කරන්නෙ මහින්ද මහත්තය පරද්දන්න ඕන කියල. අපි හදන ගෙයි අයිතිකාරයා කියන්නෙ මහින්දට කොළඹ ඡන්ද නැහැ කියල. ඒ කතාව අහපු ගමන්ම අපි තීරණය කළා ගමට ඇවිල්ල මහින්ද මහත්තයට ඡන්දෙ දෙන්න ඕනය කියලා. ඒ මහත්තය කෑ ගැහුව ගෙයි ස්‌ලැබ් එක නොදා යන්න දෙන්න බැහැ කියලා. බැරිම තැන මිනිහා අපට කිව්වේ මොකක්‌ද දන්නවද. යන්නම ඕන නම් පලයල්ලා. මහින්ද දිනන්නෙ නැහැ. මහින්දට ඡන්දෙ දෙන්න එපා කියලා." අපි ආවා.

ඔවුහු ගමට පැමිණ කීහ. උදැසනම ඔවුහු ඡන්ද පොළට ගියේ ඇවිදීමට අපහසු වැඩිහිටියන් ද වත්තම් කරගෙනය.

ඔවුන් ඡන්ද ප්‍රතිඵල ඇසුවේ කොළඹ ගෙයි වැඩ කරන අතරය.

මහින්ද මහතා දිනූ බව ඇසූ ඔවුහු කෑ ගසා නැටූහ. ගෙය ඉදිකරවන මහත්තයා ළඟට පැමිණියද ඔවුන්ගේ කෑ ගැසීම නැටීම නතර වූයේ නැත.

කිසිවකුගේ පෙළඹවීමක්‌, ලාබ අපේක්‌ෂාවක්‌ නැතිව සිය කැමැත්තෙන්ම මේ ගම්වල ගොවියෝ, කම්කරුවෝ, තරුණ තරුණියෝ "මහින්ද මහත්තයා" දිනවීමට හවුල් වූහ.

ඇතැමකුගෙන් අපට අසන්නට ලැබුණේ විපක්‌ෂයේ පොදු අපේක්‌ෂකයා වූ ෆොන්සේකා මහතා පිළිබඳ හටගත් බිය නිසාම ඔහුට එරෙහිව ඡන්දය දීමට සිදු වූ බවය.

"යුද්දෙට හොඳ වුණත් උන්නැහේට රට බාර දෙන්න නම් බැහැ. මට එහෙම හිතුනෙ උන්නැහෙගෙ කතාවක්‌ අහල. මහින්ද මහත්තයගෙ පැත්තට කතා කරන මන්ත්‍රීකෙනෙකුට කටුකන එකෙක්‌ කියල කිව්වා. ඡන්දෙන් දිනුවට පස්‌සෙ ඒ මන්ත්‍රීතුමාට කටුගොඩක්‌ ගහල ලෙවකන්න දෙනව කිව්වා. ඉතින් ඔය කිව්වෙ දිනුවට පස්‌සෙ විරුද්ධකාරයො මරල ඇට ගොඩවල් ගහනව කියන එකනේ. ඒවගේ කතා කියන කෙනෙක්‌ ජනාධිපති වුනොත් මොකෙන් මොකක්‌ වේද කියල මට හිතුන. උන්නැහේ වෛරයෙන් කතා කළේ. මට බය හිතුන. දිනුවොත් රටේ මිනිස්‌සු මරයි කියල හිතුණා. මං හැමදාම අලියට ඡන්දෙ දීපු කෙනෙක්‌. ඒත් මම හැමදාම අලියට විරුද්ධව හිටි මහින්ද මහත්තයට මේ පාර ඡන්දය දෙනව අර උන්නැහේ මිනිස්‌සු මරයි කියල මගේ හිතේ බයක්‌ තියෙන නිසා.

හත් අට නමක්‌ හැර ලංකාවේ හාමුදුරුවරු සියලු දෙනාම මහින්ද මහත්තයට ඡන්දය දෙන්නැයි ජනතාවගෙන් ඉල්ලූහ. ගී ගයමින්, කතා පවත්වමින්, රඟපාමින් කලාකරුවෝද ගමින් ගමට ගොස්‌ මහින්ද මහත්තයා දිනවන්නැයි කීහ. හාමුදුරුවරු සහ කලාකරුවන් පිළිබඳව ද ජනතාව තුළ ඇතිවූයේ යහපත් සිතිවිලිය.

25 වැනිදා රෑ තවත් අපූරු දෙයක්‌ බොහෝ පළාත්වල සිදුවිය. ෆොන්සේකාට ඡන්දය දෙමියි සිතමින් නින්දට ගිය බොහෝ දෙනා 26 වැනිදා උදේ පිබිද ඡන්ද පොළට ගොස්‌ මහින්ද මහතාට ඡන්දය දුන්හ. උදේ පිබිදෙන විට ඔවුන්ගේ සිත් වෙනස්‌ වී තිබිණි. ෆොන්සේකාට ඡන්දය දීම මහා අනතුරකට රට හෙළීමක්‌ යන සිතිවිල්ල නින්දේ දීම ඔවුන්ගේ සිත්වල පහළ වී තිබිණි. මෙය මහා ආශ්චර්යයක්‌ විය.

තුවක්‌කුවට ද, පරුෂ වචනයෙන් සෙබළු ඇමතීමටද පුරුදු වී සිටි අයකු එකවරටම ජනාධිපති වුවහොත් සිදුවන්නේ කුමක්‌ද? සිය පුරුදු අනුව ගොස්‌ වැඩ වර්ජකයන්ටද, බඩුමිල අඩු කරනුයි කියන අයටද, වෙඩි තබනුයි නියෝග කරන්නට බැරිද? ඔවුන්ගේ සිත් අනාගත බියකින් පිරිණි, උදේ පිබිදුණු වහාම ඡන්ද මධ්‍යස්‌ථානයට දිව ගියේ ඒ බිය දුරු වන පරිදි රට මහින්ද මහතාට බාරදීමටය.

මේ ඡන්ද දායකයෝ බහුතරය ලාභ අපේක්‌ෂාවලින් තොරය. ඔවුන්ට අවශ්‍ය යහපත්, සාමකාමී හෙට දවසකි. ජනාධිපතිතුමනි, මේ අහිංසක හිත හොඳ මිනිසුන් රැකගනු මැනවි.

විශේෂ ස්‌තුතිය - තොරතුරු සැපයූ යෝගී පියසිරි කුලරත්න, මාතර වල්පොළ යූ. අයි. මුතුකුමාරණ, හක්‌මන උඩුපිල්ලගොඩ එස්‌. ටී. ආරියදාස, දෙනගම එච්. ජී. ජිනදාස යන මහත්වරුන්ට.